Apocalipsis 18:24 - Emberá Chamí

²⁴ Dachi Akõre baita berreabadaurã beaped̶aad̶a, ẽbẽrarã Dachi Akõred̶erã beaped̶aad̶a, maud̶e joma nau iujãad̶e nuread̶a beaped̶aad̶a kakua mau puurud̶ebena nebʉrad̶e duanuu».

Apocalipsis 18:24 Iomraidhean Croise

Mateo 23:27

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Chi jau b̶ubadau torroa purubadau, ʉ̃rʉ mipitaa unud̶amera. Maamina ed̶are biuped̶aad̶arã ãrea chi b̶ʉʉrʉrã baara b̶eraa mikia poe.

Mateo 23:35

Maud̶eeba joma nabẽraed̶ebenarã ẽbẽrarã jipa nuree beaped̶aad̶a kakua Dachi Akõreba machi kastikai: Abel jipa nii beaped̶aad̶a kakua, Berequías warr Zacarías beaped̶aad̶a kakua maud̶e joma waabenarã beaped̶aad̶a kakua bid̶a. Zacarías Dachi Akõre de mechiu dud̶a chi ne baa deabadau kĩraare beasid̶au.

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.

1 Tesalonicenses 2:15

Ara maarãba Dachi Mechiu Jesús maud̶e Dachi Akõre baita berreabadaurã sid̶a beasid̶au. Mau awara dai ãyaa bʉisid̶au. Maarã Dachi Akõreba biꞌia unukau. Maarãba jomaurã kĩramaabadau.

Apocalipsis 11:7

Maamina joma Dachi Akõre ʉ̃rʉbena berreaped̶aad̶akare mau ãnimara eakarr ed̶aa chob̶ead̶ebena neeruuba ãchimaa orrai. Maarã poyaaped̶a kenai.

Apocalipsis 16:6

Maarãba bichi ẽbẽrarã maud̶e chi bichi baita berreabadaurã oa chebiasid̶au. Maud̶eeba id̶i bichiba maarãmaa oa dobiamaa b̶uu maka chi kachirua wauped̶aad̶a kĩra».

Apocalipsis 17:6

Mʉʉba ichiasiid̶e kuitaasii mau wẽra ẽbẽrarã Dachi Akõred̶erã oaba itua biu b̶uasii, chi Jesusd̶e ijãabadaurã maud̶e chi ichi ʉ̃rʉbena jarabadaurã beaped̶aad̶a oaba. Mau wẽra unud̶akare kãare kʉ̃risiai adua basii.

Apocalipsis 19:2

Ichi biawãra niid̶eeba arakʉd̶e ẽbẽrarã kastikabarii. Wẽra aud̶uabarii trʉ̃ poa b̶uad̶a kastikasii, mauba joma chi nau iujãad̶ebenarãmaa arab̶au kachirua waubiasiid̶eeba. Dachi Akõreba mau wẽra kastikasii chi ichi baita bari trajabadaurã kenad̶a kakua».