Apocalipsis 18:3 - Emberá Chamí

³ Mau puurud̶ebenarãba mia kĩra nejasia wau panuud̶eeba, drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra. Maud̶e reyrã joma druachad̶ebenarãba ara mau kĩra waubiasid̶au wẽra aud̶uabarii ome kachirua wau panuu kĩra. Chi nau iujãad̶ebena ne kaebea nedobadau barau duaneesii, mau puurud̶ebenarãba ne kaebea chi aude chi bia ãrea adaud̶ai kʉ̃ria panasiid̶eeba».

Apocalipsis 18:3 Iomraidhean Croise

Lucas 7:25

Maka kʉ̃risiad̶aabasii. Mau ¿kãare unud̶ai kʉ̃risiasid̶ama? ¿Ẽbẽra ab̶aba paru mipitaa ãrea jʉ̃ nii unud̶ai kʉ̃risiasid̶aka? Makawãema; maarã paru mipitaa jʉ̃ nureerã maud̶e ne kaebea biꞌia uru nureerã reyrã ded̶e panabadau.

1 Timoteo 5:11

Maamina pẽdrãa wabid̶a chõodraawãe nuree trʉ̃ kartad̶e b̶ʉrã́sturu. Maarã mukĩra awaba waya kima adaud̶ai kʉ̃riabadau. Maka ãchiba Cristo traju waud̶ai baita waya miakãid̶aabai bed̶ea deaped̶aad̶a ida b̶ubadau.

Apocalipsis 14:8

Mau ángel kaad̶e neeped̶a naka jĩkua jarasii: «Babilonia puuru mechiu ãrisii. Biawãra joma ãrikuasii. Chi mau puurud̶ebenarãba ãrea mia kĩra nejasia wau panuud̶eeba drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra».

Apocalipsis 17:2

Nau iujãad̶ebena reyrã mau wẽra ome kachirua waubachid̶au. Maud̶e mau wẽraba ichi kakuaba barikiu kachirua wauruu unubachiid̶eeba joma nau iujãad̶ebenarã bid̶a ara mau kĩra waubachid̶au ituaba biu panuu kĩra».

Apocalipsis 18:19

Nomaaba ãchi boro ʉ̃rʉ ioro jora kuikuad̶ai maabae jĩwa naka jẽad̶ai: «¡Miichuburi, Miichuburi jãu puuru mechiu b̶uad̶a! Jãu puuru ne bara b̶uasiid̶eeba, joma chi jãba uru b̶ead̶a aria barau duaneesii. Maamina jãu puuru kãꞌãabariwãed̶e joma ãrisii.

Apocalipsis 18:23

Ʉ̃d̶aa koabarii waa unud̶aabai. Miakãiduud̶e kĩrajʉʉbadau waa ũrid̶aabai. Arabena ne kaebea nedobʉibadaurã nau iujãad̶e chi mechiu nureasii. Ariabena jaibanarãba druachabenarã joma setaa kũruabachid̶au.

Apocalipsis 18:7

Mau puuru ãrea biꞌiwãe paneebísturu maud̶e ãrea kĩra nomaabísturu, ãchi puuru mechiu b̶uu a panuud̶eeba maud̶e ne biꞌia ãrea uru panuu a panuud̶eeba. Mau puurud̶ebena naka kʉ̃risia duanuu. “Mʉ chi reina ãkaud̶e akʉ b̶uu kĩra nii. Mʉ ab̶a pẽdrãa kĩra niiwãe. Mʉ biꞌiwãe b̶uabai”.

Apocalipsis 18:9

Reyrã drua jomad̶ebenarãba jãu puurud̶ebenarã ome kachirua waubachid̶au wẽra aud̶uabarii ome kãi b̶eeruu kĩra. Maarã sid̶a barau paneesii mau puurud̶e ne bia wãꞌãekaraa uru panad̶a adausid̶aud̶eeba. Maud̶eeba chi mau puuru baawãmaa b̶uud̶e nari unuuduud̶e maarã ẽrod̶ai.