Apocalipsis 6:16 - Emberá Chamí

¹⁶ Maarãba naka jarasid̶au: «¡Ea, mo, dai ʉ̃rʉ b̶áesturu. Dai mirubiásturu chi rey ãkaud̶e akʉ b̶uuba dai unurãamera maud̶e chi Oeja Kaebe Niiba kastikarãamera.

Apocalipsis 6:16 Iomraidhean Croise

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Lucas 23:30

Maud̶e eamaa naka jarad̶ai: “Dai ʉ̃rʉ b̶aese”. Waabena eamaa jarad̶ai: “Dai ʉ̃rʉ anase”.

Apocalipsis 10:6

Maabae Dachi Akõre trʉ̃d̶eeba berreasii chi nau iujãad̶ebena, bajãad̶ebena, mard̶ebena joma waud̶a. Dachi Akõre ewaricha chokae nii trʉ̃d̶eeba naka jarasii: «Dachi Akõreba jarad̶a kãꞌãabariwãed̶e joma makai.

Apocalipsis 19:15

Dachi Akõre Bed̶ea abadau okarrd̶eeba chĩobarii neko peed̶ea b̶uu nee b̶uasii druachabenarã poyaai baita. Ichi kĩra chuburiayuwãe joma nau iujãad̶ebenamaa ichid̶e ijãabia b̶uai. Uva biraduaruu kĩra, ãchi maka kastikai, Dachi Akõre Joma Poyaabarii kĩru kub̶uud̶eeba.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Apocalipsis 4:2

Ara makʉd̶e Dachi Akõre Jauri mʉʉd̶e need̶aba chi rey ãkau bajãad̶e unubisii. Mau ʉ̃rʉ ab̶a akʉ b̶uasii.

Apocalipsis 4:5

Ara maud̶e chi rey ãkau bajãad̶e b̶uud̶ebena bã puri chebi b̶uasii, ʉrʉrʉa b̶uasii, maud̶e bã ãrea to b̶uasii. Mau rey ãkau daad̶e 7 lámpara koa topanasii. Mau lámpara chi 7 jauri Dachi Akõred̶ebʉ.

Apocalipsis 4:9

Chi Dachi Akõre ewaricha chokae nii ichi rey ãkaud̶e akʉ b̶uu. Ara maud̶e chi chokae nureeba jara panuu ichi mipitaa nii, ichimaa biꞌia jara panuu, maud̶e ichíturu kid̶ibai a panuu. Mau jaraaduucha chi 24 mechiu chõrarã Dachi Akõre ewaricha chokae nii daad̶e õdarrd̶e kopaneed̶aped̶a ãrea kʉ̃riabadau. Ãchi boro jũra jʉ̃badau chi rey ãkau jãkaa duanud̶aped̶a naka jarabadau:

Apocalipsis 5:1

Maud̶e mʉʉba unusii chi rey ãkaud̶e akʉ b̶uu ichi juad̶e karta bʉra uru b̶uasii. Chi kartad̶e muriacha ne b̶ʉ kub̶uasii. Chi karta kub̶uumaa 7 jʉrrʉba wãa kub̶uasii ab̶au bid̶a ewarãamera.

Apocalipsis 6:10

Kĩrud̶eeba naka berreasid̶au: «Jomaurã Mechiu, bichi ãrea bia nii maud̶e biawãra berreabarii. ¿Bichiba sakaed̶e chi jãu iujãad̶ebenarã dai beaped̶aad̶a kakua kastikakuaima?»

Apocalipsis 9:6

Mau ewarid̶e ẽbẽrarãba biud̶ai jʉrʉd̶ai. Biawãra biud̶ai kʉ̃ria panumina, biud̶aabai.