Apocalipsis 7:10 - Emberá Chamí

¹⁰ Maud̶e joma naka kĩrud̶eeba jarasid̶au: «¡Dai Akõre nau rey ãkaud̶e akʉ b̶uu maud̶e chi Oeja Kaebe nii baarauba dai karibasid̶au!»

Apocalipsis 7:10 Iomraidhean Croise

Lucas 3:6

Maka jomaurãba unud̶ai saka Dachi Akõreba dachi karibai b̶uu».

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Juan 1:36

Maud̶e Juanba Jesús ara kaita wãaruu unukare jarasii: —¡Ichiásturu! Jãu Dachi Akõre Oeja Chekebʉ.

Juan 4:22

Machi Samariad̶ebenarã Dachi Akõremaa biꞌia berreabadamina ichi adua panuu. Dai judiorãba ichi kuitaa panuu, judiorãd̶eeba Dachi Akõreba saka ẽbẽrarã karibabarii kuitaabia b̶uud̶eeba.

Efesios 2:8

Jesusd̶e ijãasid̶aud̶eeba Dachi Akõreba ichi sõbiad̶eeba machi karibasii. Ara machi du ab̶a karibad̶aabasii, maumaarã Dachi Akõréburu bari karibasii.

Apocalipsis 12:10

Maabae mʉʉba ab̶a bajãad̶e jĩkua berrearuu ũrisii. Naka jarasii: «Id̶i Dachi Akõreba ichi ẽbẽrarã karibamaa b̶uu. Id̶i ichi poyaabariiba jomaurã ichi juad̶e ua b̶uu. Cristo chi karibabarii deai jarad̶aba joma poyaai. Bajãad̶ebena iujãad̶aa chi dachi ãbarã jideabarii jiratasii. Mauba ẽsabud̶e maud̶e ãyadaa Dachi Akõre daad̶e makabachii.

Apocalipsis 19:1

Mau maad̶akare mʉʉba bajãad̶e ãrea naka berrea duanuu kĩra ũrisii: «¡Dachi Akõremaa biꞌia jaráduru! Ichiaburu ẽbẽrarã karibabarii. Ichi chi aude mechiu nii maud̶e poyaabarii.

Apocalipsis 21:5

Maabae chi rey ãkaud̶e akʉ b̶uuba naka jarasii: «Mʉʉba joma chiwid̶i waumaa b̶uu». Maud̶e naka jarasii: «Chi mʉʉba jara b̶uu karta ab̶ad̶e b̶ʉse chi biawãra bed̶ead̶eeba, maud̶e biawãra makaaruu poyaa ijãaduud̶eeba».

Apocalipsis 22:3

Dachi Akõreba mau puurud̶e kachirua baraai a jarad̶a wãꞌãe bai. Dachi Akõre maud̶e Oeja Kaebe Nii rey ãkau mau puurud̶e panad̶ai. Aria Dachi Akõre baita bari trajabadaurãba ichimaa biꞌia berread̶ai.

Apocalipsis 4:6

Mau rey ãkau kĩraare mar biirio kĩra dod̶aa nub̶uasii. Mau rey ãkau jua biare, jua sordoare, kaad̶e, maud̶e kĩraare kimare chokae nuree panasii. Maarã dau ãrea uru panasii, pechud̶e maud̶e akarrare.

Apocalipsis 5:7

Maud̶e mau oeja kaebeu chi rey ãkaud̶e akʉ b̶uumaa wãped̶a chi karta mau jua biare uru b̶uad̶a adausii.