Apocalipsis 15:4 - Emberá Chamí

⁴ Dai Mechiu, ¿kaiba bichi wapeabai b̶uma? ¿Kaiba bichi chi Mechiu nii aabaima? Bichi Dachi Akõre báitaburu niibʉ. Joma druachad̶ebena imiped̶aad̶aba bichimaa biꞌia berread̶ai, bichiba chi jipa wau b̶uu jomaurãmaa unubiasiid̶eeba».

Apocalipsis 15:4 Iomraidhean Croise

Romanos 15:9

Maud̶e Cristo neesii judiowãerãba Dachi Akõremaa biꞌia berread̶amera ãchi kĩra chuburiasiid̶eeba. Mau ʉ̃rʉbena Dachi Akõre bed̶ead̶e naka b̶ʉ kub̶uu: «Mʉʉba bichi judiowãerã tãed̶e biꞌia berreai. Mʉʉba bichimaa biꞌia karii».

1 Pedro 1:16

Dachi Akõre bed̶ead̶e naka b̶ʉ kub̶uu: «Jipa panásturu mʉ jipa niid̶eeba».

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».

Apocalipsis 14:7

Mauba jĩwa naka jarasii: «¡Dachi Akõre wapeásturu! Ichíturu chi mechiu nii ásturu, ichiba kastikai ewari neesiid̶eeba. Bajãa, iujãa, mar maud̶e bania iorod̶e bumadrubarii waud̶ad̶eeba, mau biꞌia berreásturu».

Apocalipsis 16:5

Maud̶e mʉʉba ũrisii chi bania nubarii angelba Dachi Akõremaa naka jaraaruu: «¡Bichi biawãra Dachi Akõrebʉ! Id̶i bichi nii maud̶e naed̶e bid̶a nibasii. Bichiba ẽbẽrarã maka kastikasii.

Apocalipsis 16:7

Mau maad̶akare mʉʉba ũrisii kera baa deabadau bajãad̶e b̶uareeba ab̶auba naka berrearuu: «Dai Akõre Mechiu chi Joma Poyaabarii, bichi biawãra niid̶eeba arakʉd̶e ẽbẽrarã kastikabarii».

Apocalipsis 19:2

Ichi biawãra niid̶eeba arakʉd̶e ẽbẽrarã kastikabarii. Wẽra aud̶uabarii trʉ̃ poa b̶uad̶a kastikasii, mauba joma chi nau iujãad̶ebenarãmaa arab̶au kachirua waubiasiid̶eeba. Dachi Akõreba mau wẽra kastikasii chi ichi baita bari trajabadaurã kenad̶a kakua».

Apocalipsis 19:8

Dachi Akõreba chi mau wẽra lino paru torroa ted̶echoa b̶uu jʉ̃bisii». (Mau paru lino waud̶aba jara b̶uu ẽbẽrarã Dachi Akõred̶erãba jipa waubadau).

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.

Apocalipsis 4:8

Maarã chokae nuree ab̶aab̶aa ikia 6 uru nureasii. Ãchi kakuad̶e dau ãrea bara nureasii. Maud̶e ãchi ikia ekare bid̶a dau ãrea basii. Ãyadaa, maud̶e ẽsabud̶e maarãba ida b̶ud̶ayuwãe nau jarabachid̶au: «Ãrea biꞌia nii, ãrea biꞌia nii, ãrea biꞌia nii Dachi Mechiu, Dachi Akõre, chi Joma Poyaabarii. Mau chi nibad̶abʉ, chi niibʉ maud̶e chi neei baita b̶uubʉ».

Apocalipsis 6:10

Kĩrud̶eeba naka berreasid̶au: «Jomaurã Mechiu, bichi ãrea bia nii maud̶e biawãra berreabarii. ¿Bichiba sakaed̶e chi jãu iujãad̶ebenarã dai beaped̶aad̶a kakua kastikakuaima?»