Apocalipsis 14:4 - Emberá Chamí

⁴ Maarã ẽbẽrarã wẽra aud̶ua nureasii. Dachi Akõre baita maarã b̶aꞌãra bid̶a kachiruaswãe nureasii. Maarã chi Oeja Kaebe Nii baara chi wãaruumaa wãbadau. Dachi Akõreba nau iujãad̶ebena chi maarã ichi baita karibakuasii, ichi baita maud̶e chi Oeja Kaebe Nii baita bid̶a panad̶amera chi nabena chaud̶a ichimaa dearuu kĩra.

Apocalipsis 14:4 Iomraidhean Croise

Mateo 19:12

Chi nureeba poyaa warr waud̶akau chi naweba chi warr adauped̶aad̶ad̶eed̶ebena. Chi nureeba poyaa warr waud̶akau maka panabiped̶aad̶ad̶eeba. Maud̶e waabenarãba miakãid̶ai kʉ̃riad̶akau ãchi Mechiu Bajãad̶e B̶uu baita ne waud̶ai baita. Machi poyaa du panuubʉrã, maka panásturu.

Mateo 25:1

»Bajãad̶e B̶uuba ichid̶irã ichi juad̶e ua b̶uu nau kĩra b̶uai: ãwerarã 10 panasid̶au. Ãchicha ʉ̃d̶aa koabarii adoed̶aped̶a chi miakãiruu mukĩra irsibid̶e wãsid̶au.

Mateo 8:19

Maamina wãd̶ai naed̶e Moisesba b̶ʉd̶a jaradeabarii Jesusmaa neesii. Mau ẽbẽraba jarasii: Jaradeabarii, bichi wãaruumaa mʉ bichi ome wãi.

Juan 10:27

Mʉ oejarãba mʉ mimi kauwa kuitaa panuu. Mʉʉba ãchi unubarii. Maud̶eeba ãchiba mʉ baara wãbadau.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 13:37

Pedroba id̶isii: —Dai Mechiu, ¿sakãe mʉ bichi baara poyaa wãabaima? Mʉ bichi baita biui b̶uu.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

1 Corintios 16:15

Ãbarã, machiba kuitaa panuu Acaya druad̶e Estefanasba maud̶e ichi ded̶ebenarã chi naed̶e Jesusd̶e ijãaped̶aad̶a maud̶e ãchiba kʉ̃risia panuu joma ãbarã aid̶ad̶ai baita.

1 Corintios 6:20

Dachi Akõreba machi nedosii. Dachi Akõred̶ed̶eeba machi kakuad̶e maud̶e jaurid̶e kĩra jipa panásturu.

1 Corintios 7:28

Maamina kãiruubʉrã kachiruawãema. Wẽraba mukĩra adauruubʉrã kachiruawãema. Maamina chi kima adauruu nau iujãad̶e ãrea biꞌiwãe b̶uai. Machi maka ãrea biꞌiwãe panad̶ai mʉʉba kʉ̃riawẽa b̶uu.

2 Corintios 11:2

Dachi Akõreba nubia b̶uu kĩra mʉʉba machi ãrea nu kʉ̃ria b̶uu. Ẽbẽraba ichi kau kima dearuu kĩra mʉʉba machi Cristomaa dea kʉ̃ria b̶uu ara ichid̶irã nuread̶amera. Mʉʉba kʉ̃ria b̶uu machi ichi baita ãrea biꞌia nuread̶ai ãwera mukĩra adua b̶uu kĩra.

Efesios 1:14

Dachi Akõre Jauri adauped̶aad̶ad̶eeba dachiba kuitaa panuu joma Dachi Akõreba deai jarad̶a biawãra adaud̶ai ichid̶irã joma biꞌia b̶ui ewarid̶e. Maud̶eeba ichi biꞌia nii ʉ̃rʉbena biꞌia berread̶ai panuu.

Efesios 5:27

Joma mau wausii dachi ichi baita ãrea biꞌia b̶ui baita, jayoa kachiruaswãe, bibidruaswãe maud̶e barikiu kachiruaswãe. Ichiba kʉ̃ria b̶uasii dachi ichi baita biꞌia nuread̶ai, kachirua jarad̶ai a jaraswãe.

1 Timoteo 4:3

Jãarãba wẽra ida miakãibid̶akau maud̶e chi b̶ee chiko ida kobid̶akau. Maamina Dachi Akõreba joma deasii ichid̶e ijãabadaurãba maud̶e chi biawãra bed̶ea kuitaa panuurãba ichimaa ichíturu kid̶ibai ad̶aped̶a kod̶amera.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

Apocalipsis 17:14

Maabae chi maarã Oeja Kaebe Nii ome chĩod̶ai. Maamina chi Oeja Kaebe Niiba chi maarã poyaakuai, ichi Jomaurã Reyrã Audeara Chi Aude Mechiu Nii maud̶e Joma Chi Mechiurã Audeara Chi Aude Mechiu Niid̶eeba. Poyaakuad̶akare chi ichid̶e ãrea ijãabadaurã ichi baara paneed̶ai. Ichiba chi maarã iukuaped̶a jʉrʉ adaukuasii».

Apocalipsis 21:22

Mau puurud̶e mʉʉba Dachi Akõre de mechiu unuubasii wãꞌãed̶eeba. Ẽbẽrarãba Dachi Akõre chi Joma Poyaabarii maud̶e chi Oeja Kaebe Niimaa biꞌia berread̶ai, naed̶e ichi de mechiud̶e waubachid̶au kĩra.

Apocalipsis 21:23

Ʉmadaswãe, jed̶akoswãe mau puuru ʉ̃d̶aa nub̶uabarii Dachi Akõre kĩrawãreaba maud̶e Oeja Kaebe Niiba ʉ̃d̶aa b̶uuba.

Apocalipsis 3:4

Maamina machi Sardisd̶ebena b̶aꞌãra barau chi kachiruad̶e panabadauwãe, machi paru jayoaswãe panuu kĩra. Machi mʉ baara ãbua nibad̶ai baita biꞌia panuud̶eeba, paru torroa jʉ̃ʉduud̶e mʉ baara nibad̶ai.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.