Apocalipsis 12:3 - Emberá Chamí

³ Maabae maucha ne makai b̶uu ʉ̃rʉbena bajãad̶e unusii. Mʉʉba dragón mimichia puria nii unusii. Mau dragón boro 7 inibasii maud̶e kachu sid̶a 10 inibasii. Boro jũra borocha jʉ̃ b̶uasii.

Apocalipsis 12:3 Iomraidhean Croise

Apocalipsis 12:1

Bajãad̶e ne makai b̶uu ʉ̃rʉbena unusii. Mʉʉba wẽra ab̶a ʉmada paru kĩra jʉ̃ b̶uu unusii. Mau jʉ̃rʉ jed̶ako ʉ̃rʉ tʉa kub̶uasii. Boro jũra pusterrea 12 waud̶a jʉ̃ b̶uasii.

Apocalipsis 12:13

Chi dragonba ichi nau iujãad̶aa jiratad̶a kuitaasiid̶eeba, mau wẽra warr adaud̶a wãraasii kachirua wauyua.

Apocalipsis 12:17

Maud̶eeba chi dragón chi mau wẽra ome ãrea kĩru kob̶eesii. Ara makʉd̶e chi waabenarã chi mau wẽrad̶ebena imiped̶aad̶a ome chĩod̶e wãsii. Maarã imiped̶aad̶a chi Dachi Akõreba waubi b̶uu bed̶ea waubadaurãbʉ maud̶e chi Jesusba jaradead̶ad̶e ijãabadaurãbʉ.

Apocalipsis 12:4

Chi druu neapesiid̶e pusterrearã bajãad̶ebenarã beraa mita b̶aesid̶au nau iujãad̶e. Mau dragón wẽra warr adaui baita b̶uumare b̶ari nub̶eesii chi warr adauruud̶e mii baita.

Apocalipsis 12:7

Mau maad̶akare chi ángel mechiu Miguel abadau maud̶e chi angelerã joma ichi baara duanuu, chi dragón chi ichi baara duanuu ome bajãad̶e chĩosid̶au.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 13:1

Mau maad̶akare chi dragón mar iikaa ibud̶e ʉkʉ nub̶eesii. Ara maud̶e mʉʉba ãnimara kachirua mard̶ebena awara neeruu unusii. Mau ãnimara 7 boro inibasii maud̶e 10 kachu. Kachurãcha boro jũra ab̶a inibasii. Borocha trʉ̃ kachirua Dachi Akõre ʉ̃rʉbena b̶ʉ kub̶uasii.

Apocalipsis 13:2

Chi mau ãnimara mʉʉba unud̶a imama kĩra pã nibasii. Ichi jʉ̃rʉ ui jʉ̃rʉ kĩra nibasii. Chi okarr león okarr kĩra nibasii. Dragonba mau ãnimaramaa chi poyaabarii deasii. Maud̶e ichi rey ãkaud̶e akʉ b̶eebisii chi nau iujãad̶e panuurã joma ichi juad̶e duanamera.

Apocalipsis 13:4

Maud̶e ãchiba chi dragonmaa biꞌia berreabachid̶au, mau ãnimaramaa chi poyaabarii dea b̶uasiid̶eeba. Naka jarabachid̶au: «¿Kai nau ãnimara kĩra nima? ¿Kai nau ome poyaa chĩoi b̶uma?»

Apocalipsis 15:1

Maabae mʉʉba waya maucha ne makai biꞌia b̶uu bajãad̶e unusii. Mau kakua ẽbẽrarãba kãare kʉ̃risiad̶ai adua paneesii. Angelerã 7 duanasii. Ãchi ab̶aab̶aa chi kaad̶earebena ne kachirua uru panasid̶au mauba biꞌiwãe paneebiad̶ai baita. Dachi Akõreba maka kastikaped̶a, chi kĩrubi wãꞌãe.

Apocalipsis 16:13

Maud̶e õbea chi jai kachirua nureerã unusii. Ab̶a dragón okarrd̶ebena neesii. Ab̶a ãnimara okarrd̶ebena neesii. Maud̶e ab̶a Dachi Akõre baita berreabarii chi biawãrawãe okarrd̶ebena sid̶a neesii.

Apocalipsis 17:12

»Chi bichiba unud̶a kachurã 10 panuu, 10 reyrã bad̶ai panuu jara b̶uu; wabid̶a reyrã bad̶awẽa panuu. Maamina chi ãnimara rey baaruud̶e ãchi sid̶a rey bad̶ai, ewari ãrea panad̶aabai b̶umina.

Apocalipsis 17:16

Chi bichiba unud̶aba kachurã 10 panuurãba maud̶e chi ãnimaraba wẽra aud̶uabarii kĩramaa panad̶ai. Maud̶eeba chi mauba uru b̶uu joma juakaa adaud̶ai. Joma ewaraa b̶ud̶ai. Maarãba ichi kiuru kod̶aped̶a maabae chi b̶eeruu baatad̶ai.

Apocalipsis 17:7

Maud̶e angelba mʉʉmaa nau id̶isii: «¿Sakãe kãare kʉ̃risiai aduama? Mau wẽra ʉ̃rʉbena ab̶auba kauwa ũrii b̶uu maud̶e chi ãnimara ʉ̃rʉ mau wẽra wãaruu akʉ b̶uu mʉʉba mau kauwa jarai. Maud̶e chi ãnimara boro 7 inii, maud̶e ichiba kachu 10 inii ʉ̃rʉbena biꞌia jarai.

Apocalipsis 19:12

Ichi dau tʉbʉ aoko nub̶uu kĩra koa b̶uasii. Ichi borod̶e boro jũra ãrea jʉ̃ b̶uasii. Ichi borod̶e trʉ̃ b̶ʉ inibasii maamina ab̶au bid̶a mau trʉ̃ adua basii; ichiaburu mau kuitaa b̶uasii.

Apocalipsis 20:2

Chi dragón jidadauped̶a 1.000 años jʉ̃ kub̶usii. Mau dragón nabẽraed̶ebena damabʉ. Jʉbawãe nii maud̶e Satanás abadau.