Apocalipsis 7:11 - Emberá Chamí

¹¹ Maud̶e chi kimare chokae nuree panuurãba maud̶e chi 24 chõrarã chi rey ãkau kaita duanasid̶au. Joma chi angelerã chi maarã ad̶u jũra b̶ari topanasid̶au. Maud̶e chi joma angelerã õdarrd̶e kopaneesid̶au maud̶e chi rey ãkau daad̶e daub̶ʉʉrʉ jaab̶arid̶aped̶a maabae Dachi Akõremaa biꞌia berreasid̶au.

Apocalipsis 7:11 Iomraidhean Croise

Mateo 4:10

Maud̶e Jesusba jʉbawãe niimaa jarasii: —Satanás, namabena wãse, Dachi Akõre bed̶ead̶e naka b̶ʉ kub̶uud̶eeba: “Bichiba Dachi Mechiu, Dachi Akõréturu ãrea kʉ̃riáse. Ab̶a ichíturu ijãa b̶uase”.

Juan 5:23

Maka jomaurãba mʉ Chacha wapea panuu kĩra mʉ sid̶a wapead̶ai. Chi mʉ wapeawẽa b̶uuba mʉ Chacha sid̶a wapeawẽa b̶uu, mʉ Chachaba mʉ nau iujãad̶aa bʉisiid̶eeba.

Hebreos 1:6

Maud̶e Dachi Akõreba ichi Warr ara ab̶a nii nau iujãad̶aa bʉisiid̶e naka jarasii: «Joma Dachi Akõre angelerãba Maumaa biꞌia berread̶ai panuu».

Apocalipsis 11:16

Maud̶e chi 24 chõrarã mechiurã ãchi rey ãkaud̶e sĩu duanad̶a Dachi Akõre daad̶e õdarrd̶e kopaneesid̶au maabae Dachi Akõremaa biꞌia berreasid̶au.

Apocalipsis 15:4

Dai Mechiu, ¿kaiba bichi wapeabai b̶uma? ¿Kaiba bichi chi Mechiu nii aabaima? Bichi Dachi Akõre báitaburu niibʉ. Joma druachad̶ebena imiped̶aad̶aba bichimaa biꞌia berread̶ai, bichiba chi jipa wau b̶uu jomaurãmaa unubiasiid̶eeba».

Apocalipsis 22:9

Maamina ichiba jarasii: «Jãka waurã́se, maumaarã Dachi Akõremáturu biꞌia berreáse. Mʉ arab̶aud̶e bichi kĩra Dachi Akõre baita bari trajabariibʉ, ãbarã Dachi Akõre baita berreabadaurã kĩra, maud̶e joma nau kartad̶e jara b̶uu ijãabadaurã kĩra».

Apocalipsis 4:4

Maud̶e 24 rey ãkau panuu chi rey ãkau ad̶u jũra panasii. Mau ʉ̃rʉ 24 chõrarã mechiu akʉ duanasii. Ãchi paru torroa b̶uasii. Maud̶e boro jũra nee waud̶a jʉ̃ panasii.

Apocalipsis 4:6

Mau rey ãkau kĩraare mar biirio kĩra dod̶aa nub̶uasii. Mau rey ãkau jua biare, jua sordoare, kaad̶e, maud̶e kĩraare kimare chokae nuree panasii. Maarã dau ãrea uru panasii, pechud̶e maud̶e akarrare.

Apocalipsis 4:8

Maarã chokae nuree ab̶aab̶aa ikia 6 uru nureasii. Ãchi kakuad̶e dau ãrea bara nureasii. Maud̶e ãchi ikia ekare bid̶a dau ãrea basii. Ãyadaa, maud̶e ẽsabud̶e maarãba ida b̶ud̶ayuwãe nau jarabachid̶au: «Ãrea biꞌia nii, ãrea biꞌia nii, ãrea biꞌia nii Dachi Mechiu, Dachi Akõre, chi Joma Poyaabarii. Mau chi nibad̶abʉ, chi niibʉ maud̶e chi neei baita b̶uubʉ».