Apocalipsis 20:13 - Emberá Chamí

¹³ Joma chi mard̶e biuped̶aad̶arã Dachi Akõre daad̶e imisid̶au. Joma chi biuped̶aad̶a ãchi panabadaumarebena Dachi Akõre daad̶e imisid̶au. Maabae Dachi Akõreba ãchi ab̶aab̶aa ichiai ãchiba wauped̶aad̶a kĩra.

Apocalipsis 20:13 Iomraidhean Croise

Mateo 11:23

¿Capernaumd̶ebenarã ʉtaa bajãad̶aa wãd̶aika? ¡Wãd̶aabai! ¡Dachi Akõreba machi chi biud̶arã panabadaud̶e jirakuai! Mʉʉba ẽbẽrarãba ne poyaa waud̶akau machi tãed̶e waud̶a Sodoma puurud̶e waud̶a basirã, jãu puuru wabid̶a b̶uai basii.

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

1 Corintios 15:26

Mau joma poyaaped̶a chi kaad̶ebena kĩramaabarii, dachi biubarii, ichiba mau wãꞌãebii,

Apocalipsis 1:18

Mʉ chi Chokae Nima. Mʉ biud̶amina ichiáse chokae nii, maud̶e ewaricha chokae nibai. Mʉa chi biud̶arã poyaa chokae jiradubiai b̶uu.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.

Apocalipsis 20:12

Maud̶e mʉʉba unusii biuped̶aad̶arã chi mechiurã maud̶e chi kaebeurã Dachi Akõre rey ãkau daad̶e akʉ topanuu. Maud̶e chi b̶ee karta ewakuasii. Maabae june ab̶a karta ewasii. Mau kartad̶e ẽbẽrarã ewaricha chokae nuread̶ai trʉ̃ b̶ʉ kub̶uasii. Dachi Akõreba chi biuped̶aad̶arã joma ichiasii ãchiba wauped̶aad̶a kĩra, chi maarã kartad̶e b̶ʉ kub̶uad̶a kĩra.

Apocalipsis 20:14

Dachi Akõreba chi biud̶ai joma wãꞌãebisii ea chob̶ead̶e azufre bara aoko nub̶uud̶e jirataaruu kĩra. Biuped̶aad̶a panabadaumarebena sid̶a aria jiratasii. Mau ea chob̶ead̶e azufre bara aoko nub̶uu b̶es ome biui jara b̶uu.

Apocalipsis 21:4

Ãchi dau b̶aa ichiba joma poabiai. Naed̶e b̶uad̶a joma wãꞌãesiid̶eeba, maarã waa biud̶aabai, jẽad̶aabai, kĩra nomaa jẽad̶aabai, maud̶e waa biꞌiwãe panad̶aabai».

Apocalipsis 6:8

Araa ichiasiid̶e mʉʉba mura kukuaraa nii unusii. Chi mau mura ʉ̃rʉ akʉ b̶uu trʉ̃ «Biud̶a» abadau. Chi ichi ome nibabarii chi trʉ̃ «Biud̶arã Panabadau» abadau. Joma nau iujãad̶e ẽbẽra kimared̶ebena ab̶a Dachi Akõreba maarãmaa ida beabiasii. Maarã ẽbẽrarã beasid̶au chĩoduuba, jarrbaba, dachi kakua kachirua paneebibadauba maud̶e ãnimara kachirua nureeba.