Apocalipsis 16:21 - Emberá Chamí

²¹ Bajãad̶ebena ẽbẽrarã ʉ̃rʉ hielo mo mechiu kĩra b̶aesid̶au. Mau hielo beraa 40 kilos chikʉa b̶easii. Mau hielo b̶aesid̶auba biꞌiwãe panasid̶aud̶eeba, maarãba Dachi Akõre ʉ̃rʉbena kachirua berreasid̶au.

Apocalipsis 16:21 Iomraidhean Croise

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.

Apocalipsis 16:11

Chi puaba maud̶e kakua chausiid̶eeba Dachi Akõre bajãad̶e b̶uu ʉ̃rʉbena kachirua berrea panasii. Maamina ãrea biꞌiwãe panasmina chi kachirua wau panuu ida b̶ud̶aabasii.

Apocalipsis 16:9

Dachi Akõre ʉ̃rʉbena kachirua berrea panasii pisiaba ãrea baa panasiid̶eeba, ichiaburu maka ãrea biꞌiwãe panabia b̶uud̶eeba. Maamina ãchi kachirua waubadau ida b̶ud̶aabasii maud̶e Dachi Akõre chi Mechiu nii ad̶aabasii.

Apocalipsis 8:7

Ab̶auba ichi kachu chaasii. Ara makʉd̶e bajãad̶ebena nau iujãad̶e hielo kui kĩra b̶aesid̶au. Maud̶e nau iujãad̶e tʉbʉchia oa baara b̶aesid̶au. Mauba nau iujãa jomad̶ebena beraa mita baawãsii maud̶e bakururã sid̶a. Mama chi siruarã joma baawãsii.