Apocalipsis 18:10 - Emberá Chamí

¹⁰ Wapead̶ai Dachi Akõreba Babilonia puuru kastikad̶a kĩra maarã kastikakuai. Maud̶eeba kaitawẽeba ichia kopanuuba naka jarad̶ai: «¡Miichuburi, Miichuburi, Babilonia puuru mechiu ne joma waubadaud̶eeba! Dachi Akõreba mau puuru kãꞌãabariwãed̶e kastikai».

Apocalipsis 18:10 Iomraidhean Croise

Apocalipsis 11:8

Chi biuped̶aad̶a chi Jerusalén puuru mechiud̶e jirata b̶ari panad̶ai. Mau puuru «Sodoma» maebʉrã «Egipto» abadau, aria ãchi Mechiu Jesús cruzd̶e jirab̶u beasid̶aud̶eeba.

Apocalipsis 14:8

Mau ángel kaad̶e neeped̶a naka jĩkua jarasii: «Babilonia puuru mechiu ãrisii. Biawãra joma ãrikuasii. Chi mau puurud̶ebenarãba ãrea mia kĩra nejasia wau panuud̶eeba drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra».

Apocalipsis 16:19

Mau ioromiaba puuru mechiu ab̶a nau iujãad̶ebena kõaped̶a, maabae aꞌawaraa puuru õbea kĩra b̶usii. Maud̶e nau iujãad̶ebena puururã sid̶a joma ãrikuasii. Ara maud̶e Dachi Akõreba Babilonia puuru mechiu kastikai kʉde uru b̶uai ida b̶uubasii. Uva b̶aa asia dobiiruu kĩra ichi kĩru kub̶uud̶eeba mau puuru ãrea kastikasii.

Apocalipsis 17:12

»Chi bichiba unud̶a kachurã 10 panuu, 10 reyrã bad̶ai panuu jara b̶uu; wabid̶a reyrã bad̶awẽa panuu. Maamina chi ãnimara rey baaruud̶e ãchi sid̶a rey bad̶ai, ewari ãrea panad̶aabai b̶umina.

Apocalipsis 18:18

Mau puuru baa nub̶uu nari unuuduud̶e jĩwa naka jarad̶ai: «¿Sãu puuru jãu puuru kĩra b̶uasma?»

Apocalipsis 18:19

Nomaaba ãchi boro ʉ̃rʉ ioro jora kuikuad̶ai maabae jĩwa naka jẽad̶ai: «¡Miichuburi, Miichuburi jãu puuru mechiu b̶uad̶a! Jãu puuru ne bara b̶uasiid̶eeba, joma chi jãba uru b̶ead̶a aria barau duaneesii. Maamina jãu puuru kãꞌãabariwãed̶e joma ãrisii.

Apocalipsis 18:21

Maabae ángel mechiuba mo mechiu kũruma kĩra b̶uu mard̶e jiratasii. Makamaa b̶uud̶e naka jarasii: «Maka mʉʉba mau mo mard̶e jiratad̶a kĩra Babilonia puuru mechiu kãꞌãabariwãed̶e joma ãrii. Mau puuru waa unud̶aabai.

Apocalipsis 18:8

Maud̶eeba ewari ab̶aburu kĩra nomaa jẽai, jarrbisiaba kachirua b̶uai, maud̶e biui. Dachi Akõre Mechiu chi joma poyaabariiba mau puuru joma ãriped̶a baabʉʉi».