Apocalipsis 2:3 - Emberá Chamí

³ Machi mʉ kakua ãrea biꞌiwãe panuud̶e joma dauchia jãadua panuu maud̶e kĩrajaab̶ariwẽa mʉ baita biꞌia traja panuu.

Apocalipsis 2:3 Iomraidhean Croise

Marcos 15:21

Jesús puuru awara adoesid̶aud̶e ẽbẽra Simón abadau Jerusalend̶aa neeruu basii. Mau Alejandro maud̶e Rufo akõre basii. Mau Cirene puurud̶ebena basii. Kokoroarãba ichimaa Jesús cruz adoebisid̶au.

Lucas 14:27

Mʉʉd̶e ijãa b̶uu kakua, biꞌiwãe b̶uubʉrã, poyaa mʉ baara nibaabai.

Lucas 18:1

Jesusba nebʉrʉsii jaradeai baita Dachi Akõremaa ʉtaa id̶i panad̶ai ida b̶ud̶ayuwãe panad̶ai.

Lucas 21:19

Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai.

Lucas 5:5

Maamina Simonba panausii: —Jaradeabarii, dai ẽsabud̶e mard̶e b̶ata panuu ewarisid̶au. Maamina b̶eda b̶aꞌãra bid̶a jidaud̶aabasii. Maamina bichiba maka jara b̶uu baerã makai.

Lucas 8:15

Maamina netaa ioro biad̶e b̶aed̶a nau jara b̶uu: sõ jipa nureerãba maud̶e kʉ̃risia bia nureerãba Dachi Akõre bed̶ea ũrid̶aped̶a biawãra ijãabadau. Ãchiba ijãa panuu ida b̶ud̶akaud̶eeba ne bia waubadau.

Juan 15:21

Machi mʉ kakua maka waud̶ai ãchiba chi mʉ Bʉid̶a adua panuud̶eeba.

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

Romanos 16:12

Neekau Trifenamaa maud̶e Trifosamaa jarásturu mʉʉba kʉ̃ria b̶uu maarã biꞌia panad̶ai. Ãchiba Dachi Mechiu baita biꞌia wau panuu. Maud̶e neekau Persidamaa ara mau jarásturu. Mauba Dachi Mechiu baita biꞌia wau b̶uu.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Romanos 8:25

Maamina chi dachiba esed̶au panuu wabid̶a wãꞌãe panuud̶eeba joma dauchia jãadua panuud̶eeba kuitaa panuu biawãra adaud̶ai.

1 Corintios 13:7

Waabenaba kachirua waud̶a joma jãaduabarii, jomad̶e ijãabarii, waabenaba joma biꞌia waumera esed̶aubarii maud̶e ne jomad̶e jãadua b̶uabarii.

1 Corintios 16:16

Mʉʉba machimaa chi chuburia id̶iiruu ãchi maud̶e joma ãchi kĩra nuree ũrid̶amera. Joma Dachi Akõre traju waubadaurã maud̶e ãbarã aid̶abadaurã ũrísturu.

2 Corintios 10:15

Waabenarãba wauped̶aad̶a kakua ara dai ʉ̃rʉbena biꞌia berread̶akau ara daiba wauped̶aad̶a kĩra. Maumaarã daiba kʉ̃ria panuu machiba Cristod̶e biꞌia ijãad̶ai. Maka daiba machi druad̶e poyaa biꞌia jaradead̶ai ara Dachi Akõreba waubi b̶uu kĩra.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

2 Corintios 4:16

Maud̶eeba daiba waa jaradead̶ai ida b̶ud̶ai kʉ̃risiad̶akau. Dai chi kakua ewaricha meserãaswãekãrimina Dachi Akõreba aid̶a b̶uu dai sõd̶e chaarea nuread̶amera.

2 Corintios 5:9

Maud̶eeba nau kakuad̶e panuud̶e maebʉrã biuduubʉrã, dachiba joma wau kʉ̃ria panuu Dachi Akõreba dachi biꞌia unumera.

2 Corintios 6:5

Soaba pe panuud̶e, jʉ̃a uru panuud̶e maud̶e dai kakua kĩrubika panuud̶e maka unubia panuu. Ãrea traja panuud̶e, kãi b̶eed̶awẽa panuud̶e maud̶e jarrbisia panuud̶e maka unubia panuu.

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

Gálatas 6:9

Maud̶eeba kakua ãkaad̶awẽa ne biꞌia wau panásturu. Kakua ãkaad̶awẽa panuubʉrã, Dachi Akõreba b̶ud̶a ewarid̶e dachiba biꞌia adaud̶ai.

Filipenses 2:16

Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.

Filipenses 4:3

Maud̶e bichi, chi mʉ ome Dachi Akõre traju waubarii, mʉʉba bichimaa id̶iiruu mau neekaurã aid̶amera. Ãchi Clemente baara maud̶e waabenarã sid̶a mʉ ome ãrea trajasid̶au chi bed̶ea bia Cristo ʉ̃rʉbena kuitaabiad̶ai baita. Joma ãchi trʉ̃ Dachi Akõreba chi ewaricha chokae duanabarii kartad̶e b̶ʉ uru b̶uu.

Colosenses 1:11

Daiba Dachi Akõremaa ʉtaa id̶i panuu ichi poyaabarii ãrea b̶uud̶eeba machi chaarea panad̶amera. Maka machi ãrea biꞌiwãe paneeduud̶e maud̶e waabenarãba machi kachirua wauduud̶e, biꞌia dauchia jãadua panad̶ai.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

1 Tesalonicenses 5:12

Mau awara ãbarã, daiba chi chuburia id̶i panuu chi ãbarã machi tãed̶e Dachi Akõre traju waubadaurã ãrea wapead̶amera. Ãchi Dachi Mechiu Jesucristod̶eeba machi saka nibad̶ai jarabadau maud̶e jaradeabadau.

2 Tesalonicenses 3:13

Ãbarã, biꞌia wau panuud̶eeba kakua ãkaa panarã́sturu.

2 Tesalonicenses 3:5

Maud̶e kʉ̃ria panuu Dachi Mechiuba kuitaabiai machi ãrea kʉ̃ria b̶uu Dachi Akõre kĩra. Maud̶e kʉ̃ria panuu ichiba karibai Cristoba jãaduad̶a kĩra jãaduad̶amera.

2 Tesalonicenses 3:8

Daiba machid̶e chiko bari deaped̶aad̶a kod̶aabasii, maumaarã ãyadaa maud̶e ẽsabud̶e kʉrrjĩrud̶awẽa traju wau panasid̶au machid̶ebena ab̶au bid̶a daimaa ne kaebea dearãad̶amera.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

1 Timoteo 5:17

Chi ijãabadaurã nubadaurãba biꞌia wau panuud̶eeba ãbarãba kʉ̃risia biad̶eeba maarã aid̶ad̶ai panuu, ne uru panad̶amera. Maarãd̶ebena chi Dachi Akõre bed̶ea jaradeabadaurã maud̶e dachi saka nibai ʉ̃rʉbena jaradeabadaurã, aude aid̶ad̶ai panuu.

Hebreos 10:36

Machiba mau joma esed̶au panad̶ai panuu. Makaburu Dachi Akõreba kʉ̃ria b̶uu waud̶aped̶a ichiba deai jarad̶a joma adaud̶ai.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Hebreos 13:13

Maud̶eeba puuru awara Jesusmaa wãaduu kĩra ichi baara wãd̶ai panuu. Ẽbẽrarãba Jesús kachirua jaraped̶aad̶a kĩra dachi sid̶a kachirua jaraaduud̶e ãwatad̶ai panuu.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

Hebreos 6:12

Daiba kʉ̃riad̶awẽe machi koꞌoa nuread̶ai, maumaarã kʉ̃ria panuu machi waabenarã ãbarã kĩra nuread̶ai. Ãchiba Cristod̶e ijãa panuud̶eeba maud̶e joma jãadua panuud̶eeba, Dachi Akõreba deai jarad̶a joma adaud̶ai.

Hebreos 6:15

Abraham joma jãadua esed̶au b̶uud̶eeba, Dachi Akõreba warr deai jarad̶a unusii.

2 Pedro 1:6

kʉ̃risia kuitaa panuud̶e jʉrʉ́sturu machi kakua kĩra jipa nuread̶ai baita; machi kakua kĩra jipa panuud̶e jʉrʉ́sturu joma jãaduad̶ai baita; joma jãadua panuud̶e jʉrʉ́sturu Dachi Akõreba kʉ̃ria b̶uu kĩra nuread̶ai baita;

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.