Apocalipsis 13:11 - Emberá Chamí

¹¹ Mau maad̶akare mʉʉba ãnimara june iorod̶ebena awara neeruu unusii. Mau ãnimara oeja kaebeu kĩra kachu ome inibasmina, dragón kĩra berreabachii.

Apocalipsis 13:11 Iomraidhean Croise

Mateo 7:15

»Kauwa panásturu. Waabenarãba setad̶eeba Dachi Akõre baita berreabadau abadau. Ãchiba biawãra kĩra jaradeabadau maamina maka panuu ẽbẽrarãba Dachi Akõre bed̶ea ida b̶ud̶amera.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

2 Tesalonicenses 2:4

Ichiba Dachi Akõre maud̶e joma ẽbẽrarãba dachi akõre abadau kʉ̃riakau b̶uai. Ichiba joma mau audeara chi mechiu nii ai. Maud̶eeba Dachi Akõre de mechiud̶e akʉ b̶eeped̶a, ichíturu Dachi Akõre ai.

Apocalipsis 11:7

Maamina joma Dachi Akõre ʉ̃rʉbena berreaped̶aad̶akare mau ãnimara eakarr ed̶aa chob̶ead̶ebena neeruuba ãchimaa orrai. Maarã poyaaped̶a kenai.

Apocalipsis 12:17

Maud̶eeba chi dragón chi mau wẽra ome ãrea kĩru kob̶eesii. Ara makʉd̶e chi waabenarã chi mau wẽrad̶ebena imiped̶aad̶a ome chĩod̶e wãsii. Maarã imiped̶aad̶a chi Dachi Akõreba waubi b̶uu bed̶ea waubadaurãbʉ maud̶e chi Jesusba jaradead̶ad̶e ijãabadaurãbʉ.

Apocalipsis 13:1

Mau maad̶akare chi dragón mar iikaa ibud̶e ʉkʉ nub̶eesii. Ara maud̶e mʉʉba ãnimara kachirua mard̶ebena awara neeruu unusii. Mau ãnimara 7 boro inibasii maud̶e 10 kachu. Kachurãcha boro jũra ab̶a inibasii. Borocha trʉ̃ kachirua Dachi Akõre ʉ̃rʉbena b̶ʉ kub̶uasii.

Apocalipsis 13:17

Mau seña uru nuréburu nedod̶ai panasid̶au maud̶e poyaa nedobʉid̶ai panuu. Mau seña chi ãnimara mard̶ebena awara need̶a trʉ̃ basii maebʉrã ichi trʉ̃ número basii.

Apocalipsis 13:4

Maud̶e ãchiba chi dragonmaa biꞌia berreabachid̶au, mau ãnimaramaa chi poyaabarii dea b̶uasiid̶eeba. Naka jarabachid̶au: «¿Kai nau ãnimara kĩra nima? ¿Kai nau ome poyaa chĩoi b̶uma?»

Apocalipsis 16:13

Maud̶e õbea chi jai kachirua nureerã unusii. Ab̶a dragón okarrd̶ebena neesii. Ab̶a ãnimara okarrd̶ebena neesii. Maud̶e ab̶a Dachi Akõre baita berreabarii chi biawãrawãe okarrd̶ebena sid̶a neesii.

Apocalipsis 17:6

Mʉʉba ichiasiid̶e kuitaasii mau wẽra ẽbẽrarã Dachi Akõred̶erã oaba itua biu b̶uasii, chi Jesusd̶e ijãabadaurã maud̶e chi ichi ʉ̃rʉbena jarabadaurã beaped̶aad̶a oaba. Mau wẽra unud̶akare kãare kʉ̃risiai adua basii.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.