Apocalipsis 2:14 - Emberá Chamí

¹⁴ Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.

Apocalipsis 2:14 Iomraidhean Croise

Mateo 18:7

¡Chi waabenarãmaa nau iujãad̶ebenarã kachirua waubiabadaurã miichuburi panad̶ai! Maarã baraai, maamina chi waabenarãmaa kachirua waubiabarii miichuburi b̶uai.

Hechos 15:29

Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu. Joma mau wauduubʉrã biꞌia panad̶ai. Biꞌia panásturu.

Hechos 21:25

Maamina judiowãerã Jesusd̶e ijãabadaurãba waud̶ai panuu daiba kuitaa jarad̶aped̶a kartad̶e b̶ʉsid̶au: Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu.

Romanos 11:9

Maud̶e judiorã rey Davidba mau ʉ̃rʉbena Dachi Akõremaa jarasii: «Ãchi kĩrajʉʉ kobadau ewarid̶e komaa panuud̶e bichiba kastikaabai kʉ̃risiabiáse. Maka ãchi du ab̶a setaa kũruad̶ai ãnimara enabed̶e b̶aeduu kĩra. Maud̶e ãchi kastikase.

Romanos 14:13

Maud̶eeba ab̶auba wau b̶uu ʉ̃rʉbena waa kachirua berread̶aabai panuu. Maumaarã sõd̶eeba naka kʉ̃risiad̶ai panuu: dachiba wau panuud̶eeba ãba ab̶a bid̶a kachiruad̶e b̶aebid̶aabai panuu.

Romanos 14:21

Biꞌia b̶uu kiuru koobai, uva b̶aa doobai, maebʉrã ne ab̶a bid̶a waubai bichi ãba kachiruad̶e b̶aebirãamera.

Romanos 9:32

¿Sakãe makaabasma? Makaabasii Cristod̶e ijãad̶ai audeara ãchiba wau panuud̶eeba ichi daad̶e jipa nuread̶ai baita jʉrʉ panasiid̶eeba. Biawãra ãchiba Cristod̶e ijãad̶aabasii moomaa drʉʉduu kĩra.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

1 Corintios 7:2

Maamina machi tãed̶e kachirua barikiu waubadaud̶eeba mukĩraba ãchi wẽra ãchi kakawaa uru b̶eai b̶uu, maud̶e chi wẽraba ãchi mukĩra ãchi kakawaa uru b̶eai b̶uu.

Hebreos 13:4

Jomaurãba ãchi kima wapeadee nuread̶ai panuu. Dachi Akõreba chi aud̶uabadau maud̶e junebena wẽra ome kãi b̶eebadau kastikaid̶eeba ab̶a machi kima ómeburu kãi b̶eed̶ai panuu.

1 Pedro 2:8

Maud̶e naka b̶ʉ kub̶uu: «Ẽbẽrarã mau moomaa drʉd̶aped̶a b̶aed̶ai». Ãchiba Dachi Akõre bed̶ea ijãad̶awẽa panuud̶eeba moomaa drʉʉduu kĩra nuree. Dachi Akõreba maarã b̶usii maka nuread̶amera.

2 Pedro 2:15

Dachi Akõre o jipa b̶uu ida b̶ud̶aped̶a o ãyaa wãsid̶au. Beor warr Balán abadauba waud̶a kĩra waubadau. Balán chi nejarra kʉ̃ria b̶uasiid̶eeba chi nejarra baita kachirua waui kʉ̃risiasii.

Judas 1:11

¡Miichuburi chi kachiruad̶e nuree! Ãchiba Cainba waud̶a kĩra waubadau. Chi nejarra kʉ̃riabadaud̶eeba, kachirua wau nibabadau, Balaanba waud̶a kĩra. Coreba Moisés ida b̶ud̶a kĩra, Dachi Akõre ida b̶usid̶aud̶eeba, kastikakuai.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.

Apocalipsis 2:4

Maamina mʉʉba nau miadaa unu b̶uu: chi kʉ̃ria machiba naed̶e uru panad̶a id̶i jãabae ãrea uru panuuwãe.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.