Apocalipsis 2:17 - Emberá Chamí

¹⁷ Chi kʉʉrʉ bara niiba ũrise chi Dachi Akõre Jauriba ãbarãmaa jara b̶uu. Chi kachirua waui poyaad̶amaa mʉʉba chi maná mera b̶uad̶a deai komera maud̶e mokara torroa b̶uu sid̶a ab̶a deai. Mau mokara kaebe b̶uumaa trʉ̃ wid̶i b̶ʉ kub̶uu. Ab̶au bid̶a mau trʉ̃ adua b̶uu. Chi adaurúburu mau trʉ̃ kuitaai.

Apocalipsis 2:17 Iomraidhean Croise

Mateo 13:11

Jesusba panausii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena jomaurãmaa kuitaabiawẽa b̶umina machimaa kuitaabia b̶uu.

Marcos 7:16

Chi kʉʉrʉ bara niiba kauwa ũrise.

Juan 4:32

Maamina Jesusba jarasii: —Kowẽma, mʉʉba koi baita uru b̶uu machiba adua panuu.

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

Colosenses 3:3

Maka nibad̶ai panuu, Cristo ome biud̶akare ichi ome chokae panuud̶eeba. Mau waabenarã ẽbẽrarãba kuitaad̶akau. Maamina Cristo Dachi Akõre ome chokae b̶uud̶eeba, machi sid̶a Dachi Akõre ome chokae panuu.

Apocalipsis 14:3

Maud̶e chi Dachi Akõre chi rey ãkau daad̶e kari wid̶i karimaa panasid̶au, chi kimare chokae nuree daad̶e, maud̶e 24 chõrarã mechiurã daad̶e. Ab̶au bid̶a poyaa kuitaabasii mau kari karii baita. Bari chi 144.000 Dachi Akõreba nau iujãad̶ebena karibakuad̶áburu karid̶ai kuitaa panasii.

Apocalipsis 19:16

Ichiba paru jʉ̃ b̶uumaa b̶akara ʉ̃rʉ nau trʉ̃ b̶ʉ inii: «Jomaurã Reyrã Audeara Chi Aude Mechiu Nii» maud̶e «Joma Chi Mechiurã Audeara Chi Aude Mechiu Nii».

Apocalipsis 2:11

Chi kʉʉrʉ bara niiba ũrise Dachi Akõre Jauriba ãbarãmaa jara b̶uu. Chi kachirua waud̶ai poyaaped̶aad̶a ewaricha Dachi Akõred̶ebena awara nuread̶aabai.

Apocalipsis 2:7

Chi kʉʉrʉ bara niiba ũrise chi Jauriba ãbarãmaa jara b̶uu. Chi kachirua waud̶ai poyaa ida b̶uped̶aad̶amaa chi nejõo bakuru chokae nibabiabariid̶ebena koi ida kabii. Mau bakuru Dachi Akõre drua biad̶e nub̶uu.

Apocalipsis 3:22

Chi kʉʉrʉ bara niiba ũrise Dachi Akõre Jauriba ãbarãmaa jara b̶uu».

Apocalipsis 3:6

Chi kʉʉrʉ bara niiba ũrise Dachi Akõre Jauriba ãbarãmaa jara b̶uu.