Apocalipsis 8:12 - Emberá Chamí

¹² Mau maad̶akare june ab̶a angelba ichi kachu chaasii. Ara makʉd̶e beraa mita jed̶ako pãriusii maud̶e ʉmada. Maud̶e beraa mita pusterrearã sid̶a pãriusii. Maud̶eeba beraa mita ewari ab̶a pãriu nub̶eesii. Maud̶e ẽsabud̶e bid̶a beraa mita chi jed̶ako maud̶e pusterrearã sid̶a pãriu nub̶eesii.

Apocalipsis 8:12 Iomraidhean Croise

Mateo 24:29

»Ẽbẽrarã ãrea biꞌiwãe panaped̶aad̶akare ara makʉd̶e ʉmada pãriui. Jed̶ako sid̶a pãriui. Pusterrearã bajãad̶ebena b̶aed̶ai. Joma bajãad̶e b̶ee urid̶ai.

Mateo 27:45

Ʉmada jipad̶ebena ʉmada b̶aare baaruud̶aa joma pãriu nub̶eesii.

Marcos 13:24

»Ẽbẽrarã ãrea biꞌiwãe panaped̶aad̶akare ʉmada pãriui. Jed̶ako sid̶a pãriui.

Marcos 15:33

Ʉmada jipad̶ebena ʉmada b̶aare baaruud̶aa joma pãriu nub̶eesii.

Lucas 21:25

»Machiba ʉmada, jed̶ako maud̶e pusterrearã kĩra awara unud̶ai. Mauba unubiai ewari kachirua neeruu. Maud̶eeba nau iujãad̶e ẽbẽrarã ãrea perad̶ai. Maarãba kãare kʉ̃risiad̶ai aduad̶ai mard̶ebena ʉ̃rape ãrea arraaid̶eeba.

Hechos 2:20

Dachi Mechiuba nebʉra kastikai ewari neei naed̶e ʉmada kii. Maud̶e jed̶ako oa bai. Mau ewari chi mechiu mia pera bai.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Apocalipsis 12:4

Chi druu neapesiid̶e pusterrearã bajãad̶ebenarã beraa mita b̶aesid̶au nau iujãad̶e. Mau dragón wẽra warr adaui baita b̶uumare b̶ari nub̶eesii chi warr adauruud̶e mii baita.

Apocalipsis 16:10

Mau maad̶akare june ab̶a angelba ichi sãud̶e uru b̶uad̶a chi ãnimara chi rey ãkau ʉ̃rʉ eabʉisii. Ara makʉd̶e chi mau ewari pãriusii chi mau ãnimaraba juad̶e ua b̶uad̶amare. Maabae chi ichid̶irã puaba ãchi kẽrame kaabachid̶au.

Apocalipsis 6:12

Mau maad̶akare mʉʉba unusii chi Oeja Kaebe Niiba chi wãa kub̶uu maucha oetaaruu. Maud̶e ioromia ãrea urisii. Ʉmada pãriusii paru parr ab̶a biud̶akare jʉ̃badau kĩra. Jed̶ako joma oa kĩra puria kob̶eesii.

Apocalipsis 9:15

Ara makʉd̶e ichiba maarã kimare enakuasii nau iujãad̶ebena ẽbẽrarã beraa mita bead̶amera. Dachi Akõreba maarã uru b̶uasii maka bead̶amera ara mau añod̶e, ara mau jed̶ako ab̶ad̶e maud̶e ara mau ewarid̶e bid̶a.

Apocalipsis 9:18

Chi mura okarrd̶ebena aokooruuba, nariba maud̶e azufre chi cheeruu bid̶a beraa mita chi nau iujãad̶ebena ẽbẽrarã kenasii.