Apocalipsis 18:21 - Emberá Chamí

²¹ Maabae ángel mechiuba mo mechiu kũruma kĩra b̶uu mard̶e jiratasii. Makamaa b̶uud̶e naka jarasii: «Maka mʉʉba mau mo mard̶e jiratad̶a kĩra Babilonia puuru mechiu kãꞌãabariwãed̶e joma ãrii. Mau puuru waa unud̶aabai.

Apocalipsis 18:21 Iomraidhean Croise

Apocalipsis 10:1

Mau maad̶akare mʉʉba ángel ãrea poyaabarii ab̶a bajãad̶ebena jʉ̃rʉara tãed̶e uruu unusii. Ichi boro ʉ̃rʉ iuma jũra nub̶uasii. Ichi kĩedarr ʉmada kĩra urua b̶uasii. Ichi jʉ̃rʉ tʉbʉ aoko nub̶uu kĩra b̶uasii.

Apocalipsis 12:8

Maamina chi dragonba maud̶e chi ichi baara duanuuba poyaad̶aabasii. Maud̶eeba chi maarã makaa poyaa bajãad̶e panad̶aabasii.

Apocalipsis 16:20

Mau ioromiaba mar kẽsa islarã kob̶ead̶a maud̶e ea joma wãꞌãebisii.

Apocalipsis 18:10

Wapead̶ai Dachi Akõreba Babilonia puuru kastikad̶a kĩra maarã kastikakuai. Maud̶eeba kaitawẽeba ichia kopanuuba naka jarad̶ai: «¡Miichuburi, Miichuburi, Babilonia puuru mechiu ne joma waubadaud̶eeba! Dachi Akõreba mau puuru kãꞌãabariwãed̶e kastikai».

Apocalipsis 18:22

Aria arpa, purrsiru maud̶e kachu chaaduu waa ũrid̶aabai. Ẽbẽrarã kariiduu sid̶a waa ũrid̶aabai. Ẽbẽrarãba ne kabadaurã waa unud̶aabai. Kũrumad̶e ne b̶aaduud̶e jĩwaaruu sid̶a waa ũrid̶aabai.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Apocalipsis 5:2

Maud̶e mʉʉba ángel ab̶a poyaabarii unusii. Mauba jĩkua berrearuuba id̶isii: «¿Kai biꞌia b̶uma chi kartamaa wãa kub̶uu oetaped̶a ewai baita?»