Apocalipsis 11:3 - Emberá Chamí

³ Mau ewarid̶e mʉʉba ẽbẽra ome bʉi mʉ ʉ̃rʉbena dod̶aa berread̶amera. Maarã paru parrba jʉ̃d̶aped̶a 1.260 ewari Dachi Akõre baita berread̶ai».

Apocalipsis 11:3 Iomraidhean Croise

Mateo 11:21

Naka jarasii: —¡Corazín puurud̶ebenarã maud̶e Betsaidad̶ebenarã miichuburi nuree Dachi Akõreba kastikaid̶eeba! Mʉʉba machi tãed̶e ẽbẽrarãba ne poyaa waud̶akau ãrea wausii. Mʉʉba maka waud̶a basirã Tirod̶e maud̶e Sidond̶e, mau puurud̶ebenarãba isa ãchi kachirua ida b̶ud̶aped̶a Dachi Akõred̶e ijãad̶ai basii. Maud̶eeba paru parr jʉ̃d̶ai basii maud̶e etab̶arr jora boro ʉ̃rʉ kuikuad̶ai basii.

Mateo 18:16

Maamina bichi bed̶ea ijãawẽebʉrã, ẽbẽra ab̶a maebʉrã ome ichimaa adoese. Maarãba joma bichiba jara b̶uu biawãra b̶uu ad̶ai.

Lucas 10:13

»¡Corazín puurud̶ebenarã maud̶e Betsaidad̶ebenarã miichuburi nuree Dachi Akõreba kastikaid̶eeba! Mʉʉba machi tãed̶e ẽbẽrarãba ne poyaa waud̶akau ãrea wausii. Mʉʉba maka waud̶a basirã Tirod̶e maud̶e Sidond̶e, mau puurud̶ebenarãba isa ãchi kachirua ida b̶ud̶aped̶a Dachi Akõred̶e ijãad̶ai basii. Maud̶eeba etab̶arr jora machi boro ʉ̃rʉ kuikuad̶ai basii maud̶e kĩra nomaaba paru parr jʉ̃d̶ai basii.

Lucas 24:48

Ara machi dauba mʉ makad̶a joma unusid̶au.

Juan 15:27

Machia bid̶a mʉ ʉ̃rʉbena berread̶ai, machi arab̶aed̶eed̶e mʉ baara panuud̶eeba.

Juan 3:27

Maud̶eeba Juanba jarasii: —Ab̶au bid̶a poyaa uru b̶uabai, chi mau Dachi Akõreba ichimaa dearuuwãebʉrã.

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 13:31

Mau maad̶akare Jesusba ichi baara Galilead̶ebena Jerusalend̶aa wãped̶aad̶arãmaa ichi b̶es ãrea unubiasii. Mau ẽbẽrarãba ichi ʉ̃rʉbena joma israeld̶ebenarãmaa berrea panuu.

Hechos 2:32

»Davidba jarad̶a kĩra Dachi Akõreba Jesús biu b̶uad̶a chokae jiradubisii. Joma daiba mau unusid̶au.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

1 Corintios 12:28

Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.

2 Corintios 13:1

Dachi Akõre bed̶ead̶e naka jara b̶uu: «Ab̶auba kachirua waud̶a ichiaduud̶e ẽbẽra ome maebʉrã õbea panad̶ai panuu. Maud̶e ichiba kachirua waud̶a ʉ̃rʉbena arab̶aud̶e jaraaduubʉrã, kuitaad̶ai biawãra kachirua wausii». Nauba b̶es õbea mʉ machimaa wãaruud̶eeba iadaai Dachi Akõre bed̶ead̶e jara b̶uu kĩra.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Apocalipsis 11:2

Maamina Dachi Akõre de mechiu mooba aude ad̶u kĩra b̶uu ekarebena drua chaarã́se, mau Dachi Akõred̶e ijãad̶akaurã deasiid̶eeba. Maarãba Dachi Akõre puuru Jerusalén poyaad̶ai 42 jed̶akod̶aa.

Apocalipsis 11:6

Maarã ome ẽbẽra Dachi Akõre baita berreamaa panuud̶e, bajãa poyaa jʉ̃ad̶ai kui chebiamaaba. Maud̶e bania sid̶a poyaa oa babid̶ai, maud̶e ne kachirua didiwaraa poyaa neebid̶ai nau iujãa ãchi kʉ̃ria ãrid̶ai baita.

Apocalipsis 12:6

Maabae chi wẽra drua sirua wãꞌãed̶aa miru wãsii. Dachi Akõreba aria joma maka wau b̶uasii 1.260 ewarid̶aa mau nu uru panad̶amera.

Apocalipsis 13:5

Dachi Akõreba mau ãnimaramaa ara ichi chi aude mechiu nii a jarai ida kabisii maud̶e Dachi Akõre chi biawãe nii a jaramera. Maud̶e 42 jed̶akod̶aa nau iujãad̶ebenarã ichi juad̶e ua b̶uai ida kabisii.

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Apocalipsis 20:4

Maabae mʉʉba rey ãkaurã ãrea unusii. Mau ʉ̃rʉ akʉ b̶eemaa Dachi Akõreba dead̶akasii ẽbẽrarãba wauped̶aad̶a ichiad̶amera. Maud̶e ẽbẽrarã boro tʉʉtaped̶aad̶a jauri unusii. Maka boro tʉʉtasid̶au Jesusba jaradead̶a ijãa panuud̶eeba maud̶e Dachi Akõre bed̶ea jaradea panuud̶eeba. Ãchiba ãnimara kachirua nii maud̶e chi ara ichi kĩra juaba ne kaped̶aad̶a ãrea kʉ̃riad̶aabasii. Ichi seña ãchi daub̶ʉʉrʉd̶e juad̶e bid̶a ida waubid̶aabasii. Ãchi chokae jiradud̶aped̶a Cristo baara karrarã 1.000 años paneesid̶au.