Apocalipsis 14:10 - Emberá Chamí

¹⁰ Dachi Akõreba ichi kĩruuruuba mau ẽbẽra kachirua ãrea b̶ui uva b̶aa asia dobiiruu kĩra. Mau ẽbẽra chi ángel biꞌia nuree daad̶e, maud̶e Oeja Kaebe Nii daad̶e azufre aoko nub̶uuba ãrea biꞌiwãe b̶uai.

Apocalipsis 14:10 Iomraidhean Croise

Mateo 20:22

Maud̶e Jesusba jarasii: —Machiba adua panuu kãare id̶i panuu. Mʉ ãrea biꞌiwãe b̶uai. ¿Machi sid̶a biawãra ara mau kĩra ãrea biꞌiwãe panad̶ai kʉ̃ria panuka? Ãchiba panausid̶au: —Maerã, poyaa biꞌiwãe panad̶ai panuu.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 26:39

Jesús waa waparaa wãped̶a õdarrd̶e kob̶eeped̶a daub̶ʉʉrʉ jeed̶a tʉped̶a, Dachi Akõremaa ʉtaa id̶isii: «Chacha, bichiba kʉ̃ria b̶uubʉrã, nau biꞌiwãe b̶uai b̶uud̶ebena mʉ karibase. Maamina mʉʉba kʉ̃ria b̶uu waurã́se, maumaarã bichiba kʉ̃ria b̶uu kĩra wause».

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Hechos 10:22

Ãchiba panausid̶au: —Dai kokoroarã chi jaradea ua b̶uabarii Cornelioba bʉisii. Ichi ẽbẽra jipa nii maud̶e Dachi Akõre wapeadee nii. Joma judiorãba ichi ʉ̃rʉbena biꞌia kʉ̃risia panuu. Dachi Akõre angelba bichi ichi deemaa neei iusii bichi bed̶ea ũrimera.

2 Tesalonicenses 1:7

Maamina machi, chi biꞌiwãe panabiaped̶aad̶a kʉrrjĩrubiai dai kʉrrjĩrubiabarii kĩra. Mau makai Dachi Mechiu Jesús ichi angelerã chi poyaabadau ome tʉbʉchia aokod̶e bajãad̶ebena neeruud̶e. Maud̶e joma Dachi Akõred̶e ijãad̶akaurã maud̶e chi bed̶ea bia Dachi Mechiu Jesús ʉ̃rʉbena ijãad̶akaurã kastikai.

Judas 1:7

Ara mau kĩra Dachi Akõreba Sodomad̶ebena, Gomorrad̶ebena maud̶e chi puururã ara kaitad̶ebena kastikasii. Maarãba mianejasia waubachid̶au. Dachi kakuaba barikiu kachirua waud̶aabai panuu, ãchiba waubachid̶au. Maud̶eeba Dachi Akõreba maarã ewaricha tʉbʉchia kiikaud̶e biꞌiwãe panabiai. Mauba dachimaa kuitaabia b̶uu Dachi Akõreba chi kachirua joma maka kastikabarii.

Apocalipsis 15:7

Maud̶e chi kimare chokae nureed̶ebena ab̶aba ángel 7 panuurãmaa ab̶aab̶aa sãu nee waud̶a dead̶akasii. Mau sãu Dachi Akõre kĩru b̶uuba waabiru b̶uasii.

Apocalipsis 16:19

Mau ioromiaba puuru mechiu ab̶a nau iujãad̶ebena kõaped̶a, maabae aꞌawaraa puuru õbea kĩra b̶usii. Maud̶e nau iujãad̶ebena puururã sid̶a joma ãrikuasii. Ara maud̶e Dachi Akõreba Babilonia puuru mechiu kastikai kʉde uru b̶uai ida b̶uubasii. Uva b̶aa asia dobiiruu kĩra ichi kĩru kub̶uud̶eeba mau puuru ãrea kastikasii.

Apocalipsis 18:3

Mau puurud̶ebenarãba mia kĩra nejasia wau panuud̶eeba, drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra. Maud̶e reyrã joma druachad̶ebenarãba ara mau kĩra waubiasid̶au wẽra aud̶uabarii ome kachirua wau panuu kĩra. Chi nau iujãad̶ebena ne kaebea nedobadau barau duaneesii, mau puurud̶ebenarãba ne kaebea chi aude chi bia ãrea adaud̶ai kʉ̃ria panasiid̶eeba».

Apocalipsis 18:6

Jãu puuru kachirua wáusturu waabenarãmaa makasid̶au kĩra. Chi mauba jãka waabenarãmaa miadaa wausii baerã, b̶es ome kachirua wáusturu. Chi mauba waabenarãmaa miadaa wausii uva b̶aa asia doobai b̶uud̶e dobiaruu kĩra. Maud̶eeba maumaa b̶es ome miadaa wáusturu, uva b̶aa asia doobai b̶uud̶e b̶es ome dobiaruu kĩra.

Apocalipsis 19:15

Dachi Akõre Bed̶ea abadau okarrd̶eeba chĩobarii neko peed̶ea b̶uu nee b̶uasii druachabenarã poyaai baita. Ichi kĩra chuburiayuwãe joma nau iujãad̶ebenamaa ichid̶e ijãabia b̶uai. Uva biraduaruu kĩra, ãchi maka kastikai, Dachi Akõre Joma Poyaabarii kĩru kub̶uud̶eeba.

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.

Apocalipsis 20:10

Mau maad̶akare Dachi Akõreba jʉbawãe nii ẽbẽrarã setaa kũrua uru b̶uad̶a chob̶ea mar kĩra azufre bara aoko nub̶uud̶e jiratai. Naed̶e Dachi Akõreba ãnimara kachirua b̶uu, Dachi Akõre baita berreabarii chi biawãrawãe sid̶a mau tʉbʉ aokod̶e jiratasii. Chi maarã maud̶e jʉbawãe nii sid̶a ewaricha ãyadaa maud̶e ẽsabud̶e ãrea biꞌiwãe panad̶ai.

Apocalipsis 20:14

Dachi Akõreba chi biud̶ai joma wãꞌãebisii ea chob̶ead̶e azufre bara aoko nub̶uud̶e jirataaruu kĩra. Biuped̶aad̶a panabadaumarebena sid̶a aria jiratasii. Mau ea chob̶ead̶e azufre bara aoko nub̶uu b̶es ome biui jara b̶uu.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».