Apocalipsis 6:12 - Emberá Chamí

¹² Mau maad̶akare mʉʉba unusii chi Oeja Kaebe Niiba chi wãa kub̶uu maucha oetaaruu. Maud̶e ioromia ãrea urisii. Ʉmada pãriusii paru parr ab̶a biud̶akare jʉ̃badau kĩra. Jed̶ako joma oa kĩra puria kob̶eesii.

Apocalipsis 6:12 Iomraidhean Croise

Mateo 11:21

Naka jarasii: —¡Corazín puurud̶ebenarã maud̶e Betsaidad̶ebenarã miichuburi nuree Dachi Akõreba kastikaid̶eeba! Mʉʉba machi tãed̶e ẽbẽrarãba ne poyaa waud̶akau ãrea wausii. Mʉʉba maka waud̶a basirã Tirod̶e maud̶e Sidond̶e, mau puurud̶ebenarãba isa ãchi kachirua ida b̶ud̶aped̶a Dachi Akõred̶e ijãad̶ai basii. Maud̶eeba paru parr jʉ̃d̶ai basii maud̶e etab̶arr jora boro ʉ̃rʉ kuikuad̶ai basii.

Mateo 24:29

»Ẽbẽrarã ãrea biꞌiwãe panaped̶aad̶akare ara makʉd̶e ʉmada pãriui. Jed̶ako sid̶a pãriui. Pusterrearã bajãad̶ebena b̶aed̶ai. Joma bajãad̶e b̶ee urid̶ai.

Mateo 24:7

Drua ab̶a ab̶au drua ome chĩobika nub̶uai. Maud̶e rey ab̶a ab̶au rey ome chĩobika nub̶uai. Druacha jarrba baraai maud̶e ioromia druacha baraai.

Mateo 27:45

Ʉmada jipad̶ebena ʉmada b̶aare baaruud̶aa joma pãriu nub̶eesii.

Mateo 27:54

Romad̶ebena kokoroarã jaradea ua b̶uabariiba, ichi kokoroarã bid̶a Jesús nu panasid̶au ab̶auba aid̶arãad̶amera. Maamina ioromiaba makaaruu unusid̶aud̶e ãrea perad̶aped̶a jarasid̶au: —Biawãra nau mukĩra Dachi Akõre Warr basii.

Mateo 28:2

Maud̶e maka b̶uud̶e ioromia ãrea neesii. Dachi Mechiud̶e ángel bajãad̶ebena neeped̶a chob̶ea jʉ̃a kub̶uad̶a ãyaa bʉraa kub̶uped̶a mau ʉ̃rʉ akʉ b̶eesii.

Marcos 15:33

Ʉmada jipad̶ebena ʉmada b̶aare baaruud̶aa joma pãriu nub̶eesii.

Apocalipsis 11:13

Maud̶e ioromia meserãa neesii. Mauba Jerusalén puurud̶e de ãrea korekuasii. 7.000 ẽbẽrarã biusid̶au. Ara maud̶e chi chokae panuuba perad̶eeba chi bajãad̶ebena Dachi Akõremaa biꞌia nii a jarasid̶au.

Apocalipsis 16:18

Ara makʉd̶e bã puri chebi kob̶eesii, bã bed̶ea baraa ãrea to kob̶eesii, maud̶e ioromia sid̶a ãrea neesii. Dachi Akõreba ẽbẽra wausiid̶eed̶ebena id̶i jãka ioromia urikabasii.

Apocalipsis 16:8

Mau maad̶akare june ab̶a angelba ichi sãud̶e uru b̶uad̶a ʉmada ʉ̃rʉ eabʉisii. Mauba chi ʉmada aude koabisii ẽbẽrarã baamera.

Apocalipsis 8:12

Mau maad̶akare june ab̶a angelba ichi kachu chaasii. Ara makʉd̶e beraa mita jed̶ako pãriusii maud̶e ʉmada. Maud̶e beraa mita pusterrearã sid̶a pãriusii. Maud̶eeba beraa mita ewari ab̶a pãriu nub̶eesii. Maud̶e ẽsabud̶e bid̶a beraa mita chi jed̶ako maud̶e pusterrearã sid̶a pãriu nub̶eesii.

Apocalipsis 8:5

Maabae chi angelba kera baa deabadaud̶ebena tʉbʉ kĩra adauped̶a, chi paratu waabirubisii. Mau tʉbʉ kĩra nau iujãad̶aa jiratasii. Mauba bã tosii, ʉrʉrʉa wã kob̶eesii, bajãa puri chebi kob̶eesii maud̶e nau iujãa sid̶a uri kob̶eesii.