Apocalipsis 14:1 - Emberá Chamí

¹ Mau maad̶akare mʉʉba chi Oeja Kaebe Nii Sión ead̶e ʉkʉ nub̶uu unusii. Chi mau baara 144.000 ẽbẽrarã panasii. Ãchi daub̶ʉʉrʉd̶e chi Oeja Kaebe Nii trʉ̃ maud̶e ãchi Akõre trʉ̃ b̶ʉ uru panasii.

Apocalipsis 14:1 Iomraidhean Croise

Lucas 12:8

»Mʉʉba nau jaraaruu: Ab̶auba ẽbẽrarã daad̶e mʉʉd̶e ijãa b̶uad̶e aaruud̶e, Dachi Akõre angelerã bajãad̶ebena daad̶e mʉ, chi Ẽbẽra Ba B̶uad̶aba mau mʉʉd̶e ai.

Romanos 9:33

Dachi Akõre bed̶ead̶e mau ʉ̃rʉbena naka b̶ʉ kub̶uu: «Ũrísturu. Mʉʉba Sión puurud̶e de waui baitabena mo b̶uuruu. Mau moomaa drʉd̶aped̶a b̶aed̶ai. Maamina chi ichid̶e ijãa b̶uuba bari ijãa b̶uabai».

Apocalipsis 14:14

Mau maad̶akare mʉ bajãad̶aa ichiasiid̶e jʉ̃rʉara torr unusii. Mʉʉba chi Ẽbẽra Ba B̶uad̶a kĩra mau jʉ̃rʉara ʉ̃rʉ akʉ b̶uu unusii. Boro jũra nee waud̶a jʉ̃ b̶uasii. Ichi juad̶e neko peed̶ea jũria b̶uu uru b̶uasii.

Apocalipsis 14:3

Maud̶e chi Dachi Akõre chi rey ãkau daad̶e kari wid̶i karimaa panasid̶au, chi kimare chokae nuree daad̶e, maud̶e 24 chõrarã mechiurã daad̶e. Ab̶au bid̶a poyaa kuitaabasii mau kari karii baita. Bari chi 144.000 Dachi Akõreba nau iujãad̶ebena karibakuad̶áburu karid̶ai kuitaa panasii.

Apocalipsis 15:5

Mau maad̶akare mʉʉba ʉtaa bajãad̶aa ichiasiid̶e unusii Dachi Akõre de mechiud̶e ed̶a kẽsa paru jiranuu ewa jiranasii.

Apocalipsis 22:4

Ichi kĩedarr unud̶ai maud̶e ichi trʉ̃ ãchi daub̶ʉʉrʉd̶e b̶ʉ uru nuread̶ai.

Apocalipsis 3:12

Chi kachirua poyaaped̶aad̶a mʉ Dachi Akõre de wãto kĩra b̶ui. Maka mau ded̶ebena wãd̶aabai. Ãchi daub̶ʉʉrʉd̶e mʉ Chacha trʉ̃ b̶ʉi ichid̶irã kuitaabiayua. Maud̶e ãchi daub̶ʉʉrʉd̶e mʉ Chacha puuru trʉ̃ b̶ʉi mau puurud̶ebenarã kuitaabiayua. Mau Jerusalén Wid̶i abadau puuru bajãad̶ebena mʉ Chacha b̶uud̶ebena neei. Maud̶e ãchi daub̶ʉʉrʉd̶e mʉ trʉ̃ wid̶i b̶ʉi mʉʉd̶erã kuitaabiai baita.

Apocalipsis 4:1

Mau maad̶akare Dachi Akõreba mʉʉmaa unubisii poraa ab̶a bajãad̶e ewa nub̶uu. Ara maud̶e chi naed̶e mimi kachu chaaruu kĩra ũri b̶uad̶aba jarasii: «Nama ʉtʉ uruse. Mʉʉba unubii chi jãad̶akare makai b̶uu ewari».

Apocalipsis 6:8

Araa ichiasiid̶e mʉʉba mura kukuaraa nii unusii. Chi mau mura ʉ̃rʉ akʉ b̶uu trʉ̃ «Biud̶a» abadau. Chi ichi ome nibabarii chi trʉ̃ «Biud̶arã Panabadau» abadau. Joma nau iujãad̶e ẽbẽra kimared̶ebena ab̶a Dachi Akõreba maarãmaa ida beabiasii. Maarã ẽbẽrarã beasid̶au chĩoduuba, jarrbaba, dachi kakua kachirua paneebibadauba maud̶e ãnimara kachirua nureeba.