Apocalipsis 3:1 - Emberá Chamí

¹ »Chi Sardis puurud̶ebena ijãabadaurã nubarii ángel baita kartad̶e naka b̶ʉse: »Chi Dachi Akõre daad̶e 7 jauri uru b̶uuba maud̶e 7 pusterrea uru b̶uuba naka jara b̶uu: »Machiba wau panuu mʉʉba kuitaa b̶uu. Ẽbẽrarãba jara panuu machiba Dachi Akõre ãrea ijãa panuud̶eeba chokae nuree. Maamina biawãra ara machiba Dachi Akõred̶e ijãad̶awẽa panuud̶eeba chi biud̶arãbʉ.

Apocalipsis 3:1 Iomraidhean Croise

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Juan 1:16

Ichi mechiu niid̶eeba, sõbiad̶eeba dachi aid̶a b̶uabachii maud̶e sõbiad̶eeba aid̶abarii.

Juan 1:33

Ara mʉʉba mau unuka basii. Maamina mʉʉba boro eamera Dachi Akõreba bʉisiid̶e naka jarasii: “Bichiba unui mʉ Jauri ẽbẽra ʉ̃rʉ neeped̶a mau baara b̶eeruu. Unuuruud̶e bichiba kuitaai mauba ichi Jaurid̶eeba boro earuu”.

Juan 20:22

Maka jaraped̶a ãchimaa jãripuaped̶a jarasii: —Dachi Akõre Jauri adáusturu.

Juan 3:34

Dachi Akõreba bʉid̶aba Dachi Akõre bed̶ea jarabarii, Dachi Akõreba ichi Jauri wãakawẽa deasiid̶eeba.

Hechos 2:33

Dachi Bajãad̶ebena Akõreba ichi jua biare Jesús chi mechiu b̶usii. Maabae ichi Jauri deai jarad̶a Jesusmaa deasii ichid̶irãmaa deamera. Jesusba mau Jauri biawãra daimaa deasii. Machiba unu panuu maud̶e ũri panuu ichi Jauriba maka waubi b̶uu.

Efesios 2:1

Naed̶e machi biu panasid̶au, ijãad̶awẽa panasid̶aud̶eeba, kachirua waubachid̶aud̶eeba.

Efesios 2:5

kachiruad̶e biu panad̶a Cristo ome ãbua chokae b̶usii. Dachi Akõreba ichi sõbiad̶eeba machi karibasii.

Colosenses 2:13

Cristod̶e ijãad̶ai naed̶e machi biu panasid̶au kachirua wau waubachid̶aud̶eeba. Maud̶e dachi kakuaba kachirua wau kʉ̃ria b̶uu waubachid̶au. Maamina Dachi Akõreba machi Cristo baara chokae duanubiasii. Joma dachiba kachirua wauped̶aad̶a ichiba perdonasii.

1 Timoteo 5:6

Maamina pẽdrãaba barikia wau b̶uai jʉrʉʉruubʉrã, chokae b̶umina biud̶a kĩra b̶uu.

Santiago 2:26

Biud̶a jauri wãꞌãe nii. Ara mau kĩra Dachi Akõred̶e ijãa b̶uu a b̶uuba biꞌia wauwẽebʉrã, biawãra ijãawẽa b̶uu. Ichiba ijãa b̶uu a b̶uu ẽbẽra biud̶a kĩra nii.

1 Pedro 1:11

Cristo Jauri ãchi sõd̶e b̶uuba berreabiabachii Cristo ãrea biꞌiwãe b̶uad̶a bad̶a Dachi Akõreba biꞌia b̶ui ʉ̃rʉbena. Berreasiid̶e kuitaa kʉ̃ria panasid̶au kai ʉ̃rʉbena Cristo Jauriba ãchimaa berreabiasii maud̶e sakaed̶e joma mau makai.

Judas 1:12

Machi ãbua need̶aped̶a kʉ̃riad̶eeba kĩrajʉʉ komaa panuud̶e ãchi wapead̶awẽa machi baara kobadau. Maka machiba wau panuu maarãba kachiruabiabadau. Ara ãchid̶éburu kʉ̃risiabadau. Maarã jʉ̃rʉara pũatuba adoebarii kĩra nuree. Pũaturãba jʉ̃rʉara ãyaa adoeruud̶e kui chekau. Ara mau kĩra ãchiba jaradeaduuba aid̶akau. Bakuru b̶es ome biud̶a kĩra nuree, chi chaui ewarid̶e chi netaa deakaud̶eeba maud̶e chi karrad̶eed̶e ẽesiid̶eeba.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

Apocalipsis 1:16

Ichi jua biare pusterrea 7 uru b̶uasii. Ichi okarrd̶ebena espada kid̶a muriacha peed̶ea era b̶uu neesii. Ichi kĩedarr ʉmada ted̶echoa kĩra b̶uasii.

Apocalipsis 1:20

Mʉʉba unubiiruu chi 7 pusterrearã bichiba mʉ jua biare uru b̶uu unud̶a kãare jara b̶uu maud̶e kãare jara b̶uu lámpararã nee waud̶a. Mau 7 lámpararã jara b̶uu chi angelerã. Mau 7 panuuba ãbarã 7 puurud̶e duanuu nubadaurãbʉ. Ãchi ab̶aab̶aa chi ãbarã puurucha nubadau. Chi 7 lámpararã jara b̶uu chi 7 puurud̶ebena ãbarã.

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.

Apocalipsis 2:19

»Machiba wau panuu mʉʉba kuitaa b̶uu. Machi kʉ̃riabadau, mʉʉd̶e ijãabadau, mʉ baita waubadau, maud̶e dauchia jãadua panabadau kuitaa b̶uu. Maud̶e kuitaa b̶uu machiba naed̶e wau panad̶a audeara bibuara wau panuu.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Apocalipsis 2:9

»Mʉʉba machiba wau panuu kuitaa b̶uu. Ãrea biꞌiwãe panuu maud̶e chi nejarr barauwãe nuree kuitaa b̶uu. Maamina Dachi Akõred̶eeba machi ne bara nuree. Maka panumina machi Dachi Akõred̶eeba chi nejarr barau nuree kĩra nuree. Mʉʉba kuitaa b̶uu chi nuree judiorãba machi ʉ̃rʉbena miadaa berreabadau. Maarãba Dachi Akõred̶erã abadamina Satanasd̶ebʉ.

Apocalipsis 3:15

»Machiba wau panuu mʉʉba kuitaa b̶uu. Mʉ ida b̶ud̶awẽa panuu maamina sõd̶eeba mʉ baara nid̶auwãe. Maka machi bania kũrasãa kĩra nureewãe maud̶e bania wãsia kĩra. Sõd̶eeba biawãra ichi baara wãd̶awẽebʉrã, mʉʉmaarã bibuara b̶uu mʉ baara akawa nibad̶aabai b̶uu.

Apocalipsis 3:2

¡Kauwa ichiásturu! Mʉʉba unu b̶uu machiba wau panuu Dachi Akõre daad̶e jipawãe b̶uu. Maud̶e chi naed̶e biꞌia wau panad̶a machiba beraa ida b̶uumaa panuu. Maamina mau waya mau biꞌia wáusturu.

Apocalipsis 3:8

Naka jara b̶uu: »Machiba wau panuu mʉʉba kuitaa b̶uu. ¡Ũrísturu! Mʉʉba poraa ab̶a machi daad̶e ewasii. Mau ab̶au bid̶a poyaa jʉ̃abai. Machi meserãa ãreawãe nuremina, mʉ bed̶ea ãrea ijãabadau. Mʉ istu b̶ud̶awẽa panuu.

Apocalipsis 4:5

Ara maud̶e chi rey ãkau bajãad̶e b̶uud̶ebena bã puri chebi b̶uasii, ʉrʉrʉa b̶uasii, maud̶e bã ãrea to b̶uasii. Mau rey ãkau daad̶e 7 lámpara koa topanasii. Mau lámpara chi 7 jauri Dachi Akõred̶ebʉ.

Apocalipsis 5:6

Maud̶e Dachi Akõred̶e rey ãkau kaita, kimare chokae nuree kaita maud̶e 24 chõrarã mechiurã tãed̶e oeja kaebeu ab̶a akʉ nub̶uu unusii. Mau chi bea panad̶a kĩra nibasii. Kachu 7 bara nibasii. Maud̶e 7 dau bara nibasii. Mau dau jara b̶uu chi 7 jauri Dachi Akõre daad̶e panuu. Dachi Akõreba nau iujãa jomad̶e maarã bʉikasii.