Apocalipsis 10:1 - Emberá Chamí

¹ Mau maad̶akare mʉʉba ángel ãrea poyaabarii ab̶a bajãad̶ebena jʉ̃rʉara tãed̶e uruu unusii. Ichi boro ʉ̃rʉ iuma jũra nub̶uasii. Ichi kĩedarr ʉmada kĩra urua b̶uasii. Ichi jʉ̃rʉ tʉbʉ aoko nub̶uu kĩra b̶uasii.

Apocalipsis 10:1 Iomraidhean Croise

Mateo 17:2

Aria ãchi daad̶e Jesús kĩra awara did̶isii. Ichi kĩedarr ʉmada kĩra ted̶echoa did̶isii maud̶e ichi paru ʉ̃d̶aa kĩra torroa did̶isii.

Lucas 21:27

Maabae mʉ, chi Ẽbẽra Ba B̶uad̶a jʉ̃rʉarad̶e poyaabarii baraa maud̶e kĩrawãrea ted̶echoa neeruu unud̶ai.

Hechos 26:13

Maamina, mʉ rey, od̶e wãsiid̶e ãsa baaruud̶e mʉ maud̶e chi mʉ baara wãaduurãba bajãad̶ebena ʉ̃d̶aaruu unusid̶au. Mau ʉ̃d̶aa ʉmada aude ted̶echoasii.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Apocalipsis 18:1

Mau maad̶akare mʉʉba june ab̶a ángel bajãad̶ebena ed̶aa uruu unusii. Mau chi mechiu nibasii. Ichi ted̶echoaba nau iujãa ʉ̃d̶aasii.

Apocalipsis 18:21

Maabae ángel mechiuba mo mechiu kũruma kĩra b̶uu mard̶e jiratasii. Makamaa b̶uud̶e naka jarasii: «Maka mʉʉba mau mo mard̶e jiratad̶a kĩra Babilonia puuru mechiu kãꞌãabariwãed̶e joma ãrii. Mau puuru waa unud̶aabai.

Apocalipsis 20:1

Mau maad̶akare mʉʉba ángel ab̶a bajãad̶ebena ed̶aa uruu unusii. Mauba eakarr ed̶aa chob̶eabena poraa ewabarii uru b̶uasii. Maud̶e kaena borea b̶uu ichi juad̶e uru b̶uasii.

Apocalipsis 4:3

Chi mau ãkaud̶e akʉ b̶uu ted̶echoasii mokara jaspe maud̶e coralina ted̶echoabadau kĩra. Mau ãkau ad̶u iuma jũra b̶uasii. Chi iuma mokara esmeralda kĩra ted̶echoa b̶uasii.

Apocalipsis 5:2

Maud̶e mʉʉba ángel ab̶a poyaabarii unusii. Mauba jĩkua berrearuuba id̶isii: «¿Kai biꞌia b̶uma chi kartamaa wãa kub̶uu oetaped̶a ewai baita?»

Apocalipsis 8:13

Mʉʉba ʉtaa ichiasiid̶e ũrisii nejõo ab̶a ʉtʉ ũub̶ari kãriiba naka jara kãrii: «¡Mia pera! ¡Mia pera! ¡Mia pera! Ẽbẽrarã nau iujãad̶ebena kĩra chuburiad̶ai chi waabena angelerãba ãchi kachu chaaduud̶e!»