Apocalipsis 13:10 - Emberá Chamí

¹⁰ «Chi jʉ̃ad̶ai panuu, mau jʉ̃ad̶ai. Chi espadaba biud̶ai panuu, mau espadaba biud̶ai». Maud̶eeba ẽbẽrarã Dachi Akõred̶erã ãrea ijãad̶aped̶a ãrea dauchia jãadua panad̶ai panuu.

Apocalipsis 13:10 Iomraidhean Croise

Mateo 26:52

Maabae chi kʉʉrʉ oatutad̶amaa Jesusba jarasii: —Bichi espada ed̶a joa adause. Chĩobadau espadaba biubadau.

Mateo 7:2

Machiba waabenarãba kachirua wauped̶aad̶a ichiabadau kĩra, ara mau kĩra Dachi Akõreba machi ichiai. Chi ab̶au biꞌiawãe b̶uu a jarabadau kĩra, ara mau kĩra Dachi Akõreba machi biꞌiawãe panuu ai.

Lucas 21:19

Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai.

Colosenses 1:11

Daiba Dachi Akõremaa ʉtaa id̶i panuu ichi poyaabarii ãrea b̶uud̶eeba machi chaarea panad̶amera. Maka machi ãrea biꞌiwãe paneeduud̶e maud̶e waabenarãba machi kachirua wauduud̶e, biꞌia dauchia jãadua panad̶ai.

Hebreos 6:12

Daiba kʉ̃riad̶awẽe machi koꞌoa nuread̶ai, maumaarã kʉ̃ria panuu machi waabenarã ãbarã kĩra nuread̶ai. Ãchiba Cristod̶e ijãa panuud̶eeba maud̶e joma jãadua panuud̶eeba, Dachi Akõreba deai jarad̶a joma adaud̶ai.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 11:18

Druachad̶ebena bichi ome kĩru kopaneesid̶au. Maamina chi bichi kastikai ewari neesii. Jãabae bichiba chi biuped̶aad̶a jideai. Maud̶e chi bichi baita berreabadaurã trajabadaurãmaa, bichi ẽbẽrarãmaa, joma chi bichi wapeabadaurãmaa, chi aude kaebeurãmaa maud̶e chi aude mechiurãmaa ne bia dead̶akai chi bia ãchiba wauped̶aad̶a kĩra. Maamina chi nau iujãad̶e kachirua wauped̶aad̶a bichiba kastikakuai».

Apocalipsis 14:12

Maud̶eeba ẽbẽrarã Dachi Akõred̶erã ãrea dauchia jãadua panad̶ai panuu. Jesusd̶e ãrea ijãad̶aped̶a, ichiba waubi b̶uu bed̶ea ũribaba panad̶ai panuu.

Apocalipsis 16:6

Maarãba bichi ẽbẽrarã maud̶e chi bichi baita berreabadaurã oa chebiasid̶au. Maud̶eeba id̶i bichiba maarãmaa oa dobiamaa b̶uu maka chi kachirua wauped̶aad̶a kĩra».

Apocalipsis 17:11

Chi ãnimara chi naed̶e nibad̶a maud̶e id̶ibae wãꞌãe, mau chi jua ab̶a õbea reybʉ. Mau chi 7 reyrãd̶ebenabʉ. Cristoba mau ewaricha kastikai.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.

Apocalipsis 2:19

»Machiba wau panuu mʉʉba kuitaa b̶uu. Machi kʉ̃riabadau, mʉʉd̶e ijãabadau, mʉ baita waubadau, maud̶e dauchia jãadua panabadau kuitaa b̶uu. Maud̶e kuitaa b̶uu machiba naed̶e wau panad̶a audeara bibuara wau panuu.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.

Apocalipsis 3:3

Chi biawãra bed̶ea machiba ũriped̶aad̶a kĩrabásturu. Mau ãrea ijã́sturu. Kachirua ida b̶ud̶aped̶a Dachi Akõremaa waya nésturu. Machi kauwa nibabadauwãebʉrã mʉ kãꞌãabariwãed̶e neei machi kastikai baita nechiru kãꞌãabariwãed̶e neebarii kĩra.