Apocalipsis 21:11 - Emberá Chamí

¹¹ Dachi Akõre kĩrawãreaba mau puuru ʉ̃d̶aa jẽratĩu b̶uasii. Ted̶echoa b̶uasii mo mipitaa mau chi nejarr ãrea id̶ibadau kĩra maud̶e jaspe mo kĩra. Mau biirio kĩra dod̶aa b̶uasii.

Apocalipsis 21:11 Iomraidhean Croise

Apocalipsis 15:8

Dachi Akõre ded̶e nari ãrea basii ichi ted̶echoad̶eeba maud̶e poyaabariid̶eeba. Maud̶eeba ab̶a bid̶a mau ded̶e poyaa wãabasii, chi 7 angelerãba ne kachirua uru panuu biꞌiwãe paneebiai baita wãꞌãeruud̶aa.

Apocalipsis 22:1

Mau maad̶akare angelba do pawãraa b̶uu mʉʉmaa unubisii. Biirio kĩra dod̶aa b̶uasii. Mau baniaba ewaricha chokae b̶uai deabarii. Dachi Akõre maud̶e Oeja Kaebe Nii rey ãkau bia b̶uareeba mau do puurud̶ebena o jõparrea b̶uu ẽsa eab̶ari b̶uu. Mau do kĩarecha bakuru chi jõo ewaricha chokae b̶uai deabarii poe basii. Añod̶e b̶es 12 ome chaubarii, jed̶ako ewaricha chaubariid̶eeba. Chi kiruu ʉrrmid̶ia kĩra b̶uu, druachabenarã jaiswãe panad̶amera.

Apocalipsis 22:5

Ẽsabud̶ebena wãꞌãe bai. Dachi Akõre Mechiuba ʉ̃d̶aa deaid̶eeba, ẽbẽrarã ʉ̃d̶aaswãe biꞌia duanad̶ai maud̶e ʉmadaswãe. Ewaricha ãchi ichi ome ãbua chi karrarã nuread̶ai.

Apocalipsis 4:3

Chi mau ãkaud̶e akʉ b̶uu ted̶echoasii mokara jaspe maud̶e coralina ted̶echoabadau kĩra. Mau ãkau ad̶u iuma jũra b̶uasii. Chi iuma mokara esmeralda kĩra ted̶echoa b̶uasii.

Apocalipsis 4:6

Mau rey ãkau kĩraare mar biirio kĩra dod̶aa nub̶uasii. Mau rey ãkau jua biare, jua sordoare, kaad̶e, maud̶e kĩraare kimare chokae nuree panasii. Maarã dau ãrea uru panasii, pechud̶e maud̶e akarrare.