Apocalipsis 21:8 - Emberá Chamí

⁸ Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 21:8 Iomraidhean Croise

Mateo 10:28

Nau chi kakua beabadaurã wapearã́sturu, jãarãba beaped̶aad̶akare waa poyaa waud̶aabaid̶eeba. Maamina dachi jauri poyaa bead̶aabai. Maumaarã chi kakua maud̶e dachi jauri tʉbʉchia aoko kub̶uu kiikaud̶e baai b̶uu wapeásturu.

Mateo 25:25

Maud̶eeba mʉʉba wapeasii. Bichi chi nejarra wãꞌãebiamaaba iorod̶e ʉyaasii. Maamina chi nejarra nama uru b̶uu”.

Mateo 8:26

Jesusba panausii: —¿Sakãe wapea panuma? ¡Machi biꞌia ijãad̶awẽa panuu! Jaraped̶a, maabae chi pũatu iadaasii maud̶e mar ʉ̃rapemaa. Ara makʉd̶e chi mar joma apii nub̶eesii.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

2 Tesalonicenses 2:9

Chi ẽbẽra kachirua nii Satanasba neebii. Mauba jʉbawãe nii poyaabariiba ẽbẽrarãba ne poyaa waud̶akau joma barikiu waukuai, ẽbẽrarãba Dachi Akõreba maka wau b̶uu kʉ̃risiad̶amera.

1 Timoteo 4:2

Mau jai kachiruarãba jaradeabi panuu ẽbẽrarã chi jipa kĩra nureeba jaradeabadau. Kachirua waubadaud̶eeba mau ẽbẽrarãba adua nuree sãu chi bia maud̶e sãu chi kachirua.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

Hebreos 12:24

Machi Jesusmaa neesid̶au. Ichid̶eeba ẽbẽrarã Dachi Akõred̶erã ome bed̶ea chiwid̶i deasiid̶e machi ichi oa jĩtod̶okad̶amaa neesid̶au. Jesús oa ched̶aba Abel oa ched̶a audeara kuitaabia b̶uu.

Hebreos 13:4

Jomaurãba ãchi kima wapeadee nuread̶ai panuu. Dachi Akõreba chi aud̶uabadau maud̶e junebena wẽra ome kãi b̶eebadau kastikaid̶eeba ab̶a machi kima ómeburu kãi b̶eed̶ai panuu.

1 Juan 2:22

¿Chi setaa jarabarii kaima? Chi Jesús Dachi Akõreba deai jarad̶a dachi karibabariiwãe a b̶uubʉ. Mau chi Cristo kĩramaabariibʉ. Mauba Dachi Bajãad̶ebena Akõre maud̶e Dachi Akõre Warr kʉ̃riawẽe.

1 Juan 3:15

Chi ichi ãba kĩramaa b̶uu Dachi Akõre daad̶e mia beabarii. Machiba kuitaa panuu chi mia beabarii ewaricha Dachi Akõre ome chokae b̶uabai.

1 Juan 5:10

Chi Dachi Akõre Warr ijãa b̶uuba ichi sõd̶e kuitaa b̶uu Dachi Akõreba jara b̶uu biawãra. Maamina chi Dachi Akõreba jara b̶uu ijãawẽa b̶uuba chi mauba setaa jara b̶uu a kʉ̃risia b̶uu, ichi Warr ʉ̃rʉbena jara b̶uu ijãawẽa b̶uud̶eeba.

Apocalipsis 14:10

Dachi Akõreba ichi kĩruuruuba mau ẽbẽra kachirua ãrea b̶ui uva b̶aa asia dobiiruu kĩra. Mau ẽbẽra chi ángel biꞌia nuree daad̶e, maud̶e Oeja Kaebe Nii daad̶e azufre aoko nub̶uuba ãrea biꞌiwãe b̶uai.

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.

Apocalipsis 2:11

Chi kʉʉrʉ bara niiba ũrise Dachi Akõre Jauriba ãbarãmaa jara b̶uu. Chi kachirua waud̶ai poyaaped̶aad̶a ewaricha Dachi Akõred̶ebena awara nuread̶aabai.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Apocalipsis 21:27

Maamina joma Dachi Akõreba biꞌia unukau mau puurud̶e ed̶a adoed̶aabai. Ne kachirua waubadaurã, chi Dachi Akõreba kʉ̃riakau waubadaurã maud̶e chi seta id̶aa nuree ed̶a wãd̶aabai. Ab̶a chi ewaricha chokae duanabarii kartad̶e trʉ̃ kub̶éturu poyaa ed̶a wãd̶ai. Mau karta Oeja Kaebe Niiba uru b̶uu.

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.

Apocalipsis 9:17

Chi murarã mʉ daumaa unubid̶a naka nureasii: ãchi boro imama boro kĩra nureasii. Ãchi okarrd̶ebena tʉbʉchia maud̶e nari aokokobadau panasii. Mau kakuad̶e chaarea b̶uu puria aoko b̶uu kĩra b̶uasii, zafiro mo pãwaraa kĩra b̶uasii maud̶e azufre mo kĩra kuaraa b̶uasii.

Apocalipsis 9:21

Maud̶e mia beabadau, waabenarã ẽpermabadau, dachi kakuaba barikiu kachirua waubadau maud̶e chiruabadau ida b̶ud̶aabasii.