Apocalipsis 12:10 - Emberá Chamí

¹⁰ Maabae mʉʉba ab̶a bajãad̶e jĩkua berrearuu ũrisii. Naka jarasii: «Id̶i Dachi Akõreba ichi ẽbẽrarã karibamaa b̶uu. Id̶i ichi poyaabariiba jomaurã ichi juad̶e ua b̶uu. Cristo chi karibabarii deai jarad̶aba joma poyaai. Bajãad̶ebena iujãad̶aa chi dachi ãbarã jideabarii jiratasii. Mauba ẽsabud̶e maud̶e ãyadaa Dachi Akõre daad̶e makabachii.

Apocalipsis 12:10 Iomraidhean Croise

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Mateo 6:10

Daiba kʉ̃ria panuu kãꞌãabariwãed̶e bichiba bichid̶irã bichi juad̶e ua b̶uai. Kʉ̃ria panuu bichiba kʉ̃ria b̶uu nau iujãad̶ebenarãba waud̶ai, bajãad̶ebenarãba waubadau kĩra.

Lucas 11:2

Jesusba jarasii: —Machiba Dachi Akõremaa ʉtaa id̶iiduud̶e naka berreásturu: “Dai Akõre bajãad̶e b̶uu, bichi trʉ̃ aude bibuara nii waabenarã trʉ̃ audeara. Daiba kʉ̃ria panuu kãꞌãabariwãed̶e bichiba bichid̶irã bichi juad̶e ua b̶uai. [Kʉ̃ria panuu bichiba kʉ̃ria b̶uu nau iujãad̶ebenarãba waud̶ai, bajãad̶ebenarãba waubadau kĩra.]

Lucas 22:31

Mau awara Dachi Mechiuba jarasii: «Simón, Simón, Satanasba Dachi Akõremaa id̶isii machi biꞌiwãe b̶uabiai baita mʉʉd̶e ijãa panuu ida b̶ud̶amera.

1 Corintios 5:4

Machi araa ãbua imiiduud̶e mʉ jaurid̶e machi ome b̶uai. Maud̶e Dachi Mechiu Jesusba chi poyaabarii machimaa deai,

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

Tito 2:3

Maud̶e chõodraarãmaa jaradease Dachi Akõre daad̶e jipa nuread̶amera, waabenarã ʉ̃rʉbena setaa jararãad̶amera maud̶e itua biu nibarãad̶amera. Maumaarã ne joma biꞌia jaradead̶ai panuu.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».

Apocalipsis 2:26

Chi kachirua waud̶ai poyaaped̶aad̶arã maud̶e chi mʉʉba kʉ̃ria b̶uu ewaricha wauped̶aad̶arã, mʉʉba puuru jomad̶e chi karrarã b̶ui mʉ chachaba mʉ jomaurã karr b̶usii kĩra. Maud̶e kĩra chuburiad̶awẽa joma nau iujãad̶ebenamaa ichid̶e ijãabia b̶uai. Maarãba jomaurã poyaa panad̶ai kuuru ãribarii kĩra.

Apocalipsis 7:10

Maud̶e joma naka kĩrud̶eeba jarasid̶au: «¡Dai Akõre nau rey ãkaud̶e akʉ b̶uu maud̶e chi Oeja Kaebe nii baarauba dai karibasid̶au!»