Apocalipsis 14:15 - Emberá Chamí

¹⁵ Maud̶e Dachi Akõre de mechiu bajãad̶e kub̶uareeba ángel ab̶a awara neesii. Chi mauba jʉ̃rʉara ʉ̃rʉ akʉ b̶uasiimaa naka jĩwa b̶ia jarasii: «Iujãad̶e uud̶a joma waraa kub̶uu. Bichi neko jũria b̶uuba tarise chi tarii ewari basiid̶eeba».

Apocalipsis 14:15 Iomraidhean Croise

Mateo 13:30

Bibuara b̶uu ida ãbua waribid̶ai ab̶a chauruud̶aa. Mau chauruu ewarid̶e mʉʉba jarai chi junaaduurãmaa: naa chi sirua kachirua araa ped̶aped̶a jamase baad̶ai baita. Maamina chi trigo mʉ ne pebarii ded̶e pe nub̶ústuru”».

Mateo 13:39

Chi kĩramaamaarã, mau sirua kachirua uud̶a jʉbawãe niibʉ. Chi ne uu nub̶uu chaud̶ai ewari jara b̶uu chi baribai ewari. Chi ne uu nub̶uu junabadaurã Dachi Akõre angelerãbʉ.

Mateo 23:32

¡Maud̶eeba machi nabẽraed̶ebenarãba kachirua wauped̶aad̶awãe, mau joma wáusturu!

Marcos 4:29

Maabae chi netaa poa kob̶eeruud̶e ẽbẽraba nekoba totabarii, chi ewari basiid̶eeba.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.

Apocalipsis 13:12

Chi ãnimara iorod̶ebena awara need̶a joma chi nau iujãad̶ebenarã chibari b̶eesii, chi nabena ãnimara kĩra. Ichi poyaad̶eeba ẽbẽrarãmaa chi nabena ãnimaramaa biꞌia berreabiabachii. Mau tõod̶aba biui b̶uasmina, wabid̶a chokae b̶uasii.

Apocalipsis 14:14

Mau maad̶akare mʉ bajãad̶aa ichiasiid̶e jʉ̃rʉara torr unusii. Mʉʉba chi Ẽbẽra Ba B̶uad̶a kĩra mau jʉ̃rʉara ʉ̃rʉ akʉ b̶uu unusii. Boro jũra nee waud̶a jʉ̃ b̶uasii. Ichi juad̶e neko peed̶ea jũria b̶uu uru b̶uasii.

Apocalipsis 14:16

Ara makʉd̶e chi jʉ̃rʉara ʉ̃rʉ akʉ b̶uad̶aba neko jũria b̶uuba ara jua ab̶a tuuruba joma nau iujãad̶e tarisii.

Apocalipsis 14:17

Maabae Dachi Akõre de mechiu bajãad̶e kub̶uud̶ebena ángel ab̶a maucha awara neesii. Mau bid̶a neko peed̶ea jũria b̶uu ab̶a uru b̶uasii.

Apocalipsis 14:18

Maabae chi Dachi Akõre baita bajãad̶e kera baa deabadaumarebena june ab̶a ángel awara neesii. Maud̶eeba chi tʉbʉchia aoko uru b̶uabarii chi kera baai baita. Naka jĩwa jarasii chi neko peed̶ea jũria uru b̶uumaa: «Chi iujãad̶ebena uva waraa kub̶uud̶eeba, bichi neko jũria b̶uuba joma tuukuase».

Apocalipsis 15:6

Mau ded̶ebena 7 ángel awara neesid̶au. Maarãba 7 ne kachirua uru panasid̶au mauba biꞌiwãe paneebiad̶ai baita. Maarãba paru torroa ted̶echoa lino waud̶a b̶uu jʉ̃ panasid̶au, maud̶e nee waud̶a ab̶a odeab̶ari jʉ̃ panasid̶au.

Apocalipsis 16:17

Mau maad̶akare june ab̶a kaad̶earebena angelba ichi sãud̶e uru b̶uad̶a ʉtʉ ed̶aa eabʉisii. Ara maud̶e Dachi Akõre de bajãad̶e kub̶uumare chi rey ãkau kub̶uareeba jĩwa naka jarasii: «Jãabae ara basma».

Apocalipsis 6:10

Kĩrud̶eeba naka berreasid̶au: «Jomaurã Mechiu, bichi ãrea bia nii maud̶e biawãra berreabarii. ¿Bichiba sakaed̶e chi jãu iujãad̶ebenarã dai beaped̶aad̶a kakua kastikakuaima?»