Apocalipsis 4:4 - Emberá Chamí

⁴ Maud̶e 24 rey ãkau panuu chi rey ãkau ad̶u jũra panasii. Mau ʉ̃rʉ 24 chõrarã mechiu akʉ duanasii. Ãchi paru torroa b̶uasii. Maud̶e boro jũra nee waud̶a jʉ̃ panasii.

Apocalipsis 4:4 Iomraidhean Croise

Mateo 19:28

Jesusba panausii: —Mʉʉba biawãra jaraaruu: Dachi Akõreba ne joma chiwid̶i waui ewarid̶e mʉ, chi Ẽbẽra Ba B̶uad̶a mʉ rey ãkau biad̶e akʉ b̶eei. Maud̶e machi mʉ baara nibabadaurã 12 rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita.

Lucas 22:30

Mʉ puurud̶e machi mʉ ome kod̶ai. Machi rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita».

2 Timoteo 4:8

Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.

Apocalipsis 11:16

Maud̶e chi 24 chõrarã mechiurã ãchi rey ãkaud̶e sĩu duanad̶a Dachi Akõre daad̶e õdarrd̶e kopaneesid̶au maabae Dachi Akõremaa biꞌia berreasid̶au.

Apocalipsis 14:3

Maud̶e chi Dachi Akõre chi rey ãkau daad̶e kari wid̶i karimaa panasid̶au, chi kimare chokae nuree daad̶e, maud̶e 24 chõrarã mechiurã daad̶e. Ab̶au bid̶a poyaa kuitaabasii mau kari karii baita. Bari chi 144.000 Dachi Akõreba nau iujãad̶ebena karibakuad̶áburu karid̶ai kuitaa panasii.

Apocalipsis 19:14

Ichi kaad̶e bajãad̶ebena kokoroarã mura torroa nuree ʉ̃rʉ imisid̶au. Maarãba paru chi aude chi bia ãrea lino waud̶a torroa b̶ee jʉ̃ nureasii. B̶istĩika bid̶a ãichorroad̶awẽa nureasii.

Apocalipsis 19:4

Maud̶e chi 24 chõrarã mechiu maud̶e chi kimare chokae nuree õdarrd̶e kopaneesid̶au Dachi Akõremaa biꞌia berread̶ai baita. Dachi Akõre ichi rey ãkaud̶e akʉ b̶uud̶e ãchiba naka jarasid̶au: «¡Biꞌia b̶uu maka b̶uai! ¡Dachi Mechiumaa biꞌia jaráduru!»

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.

Apocalipsis 20:4

Maabae mʉʉba rey ãkaurã ãrea unusii. Mau ʉ̃rʉ akʉ b̶eemaa Dachi Akõreba dead̶akasii ẽbẽrarãba wauped̶aad̶a ichiad̶amera. Maud̶e ẽbẽrarã boro tʉʉtaped̶aad̶a jauri unusii. Maka boro tʉʉtasid̶au Jesusba jaradead̶a ijãa panuud̶eeba maud̶e Dachi Akõre bed̶ea jaradea panuud̶eeba. Ãchiba ãnimara kachirua nii maud̶e chi ara ichi kĩra juaba ne kaped̶aad̶a ãrea kʉ̃riad̶aabasii. Ichi seña ãchi daub̶ʉʉrʉd̶e juad̶e bid̶a ida waubid̶aabasii. Ãchi chokae jiradud̶aped̶a Cristo baara karrarã 1.000 años paneesid̶au.

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.

Apocalipsis 4:6

Mau rey ãkau kĩraare mar biirio kĩra dod̶aa nub̶uasii. Mau rey ãkau jua biare, jua sordoare, kaad̶e, maud̶e kĩraare kimare chokae nuree panasii. Maarã dau ãrea uru panasii, pechud̶e maud̶e akarrare.

Apocalipsis 5:11

Maka b̶uud̶e mʉʉba angelerã karimaa panuu unusii. Maarã ãrea basiid̶eeba mʉʉba poyaa juasiibasii. Maarãba Dachi Akõre chi rey ãkau, chi chokae duanuurã maud̶e chi 24 chõrarã ad̶u jũra duanasid̶au.

Apocalipsis 5:14

Maabae chi kimare chokae nureeba naka jarasid̶au: «Bibuara b̶uu maka b̶uai». Ara makʉd̶e chi 24 chõrarã õdarrd̶e kopaneed̶aped̶a chi ewaricha chokae niimaa biꞌia berreasid̶au.

Apocalipsis 5:6

Maud̶e Dachi Akõred̶e rey ãkau kaita, kimare chokae nuree kaita maud̶e 24 chõrarã mechiurã tãed̶e oeja kaebeu ab̶a akʉ nub̶uu unusii. Mau chi bea panad̶a kĩra nibasii. Kachu 7 bara nibasii. Maud̶e 7 dau bara nibasii. Mau dau jara b̶uu chi 7 jauri Dachi Akõre daad̶e panuu. Dachi Akõreba nau iujãa jomad̶e maarã bʉikasii.

Apocalipsis 5:8

Mau karta adausiid̶e chi kimare chokae nuree maud̶e chi 24 chõrarã sid̶a ichi daad̶e õdarrd̶e kopaneesid̶au. Ãchi ab̶aab̶aa arpa maud̶e sãu nee waud̶a uru panasid̶au. Chi sãu incienso keraba waabiru uru panasii. Chi kera incienso jara b̶uu ẽbẽrarã Dachi Akõred̶erãba chi ichimaa ʉtaa id̶ibadau.

Apocalipsis 6:11

Dachi Akõreba ãchi ab̶aab̶aa paru torr dead̶akasii jʉ̃d̶amera. Maabae naka jarasii: «Apii esed̶au panad̶áusturu joma chi ẽbẽrarã beaduud̶aa joma bichi ãbarã Cristoba pekuad̶a machi beaped̶aad̶a kĩra».

Apocalipsis 7:11

Maud̶e chi kimare chokae nuree panuurãba maud̶e chi 24 chõrarã chi rey ãkau kaita duanasid̶au. Joma chi angelerã chi maarã ad̶u jũra b̶ari topanasid̶au. Maud̶e chi joma angelerã õdarrd̶e kopaneesid̶au maud̶e chi rey ãkau daad̶e daub̶ʉʉrʉ jaab̶arid̶aped̶a maabae Dachi Akõremaa biꞌia berreasid̶au.

Apocalipsis 7:9

Mau maad̶akare Dachi Akõreba waya mʉʉmaa ẽbẽrarã ãrea unubisii. Ab̶au bid̶a maarã poyaa juasiibasii. Druachad̶ebena, puuruchad̶ebena ẽbẽrarã didiwaraacha jomad̶ebena maud̶e bed̶ea didiwaraacha jomad̶ebena chi nuree ab̶aab̶aa duanasii. Joma paru torroa jʉ̃ duanasii maud̶e kĩrajʉʉ duanasiid̶eeba ãchi juad̶e meme kiruu uru panasid̶au. Dachi Akõre rey ãkau daad̶e maud̶e chi Oeja Kaebe Nii daad̶e b̶ari topanasid̶au.

Apocalipsis 9:7

Mau sisi mura kokoroaba chĩod̶e adoebarii kĩra nureasii. Ãchi borod̶e boro jũra ab̶a nee waud̶a kĩra b̶uu jʉ̃ panasii. Ẽbẽra kĩedarr kĩra nibasid̶au.