Apocalipsis 18:2 - Emberá Chamí

² Naka jĩwa jarasii: «¡Babilonia puuru mechiu ãrisii! ¡Biawãra joma ãrikuasii! Ẽbẽrarã duanad̶amare, bari jãma chi jai kachirua nuréturu duanuu. Jãma joma jairã kachirúaturu duanuu. Joma chi Dachi Akõremaarã ibanarã miadáturu jãma duanuu.

Apocalipsis 18:2 Iomraidhean Croise

Apocalipsis 1:15

Ichi jʉ̃rʉ bronce tʉbʉd̶e kub̶ud̶akare urua kub̶uu kĩra b̶uasii. Ichi bed̶ea do ãrea cheeruu kĩra jĩwa b̶uasii.

Apocalipsis 10:3

Maabae ichi imama arraaruu kĩra jĩwa b̶iasii. Maka b̶iaruud̶e bã 7 b̶es tosii.

Apocalipsis 11:8

Chi biuped̶aad̶a chi Jerusalén puuru mechiud̶e jirata b̶ari panad̶ai. Mau puuru «Sodoma» maebʉrã «Egipto» abadau, aria ãchi Mechiu Jesús cruzd̶e jirab̶u beasid̶aud̶eeba.

Apocalipsis 14:15

Maud̶e Dachi Akõre de mechiu bajãad̶e kub̶uareeba ángel ab̶a awara neesii. Chi mauba jʉ̃rʉara ʉ̃rʉ akʉ b̶uasiimaa naka jĩwa b̶ia jarasii: «Iujãad̶e uud̶a joma waraa kub̶uu. Bichi neko jũria b̶uuba tarise chi tarii ewari basiid̶eeba».

Apocalipsis 14:8

Mau ángel kaad̶e neeped̶a naka jĩkua jarasii: «Babilonia puuru mechiu ãrisii. Biawãra joma ãrikuasii. Chi mau puurud̶ebenarãba ãrea mia kĩra nejasia wau panuud̶eeba drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra».

Apocalipsis 16:13

Maud̶e õbea chi jai kachirua nureerã unusii. Ab̶a dragón okarrd̶ebena neesii. Ab̶a ãnimara okarrd̶ebena neesii. Maud̶e ab̶a Dachi Akõre baita berreabarii chi biawãrawãe okarrd̶ebena sid̶a neesii.

Apocalipsis 16:19

Mau ioromiaba puuru mechiu ab̶a nau iujãad̶ebena kõaped̶a, maabae aꞌawaraa puuru õbea kĩra b̶usii. Maud̶e nau iujãad̶ebena puururã sid̶a joma ãrikuasii. Ara maud̶e Dachi Akõreba Babilonia puuru mechiu kastikai kʉde uru b̶uai ida b̶uubasii. Uva b̶aa asia dobiiruu kĩra ichi kĩru kub̶uud̶eeba mau puuru ãrea kastikasii.

Apocalipsis 17:18

Chi bichiba unud̶a wẽra aud̶uabarii puuru mechiu jara b̶uu. Mau puurud̶ebena reyba drua jomad̶ebena reyrã ichi juad̶e ua b̶uu».

Apocalipsis 17:5

Ichi daub̶ʉʉrʉd̶e trʉ̃ ab̶a ẽbẽrarãba kauwa ũrid̶akau b̶ʉ inibasii. Naka b̶ʉ inibasii: «Mʉ Babilonia chi puuru mechiubʉ. Mʉ wẽrarã aud̶uabadaurã nawebʉ, maud̶e ne joma Dachi Akõreba nau iujãad̶e kʉ̃riakau nawebʉ».

Apocalipsis 18:10

Wapead̶ai Dachi Akõreba Babilonia puuru kastikad̶a kĩra maarã kastikakuai. Maud̶eeba kaitawẽeba ichia kopanuuba naka jarad̶ai: «¡Miichuburi, Miichuburi, Babilonia puuru mechiu ne joma waubadaud̶eeba! Dachi Akõreba mau puuru kãꞌãabariwãed̶e kastikai».

Apocalipsis 18:21

Maabae ángel mechiuba mo mechiu kũruma kĩra b̶uu mard̶e jiratasii. Makamaa b̶uud̶e naka jarasii: «Maka mʉʉba mau mo mard̶e jiratad̶a kĩra Babilonia puuru mechiu kãꞌãabariwãed̶e joma ãrii. Mau puuru waa unud̶aabai.

Apocalipsis 5:2

Maud̶e mʉʉba ángel ab̶a poyaabarii unusii. Mauba jĩkua berrearuuba id̶isii: «¿Kai biꞌia b̶uma chi kartamaa wãa kub̶uu oetaped̶a ewai baita?»