Apocalipsis 5:13 - Emberá Chamí

¹³ Maud̶e mʉʉba ũrisii chi joma Dachi Akõreba waukuad̶a chi bajãad̶e duanuu, chi nau iujãad̶e duanuu, chi biuped̶aad̶a maud̶e mard̶e duanuu bid̶a naka kari panasid̶au: «Jomaurãba chi rey ãkaud̶e akʉ b̶uumaa maud̶e chi oeja kaebeu niimaa ewaricha biꞌia berread̶ai panuu. Aude mechiu nii a jarad̶ai panuu, aude mipitaa nii a jarad̶ai panuu maud̶e bibuara b̶uu ichi juad̶e uru b̶uai a jarad̶ai panuu».

Apocalipsis 5:13 Iomraidhean Croise

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Lucas 2:14

«¡Dachi Akõre ʉtʉ bajãad̶e b̶uu ãrea biꞌia nii! ¡Dachi Akõreba biꞌia unu b̶uu ẽbẽrarã nau druad̶e jirukaraayuwãe panad̶ai!»

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Romanos 11:36

Dachi Akõréburu ne joma wausii. Ne joma ichid̶eeba b̶uu maud̶e ichi baita b̶uu. Dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 16:27

Ichi ab̶aburu nii. Ne joma kuitaa nii. Jesucristod̶eeba dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 9:5

Ãchi nabẽraed̶ebenarã chi mechiurã nureasii. Ãchid̶ebena Cristo ẽbẽra kakuad̶e chi naweba adausii. Mau jomaurã Akõrebʉ. Ichimáburu dachiba ewaricha biꞌia berread̶ai panuu. Biꞌia b̶uu maka b̶uai.

Efesios 3:21

Ãbarã, Jesucristo baara panuud̶eeba ¡ewaricha Dachi Akõremaa biꞌia berread̶ai panuu! Biꞌia b̶uu maka b̶uai.

Filipenses 2:10

Maka joma bajãad̶e nuree, nau iujãad̶e nuree maud̶e biud̶arã panabadaud̶e nuree Jesús daad̶e õdarrd̶e kopaneed̶ai.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

1 Timoteo 4:16

Ara bichi ʉ̃rʉbena maud̶e bichiba jaradea b̶uu ʉ̃rʉbena kauwa b̶uase. Joma mau jipa wau nibase. Maka wau niibʉrã bichi karibai. Bichiba jaradea b̶uu ũri panuu sid̶a karibad̶ai.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.

1 Pedro 5:11

Biꞌia b̶uu ewaricha ne joma ichi juad̶e uru b̶uai. Biꞌia b̶uu maka b̶uai.

Judas 1:25

Dachi Akõre ab̶aburu nii. Ichi dachi karibabariibʉ. Ichi chi aude Mechiu nii, maud̶e joma poyaa waui b̶uu. Jomaurã chibaribʉ. Nabẽraed̶eed̶ebena maka nii. Id̶ibae bid̶a maka nii, maud̶e maka b̶uai. Dachi Akõremaa biꞌia berread̶ai panuu Dachi Mechiu Jesucristod̶eeba. ¡Biꞌia b̶uu maka b̶uai!

Apocalipsis 1:6

Dachi b̶usii Dachi Akõreba ichi juad̶e paare nuread̶amera. Maka ichi Bajãad̶ebena Akõreba kʉ̃ria b̶uu wau panad̶ai. Maumaa biꞌia berread̶ai panuu. Biꞌia b̶uu mau ewaricha jomaurã Mechiu b̶uai. Biawãra biꞌia b̶uu maka b̶uai.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

Apocalipsis 5:1

Maud̶e mʉʉba unusii chi rey ãkaud̶e akʉ b̶uu ichi juad̶e karta bʉra uru b̶uasii. Chi kartad̶e muriacha ne b̶ʉ kub̶uasii. Chi karta kub̶uumaa 7 jʉrrʉba wãa kub̶uasii ab̶au bid̶a ewarãamera.

Apocalipsis 5:12

Naka jĩwa kari panasid̶au: «¡Chi oeja kaebeu beaped̶aad̶a ãrea biꞌia nii! Jomaurãba mau biꞌia berread̶ai panuu ne joma poyaabariid̶eeba, ne joma uru b̶uud̶eeba, joma kuitaa b̶uud̶eeba maud̶e ãrea poyaabariid̶eeba. Ichi chi aude mechiu nii ad̶ai panuu maud̶e chi aude bia nii ad̶ai panuu».

Apocalipsis 5:3

Maamina mau karta ewaped̶a ed̶a jarai baita ab̶a bid̶a chi bia wãꞌãe basii. Bajãad̶e, nau iujãad̶e maud̶e biuped̶aad̶a duanaabadaumarebena sid̶a wãꞌãe basii.

Apocalipsis 5:6

Maud̶e Dachi Akõred̶e rey ãkau kaita, kimare chokae nuree kaita maud̶e 24 chõrarã mechiurã tãed̶e oeja kaebeu ab̶a akʉ nub̶uu unusii. Mau chi bea panad̶a kĩra nibasii. Kachu 7 bara nibasii. Maud̶e 7 dau bara nibasii. Mau dau jara b̶uu chi 7 jauri Dachi Akõre daad̶e panuu. Dachi Akõreba nau iujãa jomad̶e maarã bʉikasii.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.

Apocalipsis 6:16

Maarãba naka jarasid̶au: «¡Ea, mo, dai ʉ̃rʉ b̶áesturu. Dai mirubiásturu chi rey ãkaud̶e akʉ b̶uuba dai unurãamera maud̶e chi Oeja Kaebe Niiba kastikarãamera.