Apocalipsis 17:8 - Emberá Chamí

⁸ Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.

Apocalipsis 17:8 Iomraidhean Croise

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Lucas 10:20

Maamina kĩrajʉʉrã́sturu machiba jai kachirua duabʉiduud̶e ãchiba ũribadaud̶eeba, maumaarã kĩrajʉ́sturu Dachi Akõreba machi trʉ̃ b̶ʉ kub̶uu bajãad̶e uru b̶uud̶eeba.

Lucas 8:31

Maud̶e ãchiba Jesusmaa chi chuburia id̶isid̶au eakarr ed̶aa chob̶ea pãriu nub̶uud̶aa bʉikarãamera.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Hechos 15:18

Dachi Mechiuba maka jara b̶uu. Ichiba nabẽraed̶eed̶ebena joma mau arakʉd̶e kuitaabia b̶uu”.

Efesios 1:4

Nau drua waui naed̶e Cristod̶eeba dachi jʉrʉ adausii ichi baita biꞌia nuread̶amera maud̶e ichi daad̶e jayoa kachiruaswãe nuread̶amera. Nabẽraed̶eed̶e Jesucristod̶eeba dachi ichi warrarã bad̶ai a kʉ̃risia b̶uasii. Maka wau kʉ̃ria b̶uasii dachi kʉ̃riakuasiid̶eeba.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

Apocalipsis 11:7

Maamina joma Dachi Akõre ʉ̃rʉbena berreaped̶aad̶akare mau ãnimara eakarr ed̶aa chob̶ead̶ebena neeruuba ãchimaa orrai. Maarã poyaaped̶a kenai.

Apocalipsis 17:11

Chi ãnimara chi naed̶e nibad̶a maud̶e id̶ibae wãꞌãe, mau chi jua ab̶a õbea reybʉ. Mau chi 7 reyrãd̶ebenabʉ. Cristoba mau ewaricha kastikai.

Apocalipsis 17:2

Nau iujãad̶ebena reyrã mau wẽra ome kachirua waubachid̶au. Maud̶e mau wẽraba ichi kakuaba barikiu kachirua wauruu unubachiid̶eeba joma nau iujãad̶ebenarã bid̶a ara mau kĩra waubachid̶au ituaba biu panuu kĩra».

Apocalipsis 20:10

Mau maad̶akare Dachi Akõreba jʉbawãe nii ẽbẽrarã setaa kũrua uru b̶uad̶a chob̶ea mar kĩra azufre bara aoko nub̶uud̶e jiratai. Naed̶e Dachi Akõreba ãnimara kachirua b̶uu, Dachi Akõre baita berreabarii chi biawãrawãe sid̶a mau tʉbʉ aokod̶e jiratasii. Chi maarã maud̶e jʉbawãe nii sid̶a ewaricha ãyadaa maud̶e ẽsabud̶e ãrea biꞌiwãe panad̶ai.

Apocalipsis 20:12

Maud̶e mʉʉba unusii biuped̶aad̶arã chi mechiurã maud̶e chi kaebeurã Dachi Akõre rey ãkau daad̶e akʉ topanuu. Maud̶e chi b̶ee karta ewakuasii. Maabae june ab̶a karta ewasii. Mau kartad̶e ẽbẽrarã ewaricha chokae nuread̶ai trʉ̃ b̶ʉ kub̶uasii. Dachi Akõreba chi biuped̶aad̶arã joma ichiasii ãchiba wauped̶aad̶a kĩra, chi maarã kartad̶e b̶ʉ kub̶uad̶a kĩra.

Apocalipsis 20:15

Chi ẽbẽrarã trʉ̃ chi ewaricha chokae duanabarii kartad̶e wãꞌãerã Dachi Akõreba mau ea chob̶ead̶e azufre bara aoko nub̶uud̶e jiratasii.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.

Apocalipsis 3:5

Chi kachirua waud̶ai poyaaped̶aad̶arãba ara mau kĩra paru torroa jʉ̃d̶ai. Ãchi trʉ̃ chi ewaricha chokae duanabarii kartad̶e b̶ʉ kub̶uud̶eeba mʉʉba mau jareebai. Maumaarã mʉ Chacha daad̶e maud̶e chi angelerã daad̶e ãchi mʉʉd̶erã ai.