Apocalipsis 12:8 - Emberá Chamí

⁸ Maamina chi dragonba maud̶e chi ichi baara duanuuba poyaad̶aabasii. Maud̶eeba chi maarã makaa poyaa bajãad̶e panad̶aabasii.

Apocalipsis 12:8 Iomraidhean Croise

Mateo 16:18

Mʉʉba jaraaruu: bichi Pedrobʉ. Mʉʉba nau mo ʉ̃rʉ mʉ puuru wauruu. Biumia ab̶au bid̶a mʉ puuru ome poyaabai.

Judas 1:6

Maud̶e kĩrabásturu chi nuree angelerã Dachi Akõreba duanud̶a kĩra paneed̶aabasii. Maumaarã chi panad̶amaa ida b̶usid̶au. Maud̶eeba Dachi Akõreba chob̶ea pãriud̶e jʉ̃akuasii ewaricha paneed̶amera chi ichiba kastikai ewarid̶aa.

Apocalipsis 12:11

Dachi ãbarãba Oeja Kaebe Nii oa ched̶aba maud̶e ichi bed̶ea jara panuud̶eeba poyaasid̶au. Dachi biud̶ai panuu ʉ̃rʉbena wapead̶aabasii, bari Cristo kakua biud̶ayua panasii.

Apocalipsis 12:7

Mau maad̶akare chi ángel mechiu Miguel abadau maud̶e chi angelerã joma ichi baara duanuu, chi dragón chi ichi baara duanuu ome bajãad̶e chĩosid̶au.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.