Apocalipsis 12:4 - Emberá Chamí

⁴ Chi druu neapesiid̶e pusterrearã bajãad̶ebenarã beraa mita b̶aesid̶au nau iujãad̶e. Mau dragón wẽra warr adaui baita b̶uumare b̶ari nub̶eesii chi warr adauruud̶e mii baita.

Apocalipsis 12:4 Iomraidhean Croise

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

Apocalipsis 12:7

Mau maad̶akare chi ángel mechiu Miguel abadau maud̶e chi angelerã joma ichi baara duanuu, chi dragón chi ichi baara duanuu ome bajãad̶e chĩosid̶au.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 13:2

Chi mau ãnimara mʉʉba unud̶a imama kĩra pã nibasii. Ichi jʉ̃rʉ ui jʉ̃rʉ kĩra nibasii. Chi okarr león okarr kĩra nibasii. Dragonba mau ãnimaramaa chi poyaabarii deasii. Maud̶e ichi rey ãkaud̶e akʉ b̶eebisii chi nau iujãad̶e panuurã joma ichi juad̶e duanamera.

Apocalipsis 13:4

Maud̶e ãchiba chi dragonmaa biꞌia berreabachid̶au, mau ãnimaramaa chi poyaabarii dea b̶uasiid̶eeba. Naka jarabachid̶au: «¿Kai nau ãnimara kĩra nima? ¿Kai nau ome poyaa chĩoi b̶uma?»

Apocalipsis 16:13

Maud̶e õbea chi jai kachirua nureerã unusii. Ab̶a dragón okarrd̶ebena neesii. Ab̶a ãnimara okarrd̶ebena neesii. Maud̶e ab̶a Dachi Akõre baita berreabarii chi biawãrawãe okarrd̶ebena sid̶a neesii.

Apocalipsis 17:18

Chi bichiba unud̶a wẽra aud̶uabarii puuru mechiu jara b̶uu. Mau puurud̶ebena reyba drua jomad̶ebena reyrã ichi juad̶e ua b̶uu».

Apocalipsis 20:2

Chi dragón jidadauped̶a 1.000 años jʉ̃ kub̶usii. Mau dragón nabẽraed̶ebena damabʉ. Jʉbawãe nii maud̶e Satanás abadau.

Apocalipsis 8:10

Mau maad̶akare june ab̶a angelba ichi kachu chaasii. Ara makʉd̶e bajãad̶ebena pusterrea mechiu ab̶a tʉbʉchiaba bʉra b̶uu b̶aesii. Beraa mita doorã ẽsad̶e b̶aesii maud̶e bania bumadru b̶uud̶e.

Apocalipsis 8:11

Mau pusterrea “Asia Nii” abadau. Chi mau b̶aed̶amare bania beraa mita asia nub̶eesii. Mau baniaba ẽbẽrarã ãrea kinisid̶au.

Apocalipsis 8:12

Mau maad̶akare june ab̶a angelba ichi kachu chaasii. Ara makʉd̶e beraa mita jed̶ako pãriusii maud̶e ʉmada. Maud̶e beraa mita pusterrearã sid̶a pãriusii. Maud̶eeba beraa mita ewari ab̶a pãriu nub̶eesii. Maud̶e ẽsabud̶e bid̶a beraa mita chi jed̶ako maud̶e pusterrearã sid̶a pãriu nub̶eesii.

Apocalipsis 8:7

Ab̶auba ichi kachu chaasii. Ara makʉd̶e bajãad̶ebena nau iujãad̶e hielo kui kĩra b̶aesid̶au. Maud̶e nau iujãad̶e tʉbʉchia oa baara b̶aesid̶au. Mauba nau iujãa jomad̶ebena beraa mita baawãsii maud̶e bakururã sid̶a. Mama chi siruarã joma baawãsii.

Apocalipsis 8:8

Mau maad̶akare june ab̶a angelba ichi kachu chaasii. Ara makʉd̶e ab̶auba ea kĩra urua aoko b̶uu mard̶e jiratasii. Mauba beraa mita chi mar oa ba nub̶eesii.

Apocalipsis 8:9

Chi oa ba nub̶ee b̶uad̶amare ãnimararã mard̶ebena beraa mita kinisid̶au maud̶e jãba aria duanad̶a beraa mita teakuasii.

Apocalipsis 9:10

Ãchi druu dosurĩ druu kĩra misua panasii. Maarãba ẽbẽrarã ãchi druuba jed̶ako jua ab̶a poyaa puꞌua pirabiad̶ai panasii.

Apocalipsis 9:19

Mau murarã poyaa ãchi okarrd̶e maud̶e ãchi drud̶e b̶uasii. Ãchi druu dama kĩra panasii. Ãchi druu boro bara nureeba ẽbẽrarã kaad̶aped̶a maabae beabachid̶au.