Apocalipsis 4:11 - Emberá Chamí

¹¹ Dachi Mechiu, Dachi Akõrebʉ, bichi biꞌia nii jomaurãba jarad̶amera bichi mipitaa nii, bichi wapead̶amera, maud̶e joma poyaabarii. Biꞌia b̶uu jomaurãba mau jarad̶ai, bichiba ne joma wausiid̶eeba. Biawãra bichiba kʉ̃riasiid̶eeba, ne joma wausii maud̶e joma bichid̶eeba nuree.

Apocalipsis 4:11 Iomraidhean Croise

Hechos 14:15

—Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.

Hechos 17:24

Mau Dachi Akõreba nau iujãa maud̶e nama ed̶a nub̶uu sid̶a joma wausii. Ichi bajãad̶ebena Mechiubʉ maud̶e nau iujãad̶ebena Mechiubʉ. Ichi ẽbẽraba waud̶a ded̶e b̶uakau.

Romanos 11:36

Dachi Akõréburu ne joma wausii. Ne joma ichid̶eeba b̶uu maud̶e ichi baita b̶uu. Dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Efesios 3:9

Chi ne joma waud̶a Dachi Akõreba mʉ b̶usii jomaurãmaa kuitaabiamera saka wausii ichiba arab̶aed̶eed̶e waui kʉ̃risia b̶uad̶a. Mau waui kʉ̃risia b̶uad̶a naed̶e kuitaabiawẽa b̶uasii.

Hebreos 1:10

Maud̶e naka jarasii: «Dachi Mechiu, arab̶aed̶eed̶e bichiba nau iujãa maud̶e bajãa wausii.

Hebreos 1:2

Maamina nau kaad̶ebena ewarid̶e ichi Warrd̶eeba dachimaa berreasii. Ichi Warrd̶eeba Dachi Akõreba joma wausii maud̶e mau b̶usii joma uru b̶uamera.

Apocalipsis 1:6

Dachi b̶usii Dachi Akõreba ichi juad̶e paare nuread̶amera. Maka ichi Bajãad̶ebena Akõreba kʉ̃ria b̶uu wau panad̶ai. Maumaa biꞌia berread̶ai panuu. Biꞌia b̶uu mau ewaricha jomaurã Mechiu b̶uai. Biawãra biꞌia b̶uu maka b̶uai.

Apocalipsis 10:6

Maabae Dachi Akõre trʉ̃d̶eeba berreasii chi nau iujãad̶ebena, bajãad̶ebena, mard̶ebena joma waud̶a. Dachi Akõre ewaricha chokae nii trʉ̃d̶eeba naka jarasii: «Dachi Akõreba jarad̶a kãꞌãabariwãed̶e joma makai.

Apocalipsis 14:7

Mauba jĩwa naka jarasii: «¡Dachi Akõre wapeásturu! Ichíturu chi mechiu nii ásturu, ichiba kastikai ewari neesiid̶eeba. Bajãa, iujãa, mar maud̶e bania iorod̶e bumadrubarii waud̶ad̶eeba, mau biꞌia berreásturu».

Apocalipsis 19:1

Mau maad̶akare mʉʉba bajãad̶e ãrea naka berrea duanuu kĩra ũrisii: «¡Dachi Akõremaa biꞌia jaráduru! Ichiaburu ẽbẽrarã karibabarii. Ichi chi aude mechiu nii maud̶e poyaabarii.

Apocalipsis 5:12

Naka jĩwa kari panasid̶au: «¡Chi oeja kaebeu beaped̶aad̶a ãrea biꞌia nii! Jomaurãba mau biꞌia berread̶ai panuu ne joma poyaabariid̶eeba, ne joma uru b̶uud̶eeba, joma kuitaa b̶uud̶eeba maud̶e ãrea poyaabariid̶eeba. Ichi chi aude mechiu nii ad̶ai panuu maud̶e chi aude bia nii ad̶ai panuu».

Apocalipsis 5:2

Maud̶e mʉʉba ángel ab̶a poyaabarii unusii. Mauba jĩkua berrearuuba id̶isii: «¿Kai biꞌia b̶uma chi kartamaa wãa kub̶uu oetaped̶a ewai baita?»

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.