Apocalipsis 14:2 - Emberá Chamí

² Maabae mʉʉba bajãad̶e do ʉrʉrʉa kĩra ũrisii, bã ʉrʉrʉa kĩra. Chi mʉʉba ũrisii, arpa chaamaa panuud̶e jĩwabarii kĩra b̶uasii.

Apocalipsis 14:2 Iomraidhean Croise

1 Corintios 13:1

Mʉ nau iujãad̶ebenarã bed̶ead̶e berrearuubʉrã maud̶e ángel bed̶ead̶e berrearuubʉrã maud̶e waabenarã ẽbẽrarã kʉ̃riawẽa b̶uubʉrã, mʉ jiorr waud̶a jĩwabarii kĩra maebʉrã campana jĩwabarii kĩra nii.

Apocalipsis 1:10

Dachi Mechiu ewarid̶e mʉ Dachi Akõre Jaurid̶eeba b̶uasii. Maud̶e mʉ kaad̶eeba ab̶a mimi jĩwa berrea b̶uu ũrisii. Ichi bed̶ea kachu jĩwabarii kĩra ũrisii.

Apocalipsis 1:15

Ichi jʉ̃rʉ bronce tʉbʉd̶e kub̶ud̶akare urua kub̶uu kĩra b̶uasii. Ichi bed̶ea do ãrea cheeruu kĩra jĩwa b̶uasii.

Apocalipsis 11:12

Maabae chi Dachi Akõre baita berreabadaurãba bajãad̶e mimi jĩkua ũrisid̶au. Naka jarasii: «Namaa ʉtaa urústuru». Ara makʉd̶e chi kĩramaabadaurãba ichiamaa panuud̶e, ʉtaa jʉ̃rʉara tãed̶e bajãad̶aa wãsid̶au.

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».

Apocalipsis 15:2

Mau awara mʉʉba mar biirio kĩra dod̶aa aoko nub̶uu unusii. Mau jãkaa joma chi ãnimara poyaaped̶aad̶a ʉkʉ nub̶easii. Maarãba mau ãnimara maud̶e chi ara ichi kĩra juaba ne kaped̶aad̶a kʉ̃riad̶akabasii, maud̶e chi trʉ̃ número b̶ʉbiad̶aabasii. Arpa Dachi Akõreba dead̶a uru panasii.

Apocalipsis 18:22

Aria arpa, purrsiru maud̶e kachu chaaduu waa ũrid̶aabai. Ẽbẽrarã kariiduu sid̶a waa ũrid̶aabai. Ẽbẽrarãba ne kabadaurã waa unud̶aabai. Kũrumad̶e ne b̶aaduud̶e jĩwaaruu sid̶a waa ũrid̶aabai.

Apocalipsis 5:8

Mau karta adausiid̶e chi kimare chokae nuree maud̶e chi 24 chõrarã sid̶a ichi daad̶e õdarrd̶e kopaneesid̶au. Ãchi ab̶aab̶aa arpa maud̶e sãu nee waud̶a uru panasid̶au. Chi sãu incienso keraba waabiru uru panasii. Chi kera incienso jara b̶uu ẽbẽrarã Dachi Akõred̶erãba chi ichimaa ʉtaa id̶ibadau.

Apocalipsis 6:1

Maabae mʉʉba unusii chi Oeja Kaebe Niiba chi kartamaabena wãa kub̶uu ab̶a oetasii. Maka b̶uud̶e chi kimare chokae nureed̶ebena ab̶auba naka jaraaruu ũrisii: «¡Neese!» Chi mimi bã kĩra jĩwa b̶uasii.

Apocalipsis 8:7

Ab̶auba ichi kachu chaasii. Ara makʉd̶e bajãad̶ebena nau iujãad̶e hielo kui kĩra b̶aesid̶au. Maud̶e nau iujãad̶e tʉbʉchia oa baara b̶aesid̶au. Mauba nau iujãa jomad̶ebena beraa mita baawãsii maud̶e bakururã sid̶a. Mama chi siruarã joma baawãsii.