Apocalipsis 16:10 - Emberá Chamí

¹⁰ Mau maad̶akare june ab̶a angelba ichi sãud̶e uru b̶uad̶a chi ãnimara chi rey ãkau ʉ̃rʉ eabʉisii. Ara makʉd̶e chi mau ewari pãriusii chi mau ãnimaraba juad̶e ua b̶uad̶amare. Maabae chi ichid̶irã puaba ãchi kẽrame kaabachid̶au.

Apocalipsis 16:10 Iomraidhean Croise

Mateo 13:42

Maarã tʉbʉ aokod̶e b̶atakuad̶ai. Aria kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai.

Mateo 13:50

Maabae tʉbʉ aokod̶e b̶atakuad̶ai. Aria kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai.

Mateo 22:13

Maud̶e chi reyba chi trajabadaurãmaa jarasii: “Nau ẽbẽra jua maud̶e jʉ̃rʉ bʉrad̶aped̶a awara pãriud̶aa jiratásturu. Aria kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai”.

Mateo 24:51

Maabae chi chibariba ãrea kastikaped̶a chi setaa ẽbẽra bia nuree abadau ome jʉ̃a bʉikai. Aria jomaurã kĩra nomaa jẽa panad̶ai maud̶e chi puaba kid̶a kʉrrʉa ko panad̶ai.

Mateo 8:12

Maamina Dachi Akõreba ẽbẽrarã chi naa jʉrʉ adau kʉ̃ria b̶uad̶a pãriud̶aa duabʉikai. Aria kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai.

Lucas 13:28

»Machi chi awara duanuu kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai. Abraham, Isaac, Jacob maud̶e Dachi Akõre baita berreabadaurã Dachi Akõreba ichid̶irã ichi juad̶e ua b̶uud̶e panad̶ai, maamina machi Dachi Akõreba ida wãbiabai.

1 Pedro 2:17

Jomaurã wapeásturu. Ãbarã ãrea kʉ̃riásturu. Dachi Akõre wapeásturu. Nau iujãad̶ebena karr chi mechiu sid̶a wapeásturu.

Apocalipsis 11:10

Chi ẽbẽrarã nau iujãad̶ebena mau biuped̶aad̶a kakua kĩrajʉʉd̶ai. Kĩrajʉʉba ne kaebea bia ãchiba chiya bari dead̶akad̶ai, Dachi Akõre baita berreabadaurãba maarã ãrea biꞌiwãe panabiasid̶aud̶eeba.

Apocalipsis 11:2

Maamina Dachi Akõre de mechiu mooba aude ad̶u kĩra b̶uu ekarebena drua chaarã́se, mau Dachi Akõred̶e ijãad̶akaurã deasiid̶eeba. Maarãba Dachi Akõre puuru Jerusalén poyaad̶ai 42 jed̶akod̶aa.

Apocalipsis 11:8

Chi biuped̶aad̶a chi Jerusalén puuru mechiud̶e jirata b̶ari panad̶ai. Mau puuru «Sodoma» maebʉrã «Egipto» abadau, aria ãchi Mechiu Jesús cruzd̶e jirab̶u beasid̶aud̶eeba.

Apocalipsis 17:17

Dachi Akõreba maarã 10 reyrã sõd̶e b̶usii ichiba kʉ̃ria b̶uu waud̶amera. Maud̶eeba maarãba kʉ̃risia arab̶aud̶e uru panad̶ai maud̶e chi ãnimaraba jaraaruu joma ijãad̶ai Dachi Akõreba jarad̶a makaaruud̶aa.

Apocalipsis 17:9

»Chi bichiba unud̶a kauwa ũrii baita chi kuitaa ãrea nibai. Chi 7 boro, 7 ea jara b̶uu. Chi wẽra aud̶uabarii mau 7 ea ʉ̃rʉ akʉ b̶uu.

Apocalipsis 18:2

Naka jĩwa jarasii: «¡Babilonia puuru mechiu ãrisii! ¡Biawãra joma ãrikuasii! Ẽbẽrarã duanad̶amare, bari jãma chi jai kachirua nuréturu duanuu. Jãma joma jairã kachirúaturu duanuu. Joma chi Dachi Akõremaarã ibanarã miadáturu jãma duanuu.

Apocalipsis 18:21

Maabae ángel mechiuba mo mechiu kũruma kĩra b̶uu mard̶e jiratasii. Makamaa b̶uud̶e naka jarasii: «Maka mʉʉba mau mo mard̶e jiratad̶a kĩra Babilonia puuru mechiu kãꞌãabariwãed̶e joma ãrii. Mau puuru waa unud̶aabai.

Apocalipsis 18:23

Ʉ̃d̶aa koabarii waa unud̶aabai. Miakãiduud̶e kĩrajʉʉbadau waa ũrid̶aabai. Arabena ne kaebea nedobʉibadaurã nau iujãad̶e chi mechiu nureasii. Ariabena jaibanarãba druachabenarã joma setaa kũruabachid̶au.

Apocalipsis 8:12

Mau maad̶akare june ab̶a angelba ichi kachu chaasii. Ara makʉd̶e beraa mita jed̶ako pãriusii maud̶e ʉmada. Maud̶e beraa mita pusterrearã sid̶a pãriusii. Maud̶eeba beraa mita ewari ab̶a pãriu nub̶eesii. Maud̶e ẽsabud̶e bid̶a beraa mita chi jed̶ako maud̶e pusterrearã sid̶a pãriu nub̶eesii.

Apocalipsis 9:2

Mau eakarr ed̶aa chob̶ead̶e poraa ewasiid̶e, chob̶ead̶ebena ʉtaa nari ãrea chesii mode baaruud̶e makabarii kĩra. Mau nariba ʉmada paimaa ãrea kob̶eesii maud̶e chi bajãa sid̶a.