Apocalipsis 10:11 - Emberá Chamí

¹¹ Maabae ichiba mʉʉmaa jarasii: «Bichi waya Dachi Akõred̶eeba berreai b̶uu puuru ãrea makai ʉ̃rʉbena, drua ãrea sakai ʉ̃rʉbena, berreabadaucha sakai ʉ̃rʉbena, maud̶e reyrã sakai ʉ̃rʉbena».

Apocalipsis 10:11 Iomraidhean Croise

Apocalipsis 10:10

Mau karta kaebeu chi ángel juad̶ebena adauped̶a kosii. Mʉ okarrd̶e nidurr kũab̶ari b̶aa kĩra kũaa b̶uasii maamina kosiid̶e mʉ b̶id̶e asia b̶uasii.

Apocalipsis 11:1

Mau maad̶akare ab̶auba bakuru ne chaabarii mʉʉmaa deaped̶a naka jarasii: «Dachi Akõre de mechiu bakuruba chaayase asii, maud̶e chi Dachi Akõre baita ne baa deabadaumare. Maud̶e chi aria Dachi Akõremaa biꞌia berrea panuurã joma juasiise.

Apocalipsis 11:9

Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebenarãba mau biuped̶aad̶a aria jirata b̶ari b̶ee unud̶ai ewari õbea bad̶aped̶a maud̶e ãsad̶aa. Maarã biuped̶aad̶a ʉyaad̶ai ida kabid̶aabai.

Apocalipsis 14:6

Mau maad̶akare mʉʉba ángel ab̶a bajãad̶e ũub̶ari nii unusii. Mauba chi bed̶ea bia uru b̶uasii chi nau iujãad̶ebena jomaurãmaa jarai baita: puurud̶ebenarãcha, druad̶ebenarãcha, ẽbẽrarã didiwaraacha maud̶e bed̶ea didiwaraacha. Mau bed̶ea ewaricha maka b̶uai.

Apocalipsis 17:10

Maud̶e chi 7 boro, 7 rey jara b̶uu. Maarã 7 reyrãd̶ebena, jua ab̶a biusid̶au. Chi maarãd̶ebenaba ẽbẽrarã wabid̶a ichi juad̶e ua b̶uu. Maud̶e wabid̶a maarãd̶ebenarã ab̶a awara neewẽa b̶uu, maamina chi mau neeruud̶e ẽbẽrarã rey baarumina ãrea b̶uabai.

Apocalipsis 17:12

»Chi bichiba unud̶a kachurã 10 panuu, 10 reyrã bad̶ai panuu jara b̶uu; wabid̶a reyrã bad̶awẽa panuu. Maamina chi ãnimara rey baaruud̶e ãchi sid̶a rey bad̶ai, ewari ãrea panad̶aabai b̶umina.

Apocalipsis 17:15

Maabae chi angelba naka jarasii: «Bichiba chi mau wẽra akʉ b̶uumare doorã ãrea unusii. Chi mau doorã ãrea puuru didiwaraa, bed̶ea didiwaraa maud̶e drua didiwaraa jara b̶uu.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.