Apocalipsis 3:8 - Emberá Chamí

⁸ Naka jara b̶uu: »Machiba wau panuu mʉʉba kuitaa b̶uu. ¡Ũrísturu! Mʉʉba poraa ab̶a machi daad̶e ewasii. Mau ab̶au bid̶a poyaa jʉ̃abai. Machi meserãa ãreawãe nuremina, mʉ bed̶ea ãrea ijãabadau. Mʉ istu b̶ud̶awẽa panuu.

Apocalipsis 3:8 Iomraidhean Croise

Lucas 12:9

Ara mau kĩra ab̶auba ẽbẽrarã daad̶e mʉ unukau aaruud̶e, Dachi Akõre angelerã bajãad̶ebena daad̶e mʉʉba mau unukau ai.

Juan 15:20

Kĩrabásturu mʉʉba nau jarad̶a: “Chi chibari baita bari trajabarii ab̶a bid̶a ichi chibari audeara mechiu niiwãe”. Mauba jara b̶uu ẽbẽrarãba mʉ bed̶ea wau panuubʉrã, machi bed̶ea sid̶a waud̶ai. Maamina ãchiba mʉ kachirua waud̶ai baita wãraa panuubʉrã, machi sid̶a kachirua waud̶ai baita wãraad̶ai.

Juan 17:6

»Bichiba mʉʉmaa ẽbẽrarã chi nuree nau iujãad̶ebena deasii. Mʉʉba maarãmaa joma bichi ʉ̃rʉbena kuitaabiasii. Maarã bichid̶imina, bichiba mʉʉmaa deasii. Maarãba bichi bed̶ea ijãasid̶au.

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

1 Corintios 16:9

Nama mʉ kĩramaa panumina poyaa Dachi Akõre bed̶ea biꞌia jaradea b̶uai maud̶e ãreaba ijãa panuu.

2 Corintios 2:12

Mʉ Troas puurud̶aa wãsii chi bed̶ea bia Cristo ʉ̃rʉbena jarai baita. Aria Dachi Mechiuba poraa ewaaruu kĩra wausii ẽbẽrarãba ũri kʉ̃riad̶amera.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

1 Timoteo 5:8

Ab̶aba ara ichi ded̶ebenarã aid̶akaubʉrã, Dachi Akõre bed̶ea ida b̶u b̶uu. Mau Cristod̶e ijãad̶akaurã audeara kachirua wau b̶uu.

2 Timoteo 4:7

Mʉʉba Dachi Akõre baita waui b̶uad̶a joma wausii, pirabarii chi neei b̶uumaa neebarii kĩra. Joma jipa wausii biꞌia chĩod̶a kĩra. Mʉʉba Cristo ida b̶uwẽa b̶uu.

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Apocalipsis 22:7

Jesusba jarasii: «¡Ũrísturu, mʉ kãꞌãabariwãed̶e neei! Ãrea biꞌia b̶uu joma chi Dachi Akõre baita berreabarii bed̶ea nau kartad̶e jara b̶uud̶e ijãa b̶uu».

Apocalipsis 3:1

»Chi Sardis puurud̶ebena ijãabadaurã nubarii ángel baita kartad̶e naka b̶ʉse: »Chi Dachi Akõre daad̶e 7 jauri uru b̶uuba maud̶e 7 pusterrea uru b̶uuba naka jara b̶uu: »Machiba wau panuu mʉʉba kuitaa b̶uu. Ẽbẽrarãba jara panuu machiba Dachi Akõre ãrea ijãa panuud̶eeba chokae nuree. Maamina biawãra ara machiba Dachi Akõred̶e ijãad̶awẽa panuud̶eeba chi biud̶arãbʉ.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.

Apocalipsis 3:15

»Machiba wau panuu mʉʉba kuitaa b̶uu. Mʉ ida b̶ud̶awẽa panuu maamina sõd̶eeba mʉ baara nid̶auwãe. Maka machi bania kũrasãa kĩra nureewãe maud̶e bania wãsia kĩra. Sõd̶eeba biawãra ichi baara wãd̶awẽebʉrã, mʉʉmaarã bibuara b̶uu mʉ baara akawa nibad̶aabai b̶uu.

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.