Apocalipsis 19:7 - Emberá Chamí

⁷ ¡Kĩrajʉ́duru! ¡Kĩrajʉ́duru! Ichi chi Mechiu nii ad̶ai, Oeja Kaebe Nii miakãai ewari basiid̶eeba. Ichi wẽra ba b̶eeruu paru jʉ̃sii.

Apocalipsis 19:7 Iomraidhean Croise

Mateo 1:20

Maka kʉ̃risia b̶uud̶e Dachi Mechiud̶e ángel kamokaraad̶e Josemaa neeped̶a naka jarasii: «José, rey Davidd̶ebena need̶a, María warr adaui wapearã́se, mau wẽra warr baraasiid̶eeba Dachi Akõre Jaurid̶eeba.

Mateo 22:2

«Bajãad̶e B̶uuba ichid̶irã ichi juad̶e ua b̶uu nau kĩra b̶uu: Rey ab̶a b̶uasii. Ichi warr miakãid̶ai kĩrajʉʉ bara b̶uabarii ewari waui kʉ̃risia b̶uasii.

Juan 3:29

Miakãiduud̶e chi wẽra adauruu chi aude mechiu nii. Maamina ichi kõpaero ichi jãkaa b̶uu kĩrajʉʉ b̶uu, ichi berrearuu ũri b̶uud̶eeba. Ara mau kĩra mʉ kĩrajʉʉ b̶uu ichi nama b̶uud̶eeba.

2 Corintios 11:2

Dachi Akõreba nubia b̶uu kĩra mʉʉba machi ãrea nu kʉ̃ria b̶uu. Ẽbẽraba ichi kau kima dearuu kĩra mʉʉba machi Cristomaa dea kʉ̃ria b̶uu ara ichid̶irã nuread̶amera. Mʉʉba kʉ̃ria b̶uu machi ichi baita ãrea biꞌia nuread̶ai ãwera mukĩra adua b̶uu kĩra.

Efesios 5:23

Mukĩra ichi wẽra chibaribʉ. Ara mau kĩra Cristo ichi ẽbẽrarã Chibaribʉ maud̶e ichi ẽbẽrarã ichi kakua kĩra nuree. Ichi ãchi Karibabariibʉ.

Efesios 5:32

Mau bed̶eaba kʉ̃risia mechiu kuitaawẽa panad̶a kuitaabi b̶uu. Mʉʉba jara b̶uu Cristo ichi ẽbẽrarã ome ãbua panuud̶ebena.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Apocalipsis 11:13

Maud̶e ioromia meserãa neesii. Mauba Jerusalén puurud̶e de ãrea korekuasii. 7.000 ẽbẽrarã biusid̶au. Ara maud̶e chi chokae panuuba perad̶eeba chi bajãad̶ebena Dachi Akõremaa biꞌia nii a jarasid̶au.

Apocalipsis 19:9

Maud̶e angelba mʉʉmaa jarasii: «Kartad̶e naka b̶ʉse: “¡Biꞌia ãrea duanad̶ai chi Oeja Kaebe Nii miakãiped̶aad̶a chiko kooduumaa iuped̶aad̶arã!”» Maud̶e jarasii: «Mau biawãra bed̶ea Dachi Akõreba jarad̶abʉ».

Apocalipsis 21:2

Maud̶e mʉʉba unusii Dachi Akõre b̶uumarebena ichi puuru wid̶i Jerusalén bajãad̶ebena ed̶aa uruu. Mau puuru mipitaa ãrea b̶uasii wẽra miakãiruud̶e paru jʉ̃barii kĩra.

Apocalipsis 21:9

Maabae angelerã 7 sãu uru panad̶ad̶ebena ab̶a mʉʉmaa neesii. Mau angelerãba ãchi paratud̶e 7 uru panad̶aba nau iujãad̶ebenarã ãrea biꞌiwãe paneebiasid̶au. Chi mʉʉmaa need̶aba naka jarasii: «Wãd̶a. Mʉʉba unubii chi wẽra Oeja Kaebe Nii ome miakãiruu».