Apocalipsis 6:9 - Emberá Chamí

⁹ Mau maad̶akare Oeja Kaebe Niiba chi wãa kub̶uu maucha oetasiid̶e mʉʉba unusii chi Dachi Akõre bed̶ea jaradea panuu kakua beaped̶aad̶a jaurirã. Maarã bajãad̶e chi ãnimara baa deabadau jãkaa panasid̶au.

Apocalipsis 6:9 Iomraidhean Croise

Juan 16:2

Judiorãba machi ãchi judiorã araa ãbua imibadau ded̶ebena duabʉikad̶ai. Mau awara machi bead̶ai ewari neei. Machi beaduud̶e ãchiba kʉ̃risiad̶ai “Dachi Akõreba kʉ̃ria b̶uu wau panuu”.

2 Corintios 5:8

Maka dachi jirukaraayuwãe maud̶e wapead̶awẽa panuu. Dachi nau kakuad̶ebena wã kʉ̃ria panuu Dachi Mechiu baara nuread̶ai baita.

Filipenses 1:23

Chaarea b̶uu jarai baita mau omed̶ebena sãu aude biꞌia b̶uu. Mʉʉmaarã biꞌia b̶uu biui, Cristo ome b̶uai baita.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

2 Timoteo 4:6

Kãꞌãabariwãed̶e mʉ bead̶ai. Mʉ biui ewari ʉ̃rʉ ba b̶uu.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

Apocalipsis 1:2

Joma mʉʉba unud̶a biawãra jara b̶uu. Mʉʉba jara b̶uu nau bed̶ea Dachi Akõred̶ebena nee b̶uu maud̶e Jesucristoba biawãra unubisii.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 14:18

Maabae chi Dachi Akõre baita bajãad̶e kera baa deabadaumarebena june ab̶a ángel awara neesii. Maud̶eeba chi tʉbʉchia aoko uru b̶uabarii chi kera baai baita. Naka jĩwa jarasii chi neko peed̶ea jũria uru b̶uumaa: «Chi iujãad̶ebena uva waraa kub̶uud̶eeba, bichi neko jũria b̶uuba joma tuukuase».

Apocalipsis 16:7

Mau maad̶akare mʉʉba ũrisii kera baa deabadau bajãad̶e b̶uareeba ab̶auba naka berrearuu: «Dai Akõre Mechiu chi Joma Poyaabarii, bichi biawãra niid̶eeba arakʉd̶e ẽbẽrarã kastikabarii».

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.

Apocalipsis 20:4

Maabae mʉʉba rey ãkaurã ãrea unusii. Mau ʉ̃rʉ akʉ b̶eemaa Dachi Akõreba dead̶akasii ẽbẽrarãba wauped̶aad̶a ichiad̶amera. Maud̶e ẽbẽrarã boro tʉʉtaped̶aad̶a jauri unusii. Maka boro tʉʉtasid̶au Jesusba jaradead̶a ijãa panuud̶eeba maud̶e Dachi Akõre bed̶ea jaradea panuud̶eeba. Ãchiba ãnimara kachirua nii maud̶e chi ara ichi kĩra juaba ne kaped̶aad̶a ãrea kʉ̃riad̶aabasii. Ichi seña ãchi daub̶ʉʉrʉd̶e juad̶e bid̶a ida waubid̶aabasii. Ãchi chokae jiradud̶aped̶a Cristo baara karrarã 1.000 años paneesid̶au.

Apocalipsis 8:3

Maabae ángel june neeped̶a Dachi Akõre baita kera baabadaumare akʉ nub̶eesii. Mau Dachi Akõre baita kera baabadau nee waud̶a chi rey ãkau kĩraare nub̶uu. Chi angelba ichi juad̶e paratu nee waud̶a uru b̶uasii kera baai baita. Ab̶aba ichimaa kera ãrea deasii Dachi Akõre baita baamera ẽbẽrarã Dachi Akõred̶erã ʉtaa id̶imaa panuumisa. Ara makʉd̶e ichiba chi kera baasii chi kera baa deabadau ʉ̃rʉ.

Apocalipsis 9:13

Mau maad̶akare june ab̶a angelba ichi kachu chaasii. Maud̶e chi Dachi Akõre daad̶e kera baa deabadau nee waud̶a kachu kimare panuumareeba mʉʉba ab̶a berreamaa b̶uu ũrisii.