Apocalipsis 1:7 - Emberá Chamí

⁷ Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Apocalipsis 1:7 Iomraidhean Croise

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 16:28

Mʉʉba biawãra jaraaruu: chi nuree nama panuu biud̶ai naed̶e unud̶ai mʉ, chi Ẽbẽra Ba B̶uad̶a Dachi Akõreba ichid̶irã ichi juad̶e ua b̶uu neeruu.

Mateo 24:30

Maud̶e bajãad̶e ne unud̶ai. Mau mʉ, chi Ẽbẽra Ba B̶uad̶a neeruu ʉ̃rʉbena. Mau unuuduud̶e joma puuru nau iujãad̶ebenarã wapeaba jẽad̶ai. Mʉ jʉ̃rʉarad̶e poyaabarii baraa neeruu maud̶e kĩrawãrea ted̶echoa neeruu unud̶ai.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Marcos 13:26

»Mau ewarid̶e mʉ, chi Ẽbẽra Ba B̶uad̶a jʉ̃rʉarad̶e poyaabarii baraa neeruu maud̶e kĩrawãrea baraa neeruu unud̶ai.

Marcos 14:62

Jesusba panausii: —Mʉʉbʉ. Machiba mʉ, chi Ẽbẽra Ba B̶uad̶a unud̶ai, Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Lucas 21:27

Maabae mʉ, chi Ẽbẽra Ba B̶uad̶a jʉ̃rʉarad̶e poyaabarii baraa maud̶e kĩrawãrea ted̶echoa neeruu unud̶ai.

Juan 19:34

Maka b̶uud̶e kokoroaba Jesús orrd̶e miasuba susii biawãra biusii kuitaa. Ara makʉd̶e oa bania baara chesii.

Juan 19:37

Maud̶e Dachi Akõre bed̶ead̶e nau sid̶a b̶ʉ kub̶uu: «Ãchiba suped̶aad̶amaa ichiad̶ai».

1 Tesalonicenses 1:10

Ãchiba jara panuu saka machiba Dachi Akõre Warr Jesús bajãad̶ebena neei esed̶au panuu. Ara mau Jesús Dachi Akõreba biud̶ad̶ebena chokae jiradubisii. Mauba Dachi Akõreba dachi kastikai bad̶a karibasii.

1 Tesalonicenses 4:17

Ara makʉd̶e dachi, chi chokae nuree, maarã ome ãbua ʉtaa wãd̶ai Dachi Mechiu baara jʉ̃rʉarad̶e unud̶ai baita. Maka Dachi Mechiu ome ewaricha duanad̶ai.

Hebreos 10:29

Maud̶eeba ¿saka kʉ̃risia panuma? ¿Dachi Akõreba chi ichi Warr ida b̶ubadaurã aude kastikaika? Dachi Akõreba ichi Warr oad̶eeba bed̶ea chiwid̶i deasii dachi ichi baita biꞌia b̶ui baita. Makarã ¿chi Dachi Akõreba ichi Warr oa ched̶a biꞌiwãe b̶uu abadaurã aude kastikaika? Mau awara Dachi Akõre Jauriba ichi sõbiad̶eeba dachi aid̶a b̶uu. Maka b̶uubʉrã ¿chi Dachi Akõre Jauri ʉ̃rʉbena kachirua jarabadaurã kastikawẽka?

Hebreos 6:6

ab̶auba Dachi Akõre warr Cristo ida b̶uuruubʉrã, waya ichimaa poyaa neebai. Makaa basirã, maarãba jomaurãmaa Cristo ʉ̃rʉbena kachirua berreabiad̶ai basii waya cruzd̶e nub̶uuduu kĩra.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

Judas 1:14

Enocba maarã ʉ̃rʉbena berreasii. (Adand̶ebena ab̶a Enocd̶aa ẽbẽrarã imiped̶aad̶arã 7 panasid̶au). Enocba Dachi Mechiu baita naka berreasii: «¡Ũrísturu! Dachi Mechiu ichid̶irã ãrea baara neei joma kastikakuai baita. Maud̶e joma ichi kʉ̃riad̶akaurã kastikakuai. Maka waui kachirua wausid̶aud̶eeba Ichi kʉ̃riad̶aabasiid̶eeba, maud̶e Ichi ʉ̃rʉbena kachirua ãrea berreasid̶aud̶eeba».

Apocalipsis 22:20

Joma nau kartad̶e b̶ʉ kub̶uu Jesusba biawãra a b̶uu. Ichiba naka jara b̶uu: «¡Biawãra b̶uu mʉ kãꞌãabariwãed̶e neei!» Biꞌia b̶uu kãꞌãabariwãed̶e neei. ¡Uche dai Mechiu Jesús!

Apocalipsis 22:4

Ichi kĩedarr unud̶ai maud̶e ichi trʉ̃ ãchi daub̶ʉʉrʉd̶e b̶ʉ uru nuread̶ai.