Apocalipsis 11:13 - Emberá Chamí

¹³ Maud̶e ioromia meserãa neesii. Mauba Jerusalén puurud̶e de ãrea korekuasii. 7.000 ẽbẽrarã biusid̶au. Ara maud̶e chi chokae panuuba perad̶eeba chi bajãad̶ebena Dachi Akõremaa biꞌia nii a jarasid̶au.

Apocalipsis 11:13 Iomraidhean Croise

Juan 9:24

Maud̶eeba chi judiorã karrarãba chi dau pãriu b̶uad̶a waya iud̶aped̶a jarasid̶au: —Dachi Akõre trʉ̃d̶e daimaa mau ẽbẽra ʉ̃rʉbena biawãra jarase. Daiba kuitaa panuu mau kachirua waubarii.

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Apocalipsis 11:11

Maamina ewari õbea ẽsa basiid̶e Dachi Akõreba ãchi chokae jiradubiasii. Ãchi jiraduuduu unuped̶aad̶a ãrea perasid̶au.

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.

Apocalipsis 14:7

Mauba jĩwa naka jarasii: «¡Dachi Akõre wapeásturu! Ichíturu chi mechiu nii ásturu, ichiba kastikai ewari neesiid̶eeba. Bajãa, iujãa, mar maud̶e bania iorod̶e bumadrubarii waud̶ad̶eeba, mau biꞌia berreásturu».

Apocalipsis 15:4

Dai Mechiu, ¿kaiba bichi wapeabai b̶uma? ¿Kaiba bichi chi Mechiu nii aabaima? Bichi Dachi Akõre báitaburu niibʉ. Joma druachad̶ebena imiped̶aad̶aba bichimaa biꞌia berread̶ai, bichiba chi jipa wau b̶uu jomaurãmaa unubiasiid̶eeba».

Apocalipsis 19:7

¡Kĩrajʉ́duru! ¡Kĩrajʉ́duru! Ichi chi Mechiu nii ad̶ai, Oeja Kaebe Nii miakãai ewari basiid̶eeba. Ichi wẽra ba b̶eeruu paru jʉ̃sii.

Apocalipsis 3:4

Maamina machi Sardisd̶ebena b̶aꞌãra barau chi kachiruad̶e panabadauwãe, machi paru jayoaswãe panuu kĩra. Machi mʉ baara ãbua nibad̶ai baita biꞌia panuud̶eeba, paru torroa jʉ̃ʉduud̶e mʉ baara nibad̶ai.

Apocalipsis 6:12

Mau maad̶akare mʉʉba unusii chi Oeja Kaebe Niiba chi wãa kub̶uu maucha oetaaruu. Maud̶e ioromia ãrea urisii. Ʉmada pãriusii paru parr ab̶a biud̶akare jʉ̃badau kĩra. Jed̶ako joma oa kĩra puria kob̶eesii.

Apocalipsis 8:5

Maabae chi angelba kera baa deabadaud̶ebena tʉbʉ kĩra adauped̶a, chi paratu waabirubisii. Mau tʉbʉ kĩra nau iujãad̶aa jiratasii. Mauba bã tosii, ʉrʉrʉa wã kob̶eesii, bajãa puri chebi kob̶eesii maud̶e nau iujãa sid̶a uri kob̶eesii.