Apocalipsis 2:16 - Emberá Chamí

¹⁶ Maud̶eeba waya Dachi Akõremaa nésturu. Mau makad̶awẽebʉrã, kãꞌãabariwãed̶e mʉ machi kastikad̶e wãi. Maud̶e espada mʉ okarrd̶ebena neeruuba mau ẽbẽrarã ome chĩo b̶uai.

Apocalipsis 2:16 Iomraidhean Croise

Efesios 6:17

Maud̶e sõd̶eeba ãrea kuitásturu Dachi Akõreba machi biawãra karibasii, kokoroaba ichi borod̶e chaarea b̶uu jʉ̃barii kĩra. Mau awara Dachi Akõre bed̶ea ichi Jaurid̶eeba ãrea kuitásturu. Dachi Akõre bed̶ea espada kĩra b̶uu, kachirua ome poyaabariid̶eeba.

2 Tesalonicenses 2:8

Maabáeburu chi kachiruad̶ebena ẽbẽra neei. Maamina Dachi Mechiu Jesús kĩrawãrea ted̶echoa neeruud̶e ara berrearuuba mau ẽbẽra beai.

Apocalipsis 1:16

Ichi jua biare pusterrea 7 uru b̶uasii. Ichi okarrd̶ebena espada kid̶a muriacha peed̶ea era b̶uu neesii. Ichi kĩedarr ʉmada ted̶echoa kĩra b̶uasii.

Apocalipsis 16:9

Dachi Akõre ʉ̃rʉbena kachirua berrea panasii pisiaba ãrea baa panasiid̶eeba, ichiaburu maka ãrea biꞌiwãe panabia b̶uud̶eeba. Maamina ãchi kachirua waubadau ida b̶ud̶aabasii maud̶e Dachi Akõre chi Mechiu nii ad̶aabasii.

Apocalipsis 19:15

Dachi Akõre Bed̶ea abadau okarrd̶eeba chĩobarii neko peed̶ea b̶uu nee b̶uasii druachabenarã poyaai baita. Ichi kĩra chuburiayuwãe joma nau iujãad̶ebenamaa ichid̶e ijãabia b̶uai. Uva biraduaruu kĩra, ãchi maka kastikai, Dachi Akõre Joma Poyaabarii kĩru kub̶uud̶eeba.

Apocalipsis 19:21

Chi neko ichi okarrd̶ebena awara nee b̶uuba waabenarã joma kenasii. Maabae joma chi kiuru mikiad̶a kobadau ʉtʉ ũub̶aribadaurãba mau kiuru kosid̶au jãwaaduud̶aa.

Apocalipsis 2:12

»Chi Pérgamo puurud̶ebena ijãabadaurã nubarii ángel baita kartad̶e naka b̶ʉse: »Chi espada kid̶a muriacha peed̶ea era b̶uu iniiba naka jara b̶uu:

Apocalipsis 2:5

Maud̶eeba kĩrabásturu machiba naed̶e kʉ̃ria uru panad̶a. Waya Dachi Akõremaa nésturu. Chi bia wáusturu naed̶e waubachid̶au kĩra. Dachi Akõremaa need̶awẽebʉrã, mʉʉba machi kastikad̶e wãi. Maud̶e machi lámpara ãyaa b̶ui.

Apocalipsis 22:20

Joma nau kartad̶e b̶ʉ kub̶uu Jesusba biawãra a b̶uu. Ichiba naka jara b̶uu: «¡Biawãra b̶uu mʉ kãꞌãabariwãed̶e neei!» Biꞌia b̶uu kãꞌãabariwãed̶e neei. ¡Uche dai Mechiu Jesús!

Apocalipsis 22:7

Jesusba jarasii: «¡Ũrísturu, mʉ kãꞌãabariwãed̶e neei! Ãrea biꞌia b̶uu joma chi Dachi Akõre baita berreabarii bed̶ea nau kartad̶e jara b̶uud̶e ijãa b̶uu».

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.