Apocalipsis 20:9 - Emberá Chamí

⁹ Joma nau iujãad̶e wãd̶ai. Maabae Dachi Akõreba kʉ̃ria b̶uu puuru maud̶e ichi ẽbẽrarã duanuumaa ad̶u jũrad̶ai. Maamina Dachi Akõreba bajãad̶ebena tʉbʉchia b̶aebiai. Mauba chi maarã joma baa kenai.

Apocalipsis 20:9 Iomraidhean Croise

Lucas 17:29

Maamina Lot Sodomad̶ebena wãsiid̶e bajãad̶ebena tʉbʉ aoko kui kĩra neesii. Mauba chi ẽbẽrarã joma baa kenasii.

Lucas 19:43

Maud̶eeba ewari ab̶a b̶uai chi bichi kĩramaabarii bichi ome chĩod̶e need̶ai. Bichi ad̶u orrod̶aped̶a bichi ad̶u ioro joma imatud̶ai, ab̶a bid̶a jĩidru wãrãad̶amera.

Lucas 21:20

»Machiba unud̶ai kokoroarãba Jerusalén puuru ad̶u jʉ̃aduu. Mau unuuduud̶e kuitaad̶ai chi puuru joma ãrid̶ai ewari neesii.

Lucas 9:54

Maud̶eeba Juanba maud̶e Santiagoba Jesusmaa jarasid̶au: —Dai Mechiu, Eliasba waud̶a kĩra ¿Dachi Akõremaa ʉtaa id̶id̶ai kĩra tʉbʉ aoko bajãad̶ebena bʉiruuba ãchi joma kenamera?

Hebreos 13:13

Maud̶eeba puuru awara Jesusmaa wãaduu kĩra ichi baara wãd̶ai panuu. Ẽbẽrarãba Jesús kachirua jaraped̶aad̶a kĩra dachi sid̶a kachirua jaraaduud̶e ãwatad̶ai panuu.

Apocalipsis 11:5

Ab̶auba maarã kachirua waui kʉ̃riaruubʉrã, ãchi okarrd̶ebena aokoi maud̶e maarã kĩramaabadaurã baakuai. Ara mau kĩra chi maarãmaa kachirua waud̶ai kʉ̃riaduu joma kenad̶ai.

Apocalipsis 13:13

Ãnimara iorod̶ebena need̶aba ẽbẽrarãba ne poyaa waud̶akau mechiurã waukuabachii. Ẽbẽrarãba ichiamaa panasiid̶e bajãad̶ebena aoko nau iujãad̶e b̶aebisii.