Apocalipsis 16:3 - Emberá Chamí

³ Mau maad̶akare june ab̶a angelba ichi sãud̶e uru b̶uad̶a mard̶e eabʉisii. Mauba chi mar oa ba did̶isii. Ẽbẽra ab̶a biud̶a oa kĩra nub̶eesii. Maabae chi mard̶e chokae nuread̶a joma kinisid̶au.

Apocalipsis 16:3 Iomraidhean Croise

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Apocalipsis 10:2

Ichi juad̶e karta kaebeu ewa uru b̶uasii. Ichi jʉ̃rʉ biarebena mard̶e tʉa ʉkʉ nub̶uasii. Jʉ̃rʉ sordoarebena iorod̶e tʉa ʉkʉ nub̶uasii.

Apocalipsis 11:6

Maarã ome ẽbẽra Dachi Akõre baita berreamaa panuud̶e, bajãa poyaa jʉ̃ad̶ai kui chebiamaaba. Maud̶e bania sid̶a poyaa oa babid̶ai, maud̶e ne kachirua didiwaraa poyaa neebid̶ai nau iujãa ãchi kʉ̃ria ãrid̶ai baita.

Apocalipsis 13:1

Mau maad̶akare chi dragón mar iikaa ibud̶e ʉkʉ nub̶eesii. Ara maud̶e mʉʉba ãnimara kachirua mard̶ebena awara neeruu unusii. Mau ãnimara 7 boro inibasii maud̶e 10 kachu. Kachurãcha boro jũra ab̶a inibasii. Borocha trʉ̃ kachirua Dachi Akõre ʉ̃rʉbena b̶ʉ kub̶uasii.