Apocalipsis 11:19 - Emberá Chamí

¹⁹ Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.

Apocalipsis 11:19 Iomraidhean Croise

Apocalipsis 11:13

Maud̶e ioromia meserãa neesii. Mauba Jerusalén puurud̶e de ãrea korekuasii. 7.000 ẽbẽrarã biusid̶au. Ara maud̶e chi chokae panuuba perad̶eeba chi bajãad̶ebena Dachi Akõremaa biꞌia nii a jarasid̶au.

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».

Apocalipsis 12:1

Bajãad̶e ne makai b̶uu ʉ̃rʉbena unusii. Mʉʉba wẽra ab̶a ʉmada paru kĩra jʉ̃ b̶uu unusii. Mau jʉ̃rʉ jed̶ako ʉ̃rʉ tʉa kub̶uasii. Boro jũra pusterrea 12 waud̶a jʉ̃ b̶uasii.

Apocalipsis 16:1

Maud̶e mʉʉba Dachi Akõre de bajãad̶e kub̶uareeba ab̶aba jĩwa berrearuu ũrisii. 7 angelerãmaa nau jarakuasii: «Chi sãu Dachi Akõre kĩru kub̶uuba waabiru nub̶uu iujãad̶e eakoad̶e wã́sturu».

Apocalipsis 16:18

Ara makʉd̶e bã puri chebi kob̶eesii, bã bed̶ea baraa ãrea to kob̶eesii, maud̶e ioromia sid̶a ãrea neesii. Dachi Akõreba ẽbẽra wausiid̶eed̶ebena id̶i jãka ioromia urikabasii.

Apocalipsis 16:21

Bajãad̶ebena ẽbẽrarã ʉ̃rʉ hielo mo mechiu kĩra b̶aesid̶au. Mau hielo beraa 40 kilos chikʉa b̶easii. Mau hielo b̶aesid̶auba biꞌiwãe panasid̶aud̶eeba, maarãba Dachi Akõre ʉ̃rʉbena kachirua berreasid̶au.

Apocalipsis 19:11

Maad̶akare mʉʉba bajãad̶e poraa ewa nub̶uu unusii. Ara makʉd̶e mura torr neesii. Mau mura ʉ̃rʉ akʉ b̶uu trʉ̃ jarabadau Chi Jarad̶a Kĩra Waubarii maud̶e Chi Biawãra abadau. Mauba ẽbẽrarã jipa ichiabarii maud̶e jipa wau b̶uud̶eeba chi kĩramaa panabadau ome chĩobarii.

Apocalipsis 4:1

Mau maad̶akare Dachi Akõreba mʉʉmaa unubisii poraa ab̶a bajãad̶e ewa nub̶uu. Ara maud̶e chi naed̶e mimi kachu chaaruu kĩra ũri b̶uad̶aba jarasii: «Nama ʉtʉ uruse. Mʉʉba unubii chi jãad̶akare makai b̶uu ewari».

Apocalipsis 4:5

Ara maud̶e chi rey ãkau bajãad̶e b̶uud̶ebena bã puri chebi b̶uasii, ʉrʉrʉa b̶uasii, maud̶e bã ãrea to b̶uasii. Mau rey ãkau daad̶e 7 lámpara koa topanasii. Mau lámpara chi 7 jauri Dachi Akõred̶ebʉ.

Apocalipsis 7:15

Maud̶eeba maarã Dachi Akõre rey ãkau jãkaa duanuu. Ichi ded̶e ãyadaa maud̶e ẽsabud̶e ichi baita ne wau panuu. Maud̶e chi ãkaud̶e akʉ b̶uu maarã baara b̶uai.

Apocalipsis 8:5

Maabae chi angelba kera baa deabadaud̶ebena tʉbʉ kĩra adauped̶a, chi paratu waabirubisii. Mau tʉbʉ kĩra nau iujãad̶aa jiratasii. Mauba bã tosii, ʉrʉrʉa wã kob̶eesii, bajãa puri chebi kob̶eesii maud̶e nau iujãa sid̶a uri kob̶eesii.

Apocalipsis 8:7

Ab̶auba ichi kachu chaasii. Ara makʉd̶e bajãad̶ebena nau iujãad̶e hielo kui kĩra b̶aesid̶au. Maud̶e nau iujãad̶e tʉbʉchia oa baara b̶aesid̶au. Mauba nau iujãa jomad̶ebena beraa mita baawãsii maud̶e bakururã sid̶a. Mama chi siruarã joma baawãsii.