Apocalipsis 17:11 - Emberá Chamí

¹¹ Chi ãnimara chi naed̶e nibad̶a maud̶e id̶ibae wãꞌãe, mau chi jua ab̶a õbea reybʉ. Mau chi 7 reyrãd̶ebenabʉ. Cristoba mau ewaricha kastikai.

Apocalipsis 17:11 Iomraidhean Croise

Apocalipsis 13:10

«Chi jʉ̃ad̶ai panuu, mau jʉ̃ad̶ai. Chi espadaba biud̶ai panuu, mau espadaba biud̶ai». Maud̶eeba ẽbẽrarã Dachi Akõred̶erã ãrea ijãad̶aped̶a ãrea dauchia jãadua panad̶ai panuu.

Apocalipsis 13:12

Chi ãnimara iorod̶ebena awara need̶a joma chi nau iujãad̶ebenarã chibari b̶eesii, chi nabena ãnimara kĩra. Ichi poyaad̶eeba ẽbẽrarãmaa chi nabena ãnimaramaa biꞌia berreabiabachii. Mau tõod̶aba biui b̶uasmina, wabid̶a chokae b̶uasii.

Apocalipsis 13:3

Chi mau ãnimara boro ab̶ad̶e tõod̶a bad̶a anid̶a ab̶a inibasii. Biawãra mau tõod̶aba biui b̶uasii maamina chi tõod̶a jãabae anid̶a b̶uasii. Joma nau iujãad̶ebenarã kãare kʉ̃risiad̶ai adua panasiid̶eeba mau baara panasid̶au.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.