Apocalipsis 15:1 - Emberá Chamí

¹ Maabae mʉʉba waya maucha ne makai biꞌia b̶uu bajãad̶e unusii. Mau kakua ẽbẽrarãba kãare kʉ̃risiad̶ai adua paneesii. Angelerã 7 duanasii. Ãchi ab̶aab̶aa chi kaad̶earebena ne kachirua uru panasid̶au mauba biꞌiwãe paneebiad̶ai baita. Dachi Akõreba maka kastikaped̶a, chi kĩrubi wãꞌãe.

Apocalipsis 15:1 Iomraidhean Croise

Apocalipsis 10:3

Maabae ichi imama arraaruu kĩra jĩwa b̶iasii. Maka b̶iaruud̶e bã 7 b̶es tosii.

Apocalipsis 11:14

Chi mawãarebena mia pera jarad̶a wãꞌãesii. Maamina chi kaad̶earebena mia jarad̶a kãꞌãabariwãed̶e neei.

Apocalipsis 14:10

Dachi Akõreba ichi kĩruuruuba mau ẽbẽra kachirua ãrea b̶ui uva b̶aa asia dobiiruu kĩra. Mau ẽbẽra chi ángel biꞌia nuree daad̶e, maud̶e Oeja Kaebe Nii daad̶e azufre aoko nub̶uuba ãrea biꞌiwãe b̶uai.

Apocalipsis 14:19

Ara makʉd̶e chi angelba chi neko jũria b̶uuba jua ab̶a tuuped̶a chi uva b̶ʉʉrʉcha araa pesii. Maabae chi uva biraduabadaumare bʉikasii biraduad̶amera chi b̶aa adaud̶ai baita. Mau jara b̶uu Dachi Akõreba kastikai.

Apocalipsis 16:1

Maud̶e mʉʉba Dachi Akõre de bajãad̶e kub̶uareeba ab̶aba jĩwa berrearuu ũrisii. 7 angelerãmaa nau jarakuasii: «Chi sãu Dachi Akõre kĩru kub̶uuba waabiru nub̶uu iujãad̶e eakoad̶e wã́sturu».

Apocalipsis 17:1

Jua ab̶a ome angelerãd̶ebena sãu 7 uru b̶uad̶a ab̶a mʉ b̶uumaa neeped̶a mʉʉmaa naka jarasii: «Wãuríduru. Mʉʉba unubii Dachi Akõreba saka wẽra aud̶uabarii trʉ̃ poa b̶uu kastikaaruu. Mau wẽra bania ãrea tãed̶e akʉ b̶uu.

Apocalipsis 19:15

Dachi Akõre Bed̶ea abadau okarrd̶eeba chĩobarii neko peed̶ea b̶uu nee b̶uasii druachabenarã poyaai baita. Ichi kĩra chuburiayuwãe joma nau iujãad̶ebenamaa ichid̶e ijãabia b̶uai. Uva biraduaruu kĩra, ãchi maka kastikai, Dachi Akõre Joma Poyaabarii kĩru kub̶uud̶eeba.

Apocalipsis 21:9

Maabae angelerã 7 sãu uru panad̶ad̶ebena ab̶a mʉʉmaa neesii. Mau angelerãba ãchi paratud̶e 7 uru panad̶aba nau iujãad̶ebenarã ãrea biꞌiwãe paneebiasid̶au. Chi mʉʉmaa need̶aba naka jarasii: «Wãd̶a. Mʉʉba unubii chi wẽra Oeja Kaebe Nii ome miakãiruu».

Apocalipsis 8:13

Mʉʉba ʉtaa ichiasiid̶e ũrisii nejõo ab̶a ʉtʉ ũub̶ari kãriiba naka jara kãrii: «¡Mia pera! ¡Mia pera! ¡Mia pera! Ẽbẽrarã nau iujãad̶ebena kĩra chuburiad̶ai chi waabena angelerãba ãchi kachu chaaduud̶e!»

Apocalipsis 8:2

Mau maad̶akare mʉʉba 7 angelerã Dachi Akõre daad̶e akʉ topanuu unusii. Maarãmaa kachu 7 deasii.

Apocalipsis 8:6

Maabae chi 10 angelerãba kachu 7 chaad̶ai baita kopaneesid̶au.

Apocalipsis 9:20

Maka b̶uukaud̶e chi ẽbẽrarã mauba biud̶aabad̶aba wabid̶a chi kachirua waud̶ayu maud̶e jai kachiruarã ijãad̶ai ida b̶ud̶aabasii. Dachi Akõre kuenda juaba ne kaped̶aad̶arã ida b̶ud̶aabasii: chi nee waud̶a, parata waud̶a, bronce waud̶a, mo waud̶a maud̶e bakuru erad̶a ida b̶ud̶aabasii. Maarã unud̶akau, ũrid̶akau maud̶e nibad̶akau.