Apocalipsis 12:9 - Emberá Chamí

⁹ Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 12:9 Iomraidhean Croise

Mateo 13:39

Chi kĩramaamaarã, mau sirua kachirua uud̶a jʉbawãe niibʉ. Chi ne uu nub̶uu chaud̶ai ewari jara b̶uu chi baribai ewari. Chi ne uu nub̶uu junabadaurã Dachi Akõre angelerãbʉ.

Mateo 24:24

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 4:1

Maad̶akare Dachi Akõre Jauriba Jesús drua sirua wãꞌãe b̶uud̶aa adoesii. Jʉbawãe niiba b̶aebii chaa b̶uasii ichi kachiruad̶e b̶aemera.

Mateo 4:10

Maud̶e Jesusba jʉbawãe niimaa jarasii: —Satanás, namabena wãse, Dachi Akõre bed̶ead̶e naka b̶ʉ kub̶uud̶eeba: “Bichiba Dachi Mechiu, Dachi Akõréturu ãrea kʉ̃riáse. Ab̶a ichíturu ijãa b̶uase”.

Mateo 4:5

Maad̶akare chi jʉbawãe niiba Jesús Jerusalend̶aa adoesii, Dachi Akõre puurud̶aa. Aria Dachi Akõre de mechiu ʉtʉd̶aa adoesii.

Mateo 4:8

Maad̶akare chi jʉbawãe niiba Jesús ea ʉtʉd̶aa adoesii. Aria nau druad̶e b̶ee puururã joma unubisii maud̶e puurucha ne bia b̶ee unubisii.

Lucas 10:18

Maud̶eeba Jesusba ãchimaa jarasii: —Maerã, mʉʉba unu b̶uasii Satanás bajãad̶ebena bã b̶aebarii kĩra b̶aeruu.

Lucas 13:16

Maka b̶uubʉrã ¿bibuara b̶uuwãeka nau wẽra, Satanasba 18 año kachiruad̶e uru b̶uad̶ad̶ebena bari panabadau ewarid̶e aribiabii? ¿Mau sid̶a Abrahamd̶ebena need̶awãeka?

Lucas 22:3

Maka b̶uud̶e Satanás Judas Iscariote abadau kʉ̃risiad̶e ed̶a wãsii. Mau Jesús baara nibabadaurã 12 basii.

Lucas 22:31

Mau awara Dachi Mechiuba jarasii: «Simón, Simón, Satanasba Dachi Akõremaa id̶isii machi biꞌiwãe b̶uabiai baita mʉʉd̶e ijãa panuu ida b̶ud̶amera.

Lucas 8:12

Netaa od̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ũrid̶aped̶a jʉbawãe niiba mau bed̶ea ãchi sõd̶e need̶a kʉde b̶eebikau ijãarãad̶amera. Maka ãchi kachiruad̶ebena wãd̶akau.

Juan 12:31

Jãabae Dachi Akõreba kuitaabiaruu nau iujãad̶ebenarãba kachirua wau panabadau. Jãabae Dachi Akõreba poyaa duabʉiruu chi nau iujãad̶ebenarã rey, chi jʉbawãe nii.

Juan 14:30

»Mʉ machi baara ãrea berreawẽe, nau iujãad̶ebena rey neeruud̶eeba. Mauba mʉ ome poyaakau.

Juan 16:11

Maud̶e Dachi Akõre Jauriba kuitaabiai nau iujãad̶ebenarã nebʉrad̶e panuu, Dachi Akõreba nau iujãad̶ebena rey nebʉra bara b̶uu asiid̶eeba.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

Hechos 5:3

Pedroba jarasii: —Ananías, ¿Sakãe Satanasba waubi b̶uu kĩra wausma? Bichiba Dachi Akõre Jaurimaa setaa jaraaruu. Bichi drua nedobʉid̶ad̶ebena chi nejarr b̶aꞌãra uru b̶eeruu.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

Romanos 16:20

Chi dachi jirukaraayuwãe b̶uabiabarii Dachi Akõreba kãꞌãabariwãed̶e Satanás poyaaped̶a machi juad̶e b̶ui. Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

2 Corintios 11:14

Jãarã ʉ̃rʉbena machiba kauwa kʉ̃risiad̶ai adua panuuwãema. Satanás sid̶a ángel ʉ̃d̶aad̶ebena kĩra neebarii.

2 Corintios 11:3

Maamina mʉʉba wapea b̶uu waabenarãba machi setaa kũruad̶ai damaba kʉ̃risia kuitaad̶eeba Eva setaa kũruad̶a kĩra. Makarã machiba Cristod̶e biawãra sõd̶eeba ijãa panuu ida b̶ud̶ai.

2 Corintios 12:7

Dachi Akõreba mʉʉmaa bajãad̶e unubid̶a ãrea bibuara b̶uasii. Maamina mʉʉba ara mʉ ʉ̃rʉbena ãrea biꞌia kʉ̃risiarãamera, Dachi Akõreba mʉʉmaa puꞌuabisii ʉriba su nub̶uu kĩra. Satanasba bʉid̶aba maka waubarii.

2 Corintios 2:11

Mʉʉba mau perdonasii Satanasba dachi setaa kũruarãamera. Ichiba saka waubarii dachiba ãrea kuitaa panuu.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

2 Tesalonicenses 2:3

Ab̶au bid̶a ab̶aumaa ida setaa kũruarã́sturu. Dachi Mechiuba kastikai ewari neei naed̶e ãrea ẽbẽrarãba Dachi Akõre ida b̶ud̶ai. Maud̶e chi ẽbẽra kachirua nii unubiai. Mau ẽbẽra Dachi Akõreba tʉbʉ aokod̶e jiratai.

1 Timoteo 2:14

Mau awara jʉbawãe niiba Adán setaa kũruabasii, maumaarã wẽráturu setaa kũruasii. Maka setaa kũruasiid̶e wẽraba kachirua wausii.

2 Timoteo 3:13

Maud̶e ẽbẽra kachiruarãba maud̶e waabenarã setaa kũruabadaurãba aude kachirua wau panad̶ai. Waabenarã setaa kũrua panad̶ai maud̶e waabenarãba ãchi setaa kũruad̶ai.

Hebreos 2:14

Maarã kiuru maud̶e oa nureed̶eeba Jesús sid̶a arab̶aud̶e maarã ẽbẽra kĩra neesii ichi biuruuba jʉbawãe nii poyaai baita. Jʉbawãe niiba poyaa biubiabarii.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.

Judas 1:9

Maamina chi ángel aude mechiu nii Miguel abadauba maka wauka basii. Moisés biusiid̶e Miguel chi mau kakua ʉ̃rʉbena jʉbawãe nii ome chi kai juad̶e b̶eei ʉ̃rʉbena kĩru berreasid̶au. Maamina jʉbawãe niimaa kachirua jarai kʉ̃risiabasii, maumaarã jarasii: «Dachi Mechiuba bichi kastikai».

Apocalipsis 12:12

¡Maud̶eeba joma chi bajãad̶e panuurã kĩrajʉ́sturu! Maamina chi nau iujãad̶e maud̶e mard̶e panuurã sid̶a miichuburi panad̶ai, jʉbawãe nii machimaa neesiid̶eeba. Mau miusia ãrea b̶uu, ãrea b̶uabai b̶uu kuitaa b̶uud̶eeba».

Apocalipsis 12:3

Maabae maucha ne makai b̶uu ʉ̃rʉbena bajãad̶e unusii. Mʉʉba dragón mimichia puria nii unusii. Mau dragón boro 7 inibasii maud̶e kachu sid̶a 10 inibasii. Boro jũra borocha jʉ̃ b̶uasii.

Apocalipsis 12:7

Mau maad̶akare chi ángel mechiu Miguel abadau maud̶e chi angelerã joma ichi baara duanuu, chi dragón chi ichi baara duanuu ome bajãad̶e chĩosid̶au.

Apocalipsis 12:8

Maamina chi dragonba maud̶e chi ichi baara duanuuba poyaad̶aabasii. Maud̶eeba chi maarã makaa poyaa bajãad̶e panad̶aabasii.

Apocalipsis 13:14

Dachi Akõreba mau ãnimara iorod̶ebena awara need̶amaa chi mau ẽbẽrarãba ne poyaa waud̶akau wauyu ida kabisii chi ãnimara mard̶ebena awara need̶a trʉ̃d̶e. Maka chi iorod̶ebena awara need̶aba nau iujãad̶ebenarã setaa kũruasii. Maka chi ãnimara kuenda juaba ne kaped̶aad̶a waubiasii, chi mau espadaba tõoped̶a maud̶e wabid̶a chokae nii kĩra. Maka wauped̶aad̶akare jomaurãba mau ãrea kʉ̃riad̶ai panuu asii.

Apocalipsis 16:14

Maarã chi jai kachirua nuree jaurirãba ẽbẽrarãba ne poyaa waud̶akau ãrea wausid̶au. Maud̶e joma druachad̶ebena reyrãmaa jarakuad̶e wãsid̶au Dachi Mechiu ome chĩod̶e wãd̶amera chi Dachi Akõre Joma Poyaabarii kastikai ewarid̶e.

Apocalipsis 18:2

Naka jĩwa jarasii: «¡Babilonia puuru mechiu ãrisii! ¡Biawãra joma ãrikuasii! Ẽbẽrarã duanad̶amare, bari jãma chi jai kachirua nuréturu duanuu. Jãma joma jairã kachirúaturu duanuu. Joma chi Dachi Akõremaarã ibanarã miadáturu jãma duanuu.

Apocalipsis 18:23

Ʉ̃d̶aa koabarii waa unud̶aabai. Miakãiduud̶e kĩrajʉʉbadau waa ũrid̶aabai. Arabena ne kaebea nedobʉibadaurã nau iujãad̶e chi mechiu nureasii. Ariabena jaibanarãba druachabenarã joma setaa kũruabachid̶au.

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.

Apocalipsis 2:24

Maamina chi nuree machid̶ebena Tiatirad̶ebenarãba jãu wẽraba jaradea b̶uu ũrid̶awẽa panuu. Mau awara machiba chi “Satanasba mera ua b̶uu” abadau jʉrʉd̶awẽa panuu kuitaad̶ai baita. Mʉʉba june maucha waubiawẽe,

Apocalipsis 2:9

»Mʉʉba machiba wau panuu kuitaa b̶uu. Ãrea biꞌiwãe panuu maud̶e chi nejarr barauwãe nuree kuitaa b̶uu. Maamina Dachi Akõred̶eeba machi ne bara nuree. Maka panumina machi Dachi Akõred̶eeba chi nejarr barau nuree kĩra nuree. Mʉʉba kuitaa b̶uu chi nuree judiorãba machi ʉ̃rʉbena miadaa berreabadau. Maarãba Dachi Akõred̶erã abadamina Satanasd̶ebʉ.

Apocalipsis 20:10

Mau maad̶akare Dachi Akõreba jʉbawãe nii ẽbẽrarã setaa kũrua uru b̶uad̶a chob̶ea mar kĩra azufre bara aoko nub̶uud̶e jiratai. Naed̶e Dachi Akõreba ãnimara kachirua b̶uu, Dachi Akõre baita berreabarii chi biawãrawãe sid̶a mau tʉbʉ aokod̶e jiratasii. Chi maarã maud̶e jʉbawãe nii sid̶a ewaricha ãyadaa maud̶e ẽsabud̶e ãrea biꞌiwãe panad̶ai.

Apocalipsis 20:8

Mau maad̶akare chi mauba joma druacha setaa kũruakuad̶e wãi. Gog druad̶ebenarã maud̶e Magog druad̶ebenarã setaa kũruakuad̶e wãi. Mau druad̶ebenarã kokoroarã mar ibu kĩra ãrea panuu uad̶oi ẽbẽrarã Dachi Akõred̶erã ome chĩod̶amera.

Apocalipsis 3:9

¡Ũrísturu! Machi jʉ̃rʉ kaita mʉʉba Satanasd̶e ẽbẽrarã õdarrd̶e kopaneebiai. Maarãba Dachi Akõred̶erã abadamina, makawãema. Maarã chi seta nuree. Mʉʉba maarãmaa kuitaabiai mʉʉba machi kʉ̃ria ua b̶uu.

Apocalipsis 9:1

Mau maad̶akare june ab̶a angelba ichi kachu chaasii. Ara maud̶e mʉʉba pusterrea ab̶a nau iujãad̶e b̶aeruu unusii. Ab̶auba mau pusterreamaa llave ab̶a poraa eakarr ed̶aa chob̶ea ewabarii deasii.

Apocalipsis 9:20

Maka b̶uukaud̶e chi ẽbẽrarã mauba biud̶aabad̶aba wabid̶a chi kachirua waud̶ayu maud̶e jai kachiruarã ijãad̶ai ida b̶ud̶aabasii. Dachi Akõre kuenda juaba ne kaped̶aad̶arã ida b̶ud̶aabasii: chi nee waud̶a, parata waud̶a, bronce waud̶a, mo waud̶a maud̶e bakuru erad̶a ida b̶ud̶aabasii. Maarã unud̶akau, ũrid̶akau maud̶e nibad̶akau.